Nahumu 1:5 - Tonga Bible 1986

⁵ Mapiri ghasukunika paurongo pawo, tumapiri tusongonoka; charu chapasi chipasuka paurongo pawo, charu ndi wose ŵakujamo.

Nahumu 1:5 Referans Kwoze

Mika 1:4

Ndipo mapiri ghakasongonokanga pasi pake, ndi madambo ghakaparukanga, nge ndi phura pafupi pa mo to, ndi nge ndi maji gho ghadika pa malo gha kusendemuka.

Yeremiya 4:24

Ndingulereska pa mapiri, ndipo ehe, ghanguyaghayika, ndipo tumapiri tose tunguyaghayika uku ndi uku.

2 Samuele 22:8

“Sono chingusukunika ndi chinguyaghayika charu; viŵanja vya kuchanya vingutenthema, vingusukunika, chifukwa wangukaripa.

Habakuku 3:10

Mapiri ghangumuwonani, ndi kuvivira; maji ghanthazi ghangusapatiya; ndimba yingutuzga mazu, yingutumphuskiya manja ghake pachanya.

Sumu 68:8

charu chapasi chinguyaghayika, ndipo mtambo ungung'iska vuwa, chifukwa chakuza kwaku Chiuta waku Sinai, kuza kwaku Chiuta waku Yisraele.

Ŵeruzgi 5:5

Mapiri ghanguyaghayika paurongo pa Ambuya, iwe Sinai paurongo pa Ambuya Chiuta waku Yisraele.

Sumu 114:6

Mwa mapiri, muchiripukiyanji ulaka ndi viphongo? Mwa mitunthu mwe, muchiripukiyanji ulaka mbana ŵa mberere?

Sumu 114:4

Mapiri ghanguchiripuka nge ndi viphongo, mitinthu nge mbana ŵa mberere.

Sumu 98:7

Uruma, wa nyanja, ndi vyamoyo vyose vya mwaku iwe; mbanga, wa charu chapasi, ndi wose ŵakuja mwenimo!

Sumu 46:6

Yinguuruma mitundu, ghangusukunika maufumu; wakamba mazu ghake, charu chapasi chisongonoka.

Chituwa 19:18

Ndipo phiri Sinai linguvimbika ndi usi, chifukwa Ambuya angusikiya paku lo mu moto; ndipo usi wake ungukwere kuchanya uli ndi usi wa ng'anjo, ndipo phiri lose linguyaghayika ukongwa.

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

Mateyu 28:2

Ndipo onani, kunguŵapo chiyeuyeu chikuru; chifukwa mungelo wa Ambuya wangusika kuchanya, ndipo wanguza ndi wangugadabuwa mwa wo, ndipo wanguja ndeku pachanya pake.

Mateyu 27:51

Ndipo onani, chijaru cha kasopi chinguparuka pakati, kutuwa pachanya pasi mbwitu. Ndipo charu chingundengandenga; ndi majarawi ghangusweka,

Chivumbuzi 6:14

Ndipo kuchanya kungukungunuka ulaka ndi buku lo lazingika pamoza; ndipo phiri le lose ndi chirwa che chose vingunderezgeka mu malo ghawo,

Sumu 18:7

Penipo charu chingusukunika ndi kuyaghayika; viŵanja vya mapiri navyo vingutenthema, ndi kusukuniskika, chifukwa Chiuta wangufya mtima.

Yesaya 5:25

Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.

Yesaya 24:1

Ehe, Ambuya akachitanga mapopa charu chapasi ndikuchisanduska phasulu, kushigadabuwa kapingizgori kumbininiska ŵakujamo.

Yesaya 24:20

Charu chizendazenda nge ndi munthu wakuloŵe, chiganuka uli ndi nyumba; kunanga kwake kwanyekezga ndi uzitu ukuru paku cho, ndipo chituwa, kuti chikayukanga so cha.

Yoele 2:10

Charu chiyaghayikenge paurongo pawo, machanya ghatenthemenge. Dazi ndi mwezi vifipenge, nyenyezi zifuŵiyenge.

Zekariya 4:7

Ndiwe yani, iwe phiri likuru? Panthazi paku Zerubabele usandukenge chidika; wazenge nawo mwa wapachanya mu kudanirizga, ‘Chimangu, chimangu kwaku wo!’ ”

Malaki 4:1

“Chifukwa nadi zuŵa lituza, lakocha nge ndi ng'anjo, penipo ŵakujikuzga wose ndi wose ŵakuchita uheni ŵakaŵanga viswaswa. Zuŵa lo lituza likaŵawochanga, atiti Ambuya ŵa maŵanja, viyo kuti likaŵasiyiyanga nanga ndi musisi pamwenga mphanda cha.

Jobu 9:5

Iyo wanderezga mapiri, yiwo kuti ŵaziŵa cha penipo watighagadabuwa mu ukari wake;

Jobu 26:11

Mizati yamu machanya yimbwambwantha, ndi yizizwa ndi machenyu ghake.

Sumu 18:8

Mungutuwa usi mu mphunu zake, ndipo moto wakupirizga ungutuwa mu mlomo wake; maka gha moto ghalilimanga kutuwa kwaku iyo.

Sumu 104:32

Iwo alereska pa charu chapasi, ndipo chitenthema; achikwaska mapiri, ghasunkha usi.

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Ezekiele 38:20

somba za mu nyanja, tuyuni twa mude, nyama za mudondo, ndi vyakukwaŵa vyose, ndi ŵanthu wose woŵe pa chisku cha charu chapasi, ŵakambwambwanthiyanga pa maso pangu, mapiri ghakapong'ekanga pasi, vinkhwawu vikawanga, ndipo viliŵa vyose vikabwangandukiyanga pasi.

Amosi 9:5

Ambuya, Chiuta wa maŵanja, yo wakwaska charu chapasi ndipo chisongonoka, ndi wose wo ŵaja mwaku cho ŵatenje, ndipo chose chiyuka nge ndi Nile ndipo chibila so, nge ndi Nile waku Egipiti;