Nahumu 1:6 - Tonga Bible 1986

⁶ Ndiyani wangama paurongo pa ukari wawo? Ndiyani waziŵa kukunthiyapo mu chifundizi cha ukari wawo? Ukari wawo upungulika nge ndi moto, ndi majalawi ghasweka ndi iwo.

Nahumu 1:6 Referans Kwoze

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Malaki 3:2

Kweni ndiyani yo wangazizipizga zuŵa lake lakuziya, ndipo ndiyani wangama pa wawoneka? “Chifukwa wenge ndi moto wa wakwenga, ndi nge ndi sopo wa wakuchapa;

Nahumu 1:2

Ambuya ndi Chiuta wasanji ndi wakuwezge thayu, ndi wakukaripa, Ambuya awezge thayu pa ŵakupindikana ŵawo, ndipo aŵikiya ukari pa ŵarwani ŵawo.

Sumu 76:7

Kweni ŵanthu ŵatopa imwe! Njani yo wangaziŵa kuma pa maso pinu asani mwatundiya?

Ezekiele 30:16

Ndipembenge moto mu Egipiti; Pelusimu wakaŵanga mu soka likuru; Tebesi wakabwangandukanga, malinga ghake ghakawiskikanga.

Chitenje 4:11

Ambuya anguzomerezga kwakufikapo ukari wawo, angupunguwa kukara kwawo kwa moto; ndipo angukozga moto mu Zioni, weniwo ungocha viŵanja vyake.

Chitenje 2:4

Atweŵa uta wawo uli ngwamawongo, ndi janja lawo lamarghe nge ndi murwani; ndi abaya ŵanthu wose wo tithamiya mu ŵankhondo ŵamu Zioni; apunguwa ukari wawo uli ndi moto.

Yesaya 27:4

Kweni kuti ndisaniya vinyo cha. Mphanyi ndinguŵa ndi minga ndi kankhande, ndatinge ndirwenge nawo nkhondo ndi kuwocha wose.

Yesaya 10:16

Viyo Ambuya, Ambuya ŵa maŵanja akatumanga urwali wakondeska mukati mu ŵankhondo ŵawo ŵakututuŵa, ndipo pasi pa unkhankhu wawo kukole kukakozgekanga, uli nkhukole kwa moto.

Sumu 90:11

Ndiyani yo waziŵa nthazi kandundu kinu? Ndiyaniyo waziŵa kofya uli ko kwe mu ukari winu?

Sumu 2:12

Fyofyonthani marundi ghawo, vinu angakaripa, ndi mungamariya mu nthowa; pakuti ukari wawo ukole ruŵi. Mbakutumbikika wose wo ŵadingang'a mwaku iwo.

1 ŴaKaronga 19:11

Ndipo wanguti, “Rutanga, ukami pa phiri paurongo pa Ambuya.” Ndipo ehe, Ambuya angudumuwapo, ndipo mphepo yikuru ndi ya nthazi yinguswa mapiri, ndipo yinguswa tumanatumana majarawe paurongo pa Ambuya, kweni Ambuya kuti ŵenga mu mphepo yo cha, pavuli pa mphepo penga chidiririzi, kweni Ambuya kuti ŵenga mu chidiririzi cho cha;

Chivumbuzi 16:8

Mungelo wachinayi wangupunguliyambali yake pa dazi; ndipo kungupaskika kwaku lokuŵawuwa ŵanthu ndi moto.

Chivumbuzi 16:1

Ndinguvwa mazu ghakuru kutuwa mu kasopi yo, ghenigho ghakambanga ndi ŵangelo wo ŵankhonde ndi ŵaŵi, “Kaninga, kapunguliyeni pa charu chapasi mbali zo nkhonde ndi ziŵi za kandundu kaku Chiuta.”

Chivumbuzi 6:17

chifukwa laza zuŵa likuru la kandundu kawo; ndipo njani waziŵa kulimiya?”

Jobu 40:11

Punguwa kandundu ka ukari wako, ndipo lereska paku yose yo ngwakujikuzga, ndipo muyuyuwe.

Sumu 130:3

Asani imwe mwasunganga mauheni ghidu, mphanyi ndiyani yo watinge wamenge Ambuya?

Yesaya 13:13

Chifukwa cho ndikanjenjemeskanga machanya, ndipo charu chapasi chikasukuniskikanga kutuwa mu malo ghake, pa ukari wa Ambuya ŵa maŵanja mu zuŵa la ukari wawo wakofya.

Yesaya 66:15

“Pakuti ehe, Ambuya akazanga mu moto, ndi magareta ghawo nge ndi mphepo ya lirondo, kupereka ukari wowo mu ufyu, ndi kususka kwake nge nkhulipuka kwa moto.

Yeremiya 21:12

wa nyumba yaku Davidi! Atiti viyo Ambuya: Chitani cheruzgu chirunji ndi mlenji, ndipo umutaske ku janja la wakumukandirizga yo wakwamphulika vyake, vinu ukari wangu ungatuwa uli ndi moto, ndi kocha, po paulengevi wakuwuzimwa, chifukwa cha machitidu ghinu ghaheni.’ ”

Ezekiele 7:8

Sono kwaja kanyengo kamanavi ndipunguliyenge ukari wangu, ndikufiska kukara kwangu paku imwe, ndikweruzgeninge kwakuyana ndi nthowa zinu; ndikulangeninge pa maukazuzi ghinu ghose.

Ezekiele 21:31

Ndikakupunguliyanga ukari wangu; ndikuphutiyenge moto wa kukara kwangu; ndipo ndikakuperekanga mu manja gha ŵanthu ŵankhaza ziheni, ŵanthazi ndi ŵakuziŵa kuparghang'a.

Ezekiele 39:6

Ndikatumanga moto paku Magogi ndi paku wo ŵaja kwakufwasa mu malikumba gha nyanja, ndipo ŵakaziŵanga kuti ine ndine Ambuya.

Zefaniya 2:2

mwenga mundadikiskike nge ndi mwere wakuputa, wenga undamuziyeni ukari wa Ambuya, lenga lindakuziyeni zuŵa la ukari wa Ambuya.

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Jobu 9:5

Iyo wanderezga mapiri, yiwo kuti ŵaziŵa cha penipo watighagadabuwa mu ukari wake;

Jobu 26:11

Mizati yamu machanya yimbwambwantha, ndi yizizwa ndi machenyu ghake.

Sumu 76:8

Mwaziŵiska cheruzgu kutuliya kuchanya; charu chingutenthema ndipo chingujaka yi,

Yesaya 33:14

Ŵakulakwa mu Zioni ŵatopa; kunjenjeme kwakunga ŵambura uchiuta: “Njani mukati mwidu yo wangaja pamoza ndi moto wakocha? Njani mukati mwidu yo wangaja pamoza ndi kunyeka kwa muyaya?”

Chitenje 2:3

Adumuliya pasi mu kukara kwawo kwakofya nthazi zose za ŵaYisraele; awezgako kwaku wo janja lawo lamarghe mu maso gha ŵakupindikana nawo; awocha uli ndi moto wakukole mwaku Yakobe, kocha kuzunguliya kose.