Nehemiya 1:3 - Tonga Bible 1986

³ Ndipo iwo ŵanguti kwaku ine, “Wo ŵachalipo ŵamoyo mu charu chiya wo ŵanguthaŵa kuyoleke ku umkoli ŵemu suzgu yikuru ndi chilengesku; linga la Yerusalemu likugumukiya pasi, ndipo malikomo ghake ghakufya ndi moto.”

Nehemiya 1:3 Referans Kwoze

Nehemiya 2:17

Pavuli ndinguti kwaku wo, “Muwona suzgo yo tilimu, mo Yerusalemu walili ngwakuphwanyika ndi malikomo ghake ghakufya. Zaninga tizenge linga la Yerusalemu, alinga tireke kuwereka ndi lilengu.”

2 ŴaKaronga 25:10

Ndipo liŵanja lose la nkhondo la ŵaKaldiya, lo lenga pamoza ndi nduna ya ŵalinda ŵakaronga, ŵangubwanganduliya pasi malinga ghakuzunguliya Yerusalemu.

Nehemiya 7:6

Yaŵa ndiwo ŵenga ŵanthu ŵachigaŵa ŵeniwo ŵangutuwa mu kukoleka, ŵaku wo ŵenga mu umkoli, ŵeniwo Nebukadanezara karonga wa Babiloni wanguyole kuvyaru vinyake, ŵanguwere ku Yerusalemu ndi ku Yuda, we yose ku muzi wake.

Nehemiya 2:13

Ndingutuwa ndi usiku kuya ku likomo la Dambo kuya ku chisima cha Kambe ndi ku likomo la Urongo ndipo ndingusandasanda linga la Yerusalemu lenilo lingugumukiya pasi ndi malikomo ghake gho ghangufya ndi moto.

Nehemiya 2:3

Ndinguti ku karonga, “Waje wamoyo muyaya karonga! Chingareka uli kuzimbwa chisku changu, penipo msumba, malo gha miunda ya ada, nga uyiku ndi malikomo ghakufya ndi moto?”

Ezra 5:8

Kuziŵike ku karonga kuti tinguruta ku charu chaku Yuda, ku nyumba yaku Chiuta Mkuru, yo yizengeka sono ndi mya yikuru ndi miti yiŵikika pa viliŵa. Nchitu yitenda mwa ruŵi, yilivi kulondeka kutuwa mu manja ghawo.

Chitenje 5:1

Kumbukani, Ambuya cho chatiwiya; teskani, ndi wonani kulengeskeka kwidu!

Chitenje 3:61

“Mwavwa kuwoya kwawo, Ambuya, ndi kundiyukiya kwawo kose.

Chitenje 1:7

Yerusalemu wakumbuka mu mazuŵa gha suzgu yake, ndi kuŵaŵa, vinthu vyose vyakuzirwa vyenivyo vyenga vyake kutuwa ku mazuŵa ghamwaka. Penipo ŵanthu ŵake ŵanguwa mu manja gha ŵarwani, ndipo pengavi nanga njumoza kumovya, ŵarwani ŵangukondwere pake, ŵanguseka pakubwanganduka kwake.

Yeremiya 52:14

Ndipo ŵankhondo wose ŵa ŵaKaldiya, wo ŵenga ndi nduna ya ŵakuvikiriya Yerusalemu.

Yeremiya 42:18

“Viyo atiti Ambuya ŵa maŵanja, Chiuta waku Yisraele: Mwenimo kukwiya kwangu ndi ukari wangu vingupungulikiya pa ŵakuja mu Yerusalemu, viyo ndimu ukari wangu ukapungulikiyanga paku imwe asani mutiya ku Egipiti. Mukaŵanga kawerere, chakofya, thembo chakunyozeka. Kuti mughawonenge so cha malo yagha.

