Nahumu 1:2 - Tonga Bible 1986

² Ambuya ndi Chiuta wasanji ndi wakuwezge thayu, ndi wakukaripa, Ambuya awezge thayu pa ŵakupindikana ŵawo, ndipo aŵikiya ukari pa ŵarwani ŵawo.

Nahumu 1:2 Referans Kwoze

Zekariya 8:2

“Viyo atiti Ambuya ŵa maŵanja: Nde ndi sanje chifukwa chaku Zioni, sanje yikuru, ndipo nde ndi sanje chifukwa chaku iyo ndi kutundiya kukuru.

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Sumu 94:1

Ambuya, ndimwe Chiuta wakutaya thayu, vumbuwani ukari winu!

Chituwa 34:14

(pakuti kuti mukasopanga so chiuta munyake cha, pakuti Ambuya, Yo zina lake ndi Sanje, ndi Chiuta wa sanje),

Yoswa 24:19

Kweni Yoswa wangunena nawo, “Kuti mungaziŵa kutataliya Ambuya cha; pakuti ndi Chiuta mtuŵa; ndi Chiuta wasanje; kuti wakagowokiyanga maubendezi ghinu pamwenga vilakwa vinu cha.

ŴaHebere 10:30

Chifukwa timziŵa yo wanguti, “Thayu ndangu, ine ndamwerezgiyapo.” Ndipo so, “Mbuya weruzgenge khamu lake.”

Yesaya 42:13

Ambuya aruta uli ndi munthu chilimbi, uli ndi munthu wa nkhondo wasosomo ukali wake; waliya pachanya, wadanirizga ukongwa, watijirongo yija kuŵa wa nthazi pa ŵakupindikana ŵake.

Marangu 4:24

Chifukwa Ambuya Chiuta winu ndi wakunyeka, Chiuta wa sanji.

2 Petro 2:9

Mbuya waziŵa kutaska ŵakopa Chiuta me kesedu, ndi kuŵasungirizga ŵaheni wo ŵalindizgikiya zuŵa la cheruzgu,

ŴaRoma 12:19

Mwaŵakwanjiwa, mungajitayiya thayu cha, kweni ndereni malo ku kandundu kaku Chiuta; pakuti kwalembeka, “Thayu ndaku ine; ine ndamwerezgapo, watiti Mbuya.”

Mika 5:15

Ndipo ndi ukari ndi kandundu ndiwezgiyenge nduzga pa mitundu yo yengavi kuvwiya.

Yoele 2:18

Viyo Ambuya anguŵa ndi sanje chifukwa cha charu chawo, ndi anguchitiya lisungu ŵanthu ŵawo.

Ezekiele 39:25

“Chifukwa cho Ambuya Chiuta atiti: Le ndikawezganga ma umampha ghaku Yakobe, ndi kuŵa walisungu ndi nyumba yose yaku Yisraele; ndikachitiyanga sanji zina langu lituŵa.

Ezekiele 6:12

Yo wekutali wakafwanga ndi chiwowota; wa pafupi wakafwanga ndi lipanga; ndipo yo wasiyika ndi kusungika wakafwanga ndi nja. Umu ndimo ndikafiskiyanga ka ndundu kangu paku iwo.

Yeremiya 4:4

Jichinjiyeni ku Ambuya tuzganipo khungu la mitima yinu, mwa ŵanthu ŵaku Yuda ndi ŵakuja mu Yerusalemu, vinu ukari wangu ungaruta nge ndi moto, ndi kocha penipo palivi wakuwuzimwa chifukwa cha uheni wa machitidu ghinu.”

Yesaya 51:20

Ŵana ŵako ŵadika nthazi; ŵagona pakati pa gurwi we yose uli ndi mphala mu ukonde; ŵazazika ndi ukari wa Ambuya kuchenya kwaku Chiuta wako.

Yesaya 51:17

Jiyuske, jiyuske, ima, Yerusalemu we, iwe, wamwiya pa janja la Ambuya nkhombo ya ukari wawo, iwe wamwa ndi visika vyake mu chandi chakuzendazendeska.

Jobu 20:23

po we pafupi kuguta, Chiuta wamutayiyenge ukari wake ukuru, ndi kuwung'iska paku iyo nge nkhurgha kwake.

ŴaLevi 26:28

iku ine nane ndikayendanga kwakupambana namwe ndi ukari, ndimulangeninge ndamweni kuwerezgapo kankhonde ndi kaŵi chifukwa cha maulakwi ghinu.

ŴaRoma 13:4

pakuti ndi mteŵeti waku Chiuta ku umampha wako. Kweni asani uchita uheni, wopanga; chifukwa kuti wapinga ŵaka lipanga lo cha; chifukwa ndi mteŵeti waku Chiuta, wakutayiya kandundu paku yo wachita uheni.

