Nahumu 1:13 - Tonga Bible 1986

¹³ Ndipo sono ndiswenge goŵa lake lituweko kwako, ndi ndidumuwenge vimangilo vyako pakati.”

Nahumu 1:13 Referans Kwoze

Yesaya 10:27

Mu zuŵa liya mphingu yake yikatuwangapo pa pheŵa linu, ndipo goŵa lake likaphwanyikanga pa khosi linu.” Waruta wakwere kutuliya ku Rimoni,

Yesaya 9:4

Pakuti gori la mphingu yake, ndi katundu wapa pheŵa lake, ndodo ya wakumusuzga iyo, imwe mwafyo ulaka mpha zuŵa liya laku Midiani.

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.

Yesaya 14:25

kuti ndikaswanga mu Asiriya mu charu changu, ndi pa mapiri ghangu ndimupwatiyenge pasi pa rwayo; ndipo goŵa lake likatuwangako kwaku wo, ndi katundu wake kupheŵa lawo.”

Sumu 107:14

Anguŵatuzga mu mdima ndimu munkhorwi, ndi kudumuwa ma unyoro ghawo.

Yeremiya 5:5

Ndikarutanga ku ŵaraŵara, ndamurongoro nawo; pakuti ŵaziŵa nthowa ya Ambuya, dangu laku Chiuta wawo.” Kweni iwo so nawo ŵangufyo goli lo, ŵakuswa maunyoro ghakumangiya.

ŴaLevi 26:13

Ndine Ambuya Chiuta winu, yo wangukutuzgani mu charu cha Egipiti kuti mureke kuŵa ŵaŵanda ŵawo. Ine ndafyo mpiringizgu ya gori linu kuti mwende kwakunyoroka.