Nahumu 1:14 - Tonga Bible 1986

¹⁴ Ambuya alangula ndi iwe: “Kuti zina lako likarutiliyanga so cha; mu nyumba ya ŵachiuta ŵako ndibwangandu wenge, ŵangoza ŵakusema ndi ŵangoza ŵakusongono. Ndichitenge muunda wako chifukwa ungukazuzgika.”

Nahumu 1:14 Referans Kwoze

Sumu 109:13

Mphapu yake yose yakuza kuvuli yifwe, ndipo mu mgonezi wo utuza zina lake liruwike.

Mika 5:13

ndi nkhapasuwanga vikozgo vyako, ndi mizati yako kutuwa mukati mwako, ndipo kuti ukalambiyanga so cha milimu ya manja ghako.

Nthanthi 10:7

Chikumbusku cha murunji ndi thumbiku, kweni zina la wamphulupulu likavundanga.

2 ŴaKaronga 19:37

Ndipo penipo wasopanga mu nyumba yaku Nisroko chiuta wake, Adrameleke ndi Sharezara ŵana ŵake ŵangumubaya ndi lipanga, ndipo ŵanguthaŵiya ku charu cha Ararati. Ndipo Esarhadoni mwana wake wanguwusa mu malo ghake.

Danyele 11:21

Mu malo ghake muyukenge munthu waŵakaŵaka wambura kuronde ulemu wa ufumu. Wazenge kwamabuchibuchi, ndi kuronda ufumu ndi mazu ghakunyengere.

Yeremiya 50:2

“Ŵandiska mukati mu mitundu ndi memeza, umike mbendera umemeze, ungabisanga cha, kamba kuti: ‘Babiloni watoreka Belo walengeskeka, Merodaki wadika nthazi. Vikozgu vyake vyalengeskeka ŵangoza ŵake ŵamara nthazi.’

Yesaya 33:13

Avwani, imwe mwe kutali, chenicho ndachita; ndi imwe mwa ŵapafupi, ziŵisiskani nthazi zangu.

Yesaya 19:1

Vyakukambika vya pa Egipiti. Ehe, Ambuya akwera pa mtambo wakupusumpha ndipo atuza ku Egipiti; ndipo ŵangoza ŵa Egipiti ŵakanjenjemanga pakuŵapo iwo, ndipo mitima ya ŵaEgipiti yikasongonokanga mukati mwawo.

Sumu 71:3

Mundiŵiye chitanthali chakundivikiriya, linga lakukho, kunditaska, ndimwe chakudingang'amo ndi chipozomosko changu.

2 Mikoka 32:21

Ndipo Ambuya angutuma mungelo yo wangukoso wose ŵara ndi ŵachirongozgi mu nkhondo ya karonga wa Asiriya. Viyo wanguwe ndi soni kuruta ku charu chake. Ndipo wanguti wafika ndikusere mu nyumba yaku chiuta wake, ŵanyake ŵa ŵana ŵake ŵangumubaya ndi lipanga.

1 Samuele 3:13

Ndipo nditumukambiya kuti nde pafupi kulanga nyumba yake muyaya, pa ulakwi wo wanguwuziŵa, chifukwa ŵana ŵake ŵatukanga Chiuta ndipo iyo kuti wanguŵakanizga cha.

ŴaLevi 26:30

Nkhaparghang'anga malo ghinu gha pachanya ndi kugumuliya pasi majochero ghinu gha vyachema ndi kupong'a viŵanda vinu pachanya pa viŵanda vya ŵangoza ŵinu mtima wangu umukaneninge.

Chituwa 12:12

Pakuti ndikarutanga mu charu chose cha Egipiti, mu usiku uwa, ndi nkhabayanga wana ŵaumwali wose ŵa ŵanthu ndi ŵa nyama; ndipo pa ŵachiuta wose ŵaEgipiti ndikachitanga cheruzgu: Ndine Ambuya.

Jobu 18:17

Kukumbukika kwake kumara mu charu, ndipo kuti wasiya zina cha mu charu.

Mika 5:14

Ndipo nkhazuwangamo Ashera mwaku imwe, ndi kupasuwa misumba yinu.

Habakuku 2:10

Upaska mbumba yako soni, pakudumuwa mitundu yinandi ya ŵanthu; ndipo wanangiya umoyo wako.

Danyele 5:27

TEKEL, Mwapimika pa mweso ndi mwasanirika kuti mwe ŵayuyu;