Yeremiya 39:8

ŴaKaldiya ŵangocha nyumba ya karonga ndi nyumba za ŵanthu, ndi ŵangubwanganduliya pasi malinga gha Yerusalemu.

Yeremiya 29:18

Ndikaŵandondoloskanga ndi lipanga, chilala ndi chideru, ndipo ndikaŵawoneskanga nge nchakunyozeka mu maso mwa maufumu ghose gha charu chapasi, kuwa chakutembeka, chakofya, chakuyeyeka, ndi chakusekeka mu mitundu yose mwaku yo ndikuŵadikiskiyamo,

Yeremiya 24:9

Ndikaŵachitanga kuŵa chakofya ku maufumu ghose gha charu chapasi, kuŵa chakusekeka, chakukambika, kawerere, ndi chakutembeka mu malo ghose ghenigho ndikaŵadikiskiyangako.

Yeremiya 5:10

“Ukwere ukaporoti mu mizere yake ya mphereska ndi ukaparghang'e, kweni kwachimarizgiya limu cha; katuzgemo mphanda zake pakuti kuti za Ambuya cha.

Yesaya 43:28

Chifukwa chenichi ndikuŵanangiska ŵara ŵa malo ghakupaturika, ndingumupereka Yakobe ku wanangi ku ukuru ndi Yisraele kukunyozeka.

Yesaya 5:5

Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.

Sumu 79:4

Taŵa chitozeru ku ŵanasi ŵidu; kawerere ndi chipukung'a mutu ku ŵakutizingirizga.

Estere 1:1

Mu mazuŵa ghaku Ahaswerusi, uyu ndi Ahaswerusi yo wausanga kutuwa ku India kwachifika ku Etiopia, pa vyaru machumi pe chumi pachanya machumi ghaŵi ndi vinkhonde ndi viŵi (127).

Nehemiya 11:3

Yaŵa ndiwo ŵaraŵara ŵa vigaŵa ŵeniwo ŵajanga mu Yerusalemu; kweni mu mizi yaku Yuda munthu we yose wajanga pa malo mweneko, mu mizi yawo: Yisraele, ŵazukuru, ŵaLevi, ŵateŵeti ŵa kasopi, ndi ŵamphapu ya ŵateŵeti ŵaku Solomoni.

Ezra 2:1

Yaŵa ndiwo ŵanthu ŵamu charu wo ŵanguruta kutuwa mu umkoli, ŵaku wo ŵanguyoreka ndi Nebukadanezara karonga waku Babiloni kuruta nawo ku Babiloni. Ŵanguwere ku Yerusalemu ndi Yuda, munthu yose ku muzi wake.

1 ŴaKaronga 9:7

po ndipo ndikamudumuwangako Yisraele ku charu chenicho ndikuŵapaska; ndi nyumba yeniyo ndatoweske zina langu ndikayituzgangako ku maso ghangu; ndipo Yisraele wakaŵanga nthanthi ndi mphekuru mu makhamu ghose gha ŵanthu.

Nthanthi 25:28

Munthu wambura kujitinthawe uli ndi msumba wo ŵaswa ndi wajowoleka wambura malinga.

Chitenje 2:9

Malikomo ghake ghawa pasi, abwanganduwa ndi kuswa mipingirizgu yake; karonga wake ndi ŵana ŵa karonga ŵemu mitundu yinyake, dangu likumara, ndipo ŵamchimi ŵake kuti ŵaronde chakuwona cha ku Ambuya.

ŴaLevi 26:31

Nkhawiskanga misumba yinu, ndi malo ghinu ghakupaturika, ndipo kuti nkharondanga vyakupereka vinu vyafungu lakundikondweska cha.

ŴaLevi 26:33

Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

2 Mikoka 36:19

Wangocha nyumba yaku Chiuta, ndipo wangubwanganduwa linga lose la Yerusalemu, wangocha zinyumba za ŵakaronga ŵake ndi vyose, wangumbininiska viyaŵi vyose vyamtengo wapatali.