Nahumu 2:11 - Tonga Bible 1986

¹¹ Mphanji ya nkharamo ye pani, ndi mphanji ya nkharamo zampupuka, ko nkharamo yingutole nyama yake, kweniko kwenga ŵana ŵake, kwambura kofyeka ndi kanthu?

Nahumu 2:11 Referans Kwoze

Yesaya 5:29

Kuuruma kwawo kwe nge nkhwa nkharamu, ŵauruma nge ndi nkharamu zampupuka; ŵajuma ndi kuko nyama yawo, ŵaruta nayo, ndipo palivi yo wangapokeska.

Yeremiya 2:15

Nkharamu zamuwurumiya, zamukorome kwakubangula. Zapopeska charu chake; mizi yake njakupasuka, mulivi wakujamo.

Zefaniya 3:3

Nduna zake mukati mwake ze nge ndi nkharamu yakukoroma; ŵeruzgi ŵake ndi mphumphi za mazulo zo kuti zisiya kanthu cha mpaka ndi mlenji.

Nahumu 3:1

Owe ku msumba wa ndopa, wakuzaza utesi ndi vyakuskoŵa, kuskoŵa kwambura kumara!

Yeremiya 50:44

“Ehe, ulaka ndi nkharamu yituwa mu lisuwa la Yordane kuziya pa khora la mberere lakukho, ine ruŵiruŵi ndikaŵachiskanga kumuthaŵa; ndipo ndikamikanga yose yo ndinghasankha kuŵa pachanya pake. Pakuti njani yo walingana ndi ine? Njani yo walimbanenge nane? Muliska njani yo wangama paurongo pangu?

Yeremiya 50:17

“Yisraele ndi mberere yakupenjeka yo yadikiskika ndi zinkharamu, Pakudanga karonga wa Asiriya wangumuparuwa, ndipo sono pa umari Nebukadanezara karonga wa Babiloni waphwanya viwanga vyake.

Yeremiya 4:7

Nkharamu yatuwa mu thundu lake, wakupasuwa mitundu wasoka; waruta kutuwa ku malo ghake kwachichita mapopa, charu chinu; mizi yinu yikaŵanga yakubwanganduka, yambura wakujamo.

Yesaya 31:4

Pakuti viyo ndimu Ambuya angundinene, Nge ndimo nkharamu pamwenga nkharamu ya mpupuka yikorome pa nyama yake, ndi penipo mpingu wa ŵaliska wadanikiyako kulimbana nayo kuti yitofyerwa ndi kukambura kwawo cha pamwenga kuthaŵa chifukwa cha chiwawa chawo, viyo Ambuya ŵa maŵanja akasikanga kuzachirwa pa phiri Zioni ndi pa kamtunthu kake.

Chiyambo 49:9

Yuda ndi mwana wa nkharamu; ku chakuliwa, wa mwana, wangu watuwako. Wangukotama pasi, wangula pasi uli ndi nkharamu, uli ndi nkharamu yinthukazi; wangaganga njani kumuyuska?

Maŵerengedu 23:24

Awonani, ŵanthu yaŵa! Nge ndi nkharamu yinthukazi ŵayukiya muchanya, ndipo ulaka ndi nkharamu yinthurumi ŵatijisoska; kuti yigona pasi cha mpaka po yargha nyama yeniyo yako, ndi kumwa ndopa za yakubayika yo.”

Ezekiele 32:2

“Wa mwana wa munthu, soske chitenje paku Farao karonga wa Egipiti, umunene kuti: ‘Utijighanaghana kuŵa nkharamu mukati mu mitundu, kweni ulingana ŵaka nge ndi nchalinda wamu zinyanja; ubabanyuka mu misinji yako, kuvunduwa maji ndi marundi ghako, ndi kutimbuliya misinji yawo.

Mika 5:6

Iwo ŵakausanga charu cha Asiriya ndi lipanga ndi charu chaku Nimirodi ndi lipanga lakukhwetuwa; ndipo ŵakatitaskanga ku ŵaAsiriya po ŵatuza mu charu chidu ndi kukanda mu mphaka zidu.

Nahumu 2:12

Nkharamo yaparuwa nyama kwakuyana ndi ŵana ŵake, ndi kupikitiya zinthukazi; yazaza mphanji zake ndi vyakuparuwa-paruwa, ndi mazenje ghake ndi nyama yakutwazuwa.

Yesaya 13:7

Viyo manja ghose ghakakwinyatanga, mtima wa munthu yose ukasongonokanga,

Yoele 2:6

Paurongo pawo ŵanthu wose ŵemu suzgu, visku vyawo vyose vyawonda.