Zekariya 1:14

Mungelo wa Ambuya yo wakambanga nane wanguti kwangu, ‘Danirizga uti, Viyo atiti Ambuya ŵa maŵanja: Nde ndi sanje yikuru ndi Yerusalemu ndiso ndi Zioni.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Ezekiele 38:18

Kweni pa zuŵa leniliya, penipo Gogi wakazanga kumikana ndi charu cha Yisraele, atiti Ambuya Chiuta, ukari wangu ukakorenga.

Ezekiele 36:6

Chifukwa cho uchime ghapa charu cha Yisraele, ughanene mapiri ndi mithunthu, vinkhwawu ndi madambo, viyo atiti Ambuya Chiuta: Awonani, ndirongoro mu sanji yangu ya ukari, pakuti mwanyamuwa tozo la ŵamitundu;

Ezekiele 8:18

Muchifukwa ichi ndikachitanga mwa ukari; jiso langu kuti likasiyangapo cha, nanga nkhuchita chitima; ndipo nanga ŵaliya mu makutu ghangu ndi kubangura kukuru, kuti ndikaŵavwanga cha.”

Ezekiele 5:13

“Viyo ndimo ukari wangu ukamariyanga, ndikajikhorweskanga pakupunguliya kukwiya kwangu paku iwo; sono ŵakaziŵanga kuti ine, Ambuya, musanji yangu ndarongoro, po ndifiska kukara kwangu paku iwo.

Chitenje 4:11

Ambuya anguzomerezga kwakufikapo ukari wawo, angupunguwa kukara kwawo kwa moto; ndipo angukozga moto mu Zioni, weniwo ungocha viŵanja vyake.

Yeremiya 36:7

Vinu Ambuya akavwanga kuŵeyere kwawo, ndi kuti we yose wakang'anamukangako ku nthowa yake yiheni, pakuti nkhukuru kukwiya ndi kukara ko Ambuya akambiya pa ŵanthu wawo.”

Yeremiya 25:15

Viyo Ambuya, Chiuta waku Yisraele, wanguti kwaku ine: “Ronde kutuwa mu janja langu chandi ichi cha vinyo wa ukari, ndipo umweske mitundu yose yeniyo ndikakutumangako.

Yeremiya 3:5

kumbi wakakalipanga muyaya? Kumbi wakakaranga mpaka ku umari?’ Ehe, imwe mwakamba kweni mwachita uheni wose weniwo munguziŵa kuchita.”

Yesaya 66:15

“Pakuti ehe, Ambuya akazanga mu moto, ndi magareta ghawo nge ndi mphepo ya lirondo, kupereka ukari wowo mu ufyu, ndi kususka kwake nge nkhulipuka kwa moto.

Marangu 7:10

Ndi kuŵawezge thayu pa maso pawo ŵeniwo ŵatimutinkha, pakuŵaparghang'a, kuti wakazuwulikanga cha ndiyo watimutinkha, wakamuwezgiyanga thayu pa maso pake.

Yeremiya 28:8

Ŵamchimi wo ŵanguza paurongo paku iwe ndi ine, ŵa nyengo zamwaka ŵanguchima nkhondo, chilala, ndi chideru kuti ndivyo vikaŵangako mu vyaru vinandi ndimu maufumu ghakuzirwa.

Ezekiele 38:19

Chifukwa mu sanji yangu ndi mukukore kwa ukari mwangu ndikamba kuti, Pa zuŵa leniliya kukaŵangapo kuyaghayika kukuru mu charu chaku Yisraele;

Chituwa 34:7

wakusunga chanju cha wezi ku vikwi, wakugowoke vilakwa, mautimbanizgi ndi uheni; kweni kuti wakamulekanga ŵaka wakunanga cha, wakusiskiya pa ŵana uheni wa auskeu ndi ŵazuku ku mgonezi wa chitatu ndi wa chinayi.”

Maŵerengedu 25:11

“Finehasi mwana waku Eleazara, mwana waku Aroni mzukuru, wawezge vuli ukari wangu pa ŵaYisraele, pakuti wenga ndi sanji mu malo mwa sanji yangu mukati mwawo, kuti ndireke kuŵamara ŵaYisraele mu sanji yangu.

Yeremiya 50:15

Bangulani paku iyo kwakuzunguliya, wathera; malinga ghake ghawa, vimati vyake vyagumulikiya pasi. Pakuti iti ndi thayu la Ambuya: chitani thayu paku iyo, muchitiyeni nge ndimo iyo nayo wachitiya.