Nahumu 1:7 - Tonga Bible 1986

⁷ Ambuya mbamampha, linga lakukho mu zuŵa la suzgu, atuŵaziŵa wo ŵabendama mwaku iwo.

Nahumu 1:7 Referans Kwoze

2 Timote 2:19

kweni chiŵanja cho chakurama chaku Chiuta chituma gwa, pakuŵa ndi chiŵali chenichi, “Waŵaziŵa Mbuya ŵeniwo mbake”: ndi “Wagaukeko ku uwura-urunji yose wakutamula zina lo la Ambuya.”

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Chitenje 3:25

Ambuya mbamampha kwaku wo atuŵalindizga, ku mzimu weniwo utuŵapenja.

Yohane 10:14

Ine ndine mliska mweneko.

Sumu 100:5

Mbamampha Ambuya; nchamuyaya chifundu chawo, ndipo ukongorekwa wawo ngwa mgonezi ndi mgonezi.

Sumu 27:5

Chifukwa akandibisanga mu mduzi wawo mu zuŵa la suzgu yangu; andijariyenge mukati mu hema lawo, andimekenge pachanya pa jarawi.

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Sumu 1:6

pakuti Ambuya aziŵa nthowa ya ŵakurunjika kweni nthowa ya ŵaheni yisoŵenge.

ŴaGalatia 4:9

Kweni sono, pakuziŵa Chiuta, ndi ukongwako pakuziŵikwa ndi Chiuta, muwere uli kuvuli ku vyamtendeku viteta ndi visauchi vyo, kwaku vyenivyo mukhumba kuŵa so ŵaŵanda kachiŵi?

Yesaya 25:4

Pakuti imwe mwaŵa linga la ŵasauchi, linga la mukavu musuzgu yake, musasa waku lirondo ndi muduzi ku chifundizi; pakuti kuphwanya kwa ŵankhaza kwe nge nkhuputa kwa lirondo pa linga,

1 Mikoka 16:34

Wongani Ambuya chifukwa mbamampha, chifukwa ncha muyaya chifundu chawo!

Yeremiya 33:11

mazu gha kuseka ndi mazu gha chimwemwe, mazu gha mweneko wa nthengwa ndi mazu gha mwali wa nthengwa, mazu ghaku wo ŵatumba, penipo ŵatuza ndi mipasku yakuwonge ku nyumba ya Ambuya: ‘Paskani viwongo ku Ambuya ŵa maŵanja, chifukwa mbamampha Ambuya, pakuti ncha muyaya chifundu chawo!’ “Pakuti ndikawezgiyangamo ŵamikoli ŵa charu cho, uli mpha kudanga, atiti Ambuya.

Sumu 86:7

Nditimudanani mu nyengo za suzgu, chifukwa mutamuka kuromba kwangu.

Yesaya 32:2

Yumoza ndi yumoza wakaŵanga uli ndi malo ghakubisamamo ku mphepo, musana wakubisamako ku lirondo, nge nthumisinji twa maji mu charu chiyumu, nge nchiduzi cha jarawe likuru mu charu chakuvuka.

Sumu 25:8

Mbamampha ndi akunyoroka Ambuya; chifukwa chenichi asambizga ŵakunanga mu nthowa.

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

Sumu 71:3

Mundiŵiye chitanthali chakundivikiriya, linga lakukho, kunditaska, ndimwe chakudingang'amo ndi chipozomosko changu.

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

Sumu 59:16

Kweni ine ndikoŵeriyenge nthazi zinu; ndikamburenge kukoŵere chifundu chinu ku mlenji. Chifukwa mwandiŵiya linga ndi chakudingang'amo mu, zuŵa la soka langu.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Danyele 6:23

Viyo Karonga wangukondwa ukongwa, ndi wangulangula kuti Danyele watuzgike mu zenje. Viyo Danyele wangutuzgika mu zenje, ndi mwengavi kusanirika chingana ndi bamba mu liŵavu lake, chifukwa wangugomekezga mwaku Chiuta wake.

ŴaRoma 11:22

Alereni viyo ulemu ndi ukari waku Chiuta, ukari paku wo ŵanguwa, kweni ulemu waku Chiuta we paku iwe, asani ujaririya mu ulemu wake: vinu nawe so ungadumulikako.

