Nahumu 2:3 - Tonga Bible 1986

³ Nguru ya vinkhara vyake njiyera, ŵankhondo ŵake ŵavwara viyera. Magareta ghagazima nge ndi mlipu wa moto pa ghalongosoleka umampha; ŵakavalo ŵachilipuka.

Nahumu 2:3 Referans Kwoze

Chivumbuzi 12:3

Ndipo unguwoneka munthondwe so unyake kuchanya; onani nchalinda mukuru, muyera wakuti che, wakuŵa ndi mitu yinkhonde ndi yiŵi ndi sengwi chumi, ndi pa mitu yake vifuku vinkhonde ndi viŵi.

Chivumbuzi 6:4

Ndipo wangutuwa kavalo munyake muchesamu: ndipo kwaku yo wangugarapo pake kungupaskika kutuzgapo chimangu pa charu, alinga kuti ŵanthu ŵabayanenge; ndipo kwaku iyo kungupaskika lipanga likuru.

Zekariya 11:2

Bongo, iwe mkankhazga chifukwa milanji yawa pasi, chifukwa miti yakutowa yanangika! Bongoni matundu ghaku Bashani, chifukwa lisuwa ladumuka pasi.

Zekariya 6:2

Ku gareta lakudanga kwenga ŵakavalo ŵayera, lachiŵi ŵakavalo ŵafipa,

Zekariya 1:8

“Ndinguwona ndi usiku, munthu wakwera pa kavalo muyera! Wanguma mukati mu miti yakubiliŵira mu mphata; ndipo kuvuli kwake kwenga ŵakavalo ŵayera, ŵamaŵanga, ndi ŵatuŵa.

Yesaya 14:8

Milombwa yikondwa paku iwe, Milanji ya Lebanoni, yititi, ‘Kutuliya nyengo yo unguwiskikiya pasi, palivi mtema-miti watuza kutinanga.’

Jobu 39:23

Chipundulu cha lipanga chigwedukiya paku iyo mkondo wakuthwa ndi nguru navyo viyo.

Ezekiele 23:24

Ŵakazanga paku iwe kutuliya ku nkhonde, ndi magareta gha nkhondo ndi magareta ghanyake ndi mpingu wa ŵanthu ŵanandi; ŵakajimikanga kwakuzunguliya kulimbana nawe ŵakuvwara chapachifuŵa, nguru ndi chisoti, ndipo ndikaperekanga cheruzgu kwaku iwo, ŵakakweruzganga kwakulingana ndi cheruzgu chawo.

Ezekiele 26:7

“Pakuti viyo atiti Ambuya Chiuta: Awonani, ndikatoriyanga paku Turo Nebukadanezara karonga waku Babiloni kutuliya ku nkhonde, karonga wa ŵakaronga, ŵakavalo ndi magareta, ndi ŵakukwera pa ŵaKavalo pamoza ndi mzinda wa ŵasilikari ŵa nkhondo.

Nahumu 3:2

Chifukwa cha likwechu, ndi chiwawa cha mikombero pakwenda, kuchimbiya kwa ŵakavalo, ndi kumbwefuka-mbwefukwa kwa magareta!

Sumu 80:13

Nguruŵi zamdondo zitiyiphwatiya pasi, ndipo nyama zose za mudondo zitiyirgha.