Nahumu 2:10 - Tonga Bible 1986

¹⁰ Wapasuka! Phasulo ndi pharghaniko! Mitima yitufwa msara ndipo makongono ghabwaskana, kuŵaŵa kwe mu viwunu vyose, visku vyose vyasanduka!

Nahumu 2:10 Referans Kwoze

Sumu 22:14

Ndapungulika nge ndi maji, ndipo vyagweduka vyose viwanga vyangu; mtima wangu waŵa nge ndi phura, wasongonoka mukati mu chifuŵa changu;

Yoele 2:6

Paurongo pawo ŵanthu wose ŵemu suzgu, visku vyawo vyose vyawonda.

Danyele 5:6

Viyo kawonekedu ka karonga kangusintha ndi maghanaghano ghake ghangundengulana.

Yeremiya 30:6

Fumbani sono, ndipo wonani, kumbi munthurumi wangapapa mwana? Na chifukwa chine ndiwona munthurumi we yose manja ghake wako mu chiunu ulaka ndi munthukazi wachipapa? Chifukwa chine chisku chose chatuŵa?

Yesaya 24:1

Ehe, Ambuya akachitanga mapopa charu chapasi ndikuchisanduska phasulu, kushigadabuwa kapingizgori kumbininiska ŵakujamo.

Yesaya 21:3

Chifukwa cho chiunu changu chazazika ndi suzgu; urwirwi wandikwetere, uli mburwirwi wa munthukazi yo wapapa; ndakotama pasi viyo kuti nditondeka kuvwa, ndagongowa viyo kuti nditondeka kulereska.

Zefaniya 3:6

“Ndananga mitundu ya ŵanthu; malinga ghawo ghapasuka. Ndaparghang'a miseu yawo, viyo palivi yumoza watendamo; misumba yawo yapasuka, mulivi munthu, mulivi wakujamo.

Nahumu 3:7

Ndipo kuŵenge kuti wose wo ŵakalereskanga paku iwe ŵachinthukenge ndi kuti, Nineve wapasuka; ndiyani yo wakakuliriyanga? Ndi nunkhu ko ndingakupenje wakukusangaruska?

Yeremiya 51:62

ndipo ukati, ‘Ambuya mwe, mukukamba gha pa malo yagha kuti mukaghadumuwangako, alinga kuti palivi cho chikajangamo, chingana ndi munthu, nanga ndi nyama, ndipo ghakaŵaanga mapopa muyaya.’

Yesaya 14:23

Ndipo ndikauchitanga kuŵa chihara cha ŵamunjiri, ndi mweyo wakubwanganduwa, atiti Ambuya ŵa maŵanja.”

Yoswa 2:11

Ndipo tinguti tavwa ghenigho, mitima yidu yingusongonoka, ndipo pengavi munthu nanga njumoza yo wangujako wakukhwima, chifukwa chine; pakuti Ambuya Chiuta winu ndiyo Chiuta wa kuchanya ndi charu chapasi.

Chiyambo 1:2

Charu chapasi chengavi kanthu ndi chenga chambuuya; ndipo mdima wenga pachanya pa ndimba; ndi mzimu waku Chiuta waŵatamanga pa maji.

Yoswa 7:5

Ndipo ŵanthu ŵaku Ai ŵangubayapo akhumba machumi ghatatu pachanya nkhonde ndi yumoza (36) ŵanguŵabaya pakusika. Mwakuti mitima ya ŵanthu yingusongonoka, ndipo yinguŵa nge ndi maji.

Yeremiya 8:21

Mtima wangu walasika, chifukwa cha bala la ŵanthu ŵangu, nditenje, ndipo mantha ghandizinga.

Yeremiya 49:23

Gha paku Damasko. “Hamati ndi Arpadi ŵasuzgika, pakuti ŵavwa uthenga uheni; ŵasongonoka ndi mantha, ŵasuzgika uli ndi nyanja yo yayuka yo kuti yingaja bata cha.

Ezekiele 21:7

Ndipo po ŵakakambanga nawe kuti, ‘Utamanthiyanji?’ iwe unene kuti, ‘Chifukwa cha makani. Ghatakuti ghaza, mtima wose ukasongonokanga manja ghose ghakaŵanga ghambura nthazi, mzimu wose ukakomokanga ndipo makongono ghose ghakazizilanga nge ndi maji, Ehe, ghatuza ndipo ghakafiskikanga,’ ” atiti Ambuya Chiuta.

Ezekiele 31:15

“Viyo atiti Ambuya Chiuta: Uchisikiya ku muunda ndikachitiskanga ndimba kuti yiwutenjere, ndi kujara misinji yake, ndipo maji ghanandi ghakarekanga kwenda; Lebanoni ndikamuvwarikanga mdima, ndipo miti yose ya mudondo yifwenge chipoyo chifukwa chaku iwo.

Nahumu 2:2

(Chifukwa Ambuya awezge so kuzirwa kwaku Yakobe nge nkhuzirwa kwaku Yisraele. Chifukwa ŵakuskoŵa ŵaŵapantha ndi kunanga mphanda zawo.)