2 Mikoka 32:21

Ndipo Ambuya angutuma mungelo yo wangukoso wose ŵara ndi ŵachirongozgi mu nkhondo ya karonga wa Asiriya. Viyo wanguwe ndi soni kuruta ku charu chake. Ndipo wanguti wafika ndikusere mu nyumba yaku chiuta wake, ŵanyake ŵa ŵana ŵake ŵangumubaya ndi lipanga.

Mateyu 27:43

Wangugomekezga mwaku Chiuta, wamtaske sono, asani watumukhumba: chifukwa wanguti, ‘Ndine Mwana waku Chiuta.’ ”

Mateyu 7:23

Ndipo penipo nkhakananga kwaku, wo, ‘Ndengavi kukuziŵani kose: tuwaniko kwangu, mwaŵakuchita uchikana marangu.’

Ezra 3:11

ŵambanga ndi kurondiyana, kumutumbika ndi kumuwonga Chiuta, “Chifukwa ngwamampha, wakwanja ŵaYisraele kwa muyaya.” Ndipo ŵanthu wose ŵakamburanga ndi chiwawa chikuru, ŵachitumbika Chiuta chifukwa chiŵanja cha nyumba yaku Chiuta chinguzengeka.

2 Mikoka 32:11

Ndatinge yo Hezekiya watimuwojani kuti mujipereke ku nyifwa, ku nja, ndi nyota, po watiti, “Mbuya Chiuta widu watitaskenge ku janja la karonga waku Asiriya”?

2 Mikoka 32:8

Kwaku iyo kwe janja la liŵavu la nyama; kweni kwaku ifwe kwe Ambuya Chiuta widu, kutovya ndi kurwa nkhondo zidu.” Ndipo ŵanthu ŵanguchinthiskika, kuyegeme pa mazu ghaku Hezekiya karonga waku Yuda.

1 Mikoka 5:20

ndipo pa kovyeka kurwana nawo, ŵaHagiri, ndi wose ŵa pamoza nawo ŵanguperekeka mu manja ghawo, pakuti wanguliriya kwaku Chiuta mu nkhondo, ndipo pa chifukwa chakugomekezga mwaku iyo, wanguvwa kuŵeyere kwawo.

Sumu 20:1

Wamuke iwe Chiuta mu zuŵa la suzgu! Zina laku Chiuta waku Yakobe likuvikiriye!

Sumu 37:39

Utaski wa ŵarunji utuliya ku Ambuya; nchakudingang'amo chawo mu nyengo ya suzgu.

Sumu 37:40

Ambuya atiwovya ndi kuŵapozomoska; atiŵapozomoska ku ŵaheni, ndi kuŵataska, chifukwa ŵadingang'a mwaku iwo.

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Yeremiya 17:17

Rekani kuŵa chakofya kwaku ine; ndimwe chakubisamamo changu muzuŵa liheni.

Yeremiya 24:5

“Viyo atiti Ambuya, Chiuta waku Yisraele: Ŵakuyoreka ku Yuda, ŵeniwo ndaŵatuzgako ku malo yagha kuya ku charu cha ŵaKaldiya, ŵakaŵanga ŵamampha nge ndi nkhuyu izi zamampha.

Yoele 3:16

Ambuya abongo mu Zioni, ndi atuzga mazu ghawo kutuliya mu Yerusalemu, machanya ndi charu chapasi visukunikenge; kweni Ambuya nchakutaskikiyamo cha ŵanthu ŵawo linga lakukho ku ŵana ŵaku Yisraele.

Zefaniya 3:12

Chifukwa ndisiyenge mukati mwako ŵanthu ŵakuzika ndi ŵakujiyuyuwa. Ŵakapenjanga chiphokwelu mu Ambuya.

2 Mikoka 13:18

Viyo ndimo ŵaYisraele ŵanguthereskeke pa nyengo yiya. ŴaYuda ŵangupunda chifukwa ŵanguyegeme ku Ambuya Chiuta wa ambuyawo.

Sumu 9:10

Ndipo wo ŵaziŵa zina linu ŵaŵika chigomekezgu chawo mwaku imwe, Ambuya, kuti mwaŵajowo cha akumupenjani.

Sumu 46:2

Viyo kuti topenge cha, nanga chisanduka charu chapasi, nanga mapiri ghasukunika mu mtima wa nyanja;

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?