Nahumu 1:12 - Tonga Bible 1986

¹² Viyo atiti Ambuya, “Chingana ŵangaŵa ŵanthazi pamwenga ŵanandi, ŵakadumulikanga ndi ŵakamaranga. Chingana ndamusuzgani, kuti ndimusuzgeninge so cha.

Nahumu 1:12 Referans Kwoze

Yoele 2:19

Ambuya angwamuka, ku ŵanthu ŵawo, kuti, “Wonani ndimtumiyeninge trigu, ndi vinyo, ndi mafuta, ndipo mugutenge; ndipo kuti nkhamulengeskaninga so cha mukati mu mitundu.

Chivumbuzi 7:16

Kuti ŵafwenge msara so cha, chingana nkhuti afwenge nyota so cha; chingana nkhuti dazi lo lingaŵapweteka so cha, chingana nchifundizi chose chakocha cha.

Nahumu 1:15

Wona, pa mapiri marundi ghaku yo watuza ndi uthenga wamampha, yo wawandiska chimangu! Sunga madghera ghako, Yuda, fiska marapu ghako, chifukwa wazenge so cha muheni kumikana nawe, wamalizgike teteti.

Danyele 11:10

“Ŵana ŵake ŵarwenge nkhondo, ndi kuunganiska liŵanja likuru la ŵankhondo, wo ŵazenge kupasuwa ndi kuporota, ndipo ŵazamurutiriya kurwa mpaka ku linga lake.

Yesaya 51:22

Viyo atiti Ambuya, Ambuya, Chiuta winu yo wavikiriya mrandu wa ŵanthu ŵake: “Ehe, ndatuzgako ku janja linu nkhombo ya kuzendazenda; chandi cha ukari wangu kuti mukamwanga so cha;

Yesaya 37:36

Ndipo mungelo wa Ambuya wanguruta, wangubaya vikwi machumi pe chumi ndi machumi ghankhonde ndi ghatatu (185,000) mu ugoŵi wa ŵaAsiriya; ndipo penipo ŵanthu ŵanguyuka ndi mlenjilenji, ehe, yaŵa wose ŵenga viŵanda.

Yesaya 31:8

“Ndipo ŵaAsiriya ŵakawanga ndi lipanga, la munthu cha, ndipo lipanga, la munthu cha, likamumaranga, wakathaŵanga ku lipanga lo, ndipo ŵanyamata ŵake ŵakaŵikikanga pa nchitu yakuchichizgika.

Yesaya 30:19

Inya, mwa ŵanthu ŵamu Zioni imwe muja mu Yerusalemu, kuti mukaliyanga so cha. Wakaŵangadi ndi wezi paku imwe pa chiwawa cha kuliya kwinu, wachivwa kuliya ko, wakamwamukaninga.

Yesaya 17:14

Nyengo ya mazulo, ehe, kofya! Kwenga kundache kuti ŵalipo so cha! Ichi ndichu chigaŵa chaku wo ŵatiti kwamphuwa, ndi mphenduzga yaku wo ŵatitifyankhanyuwa.

Yesaya 8:8

ndipo ukapeyanga kurutiriya ku Yuda, ukasapatiyanga ndi kurutiriya kuurongo, kwachifika ndi ku khosi viyo, ndipo mapapa ghake ghakutambarukiya kubwalo ghakazazanga usani wa charu chako, Immanuele we.”

Yesaya 7:20

Mu zuŵa lo Ambuya akametanga ndi lwembe lo labwerekeka pa sirgha la msinji wo pamoza ndi karonga wa Asiriya mutu ndi cheya cha mu marundi, ndipo likametanga ndi mwembe viyo.

2 ŴaKaronga 19:37

Ndipo penipo wasopanga mu nyumba yaku Nisroko chiuta wake, Adrameleke ndi Sharezara ŵana ŵake ŵangumubaya ndi lipanga, ndipo ŵanguthaŵiya ku charu cha Ararati. Ndipo Esarhadoni mwana wake wanguwusa mu malo ghake.

2 ŴaKaronga 19:35

Ndipo usiku weniwuwa mungelo wa Ambuya wanguruta ndipo wangubaya vikwi machumi pe chumi pachanya machumi ghankhonde ndi ghatatu ndi vinkhonde mu ugoŵi wa ŵaAsiriya; ndipo ŵanthu ŵanguti ŵayuka ndi mlenji-lenji, ehe, yaŵa wose ŵenga viŵanda.

Chituwa 12:12

Pakuti ndikarutanga mu charu chose cha Egipiti, mu usiku uwa, ndi nkhabayanga wana ŵaumwali wose ŵa ŵanthu ndi ŵa nyama; ndipo pa ŵachiuta wose ŵaEgipiti ndikachitanga cheruzgu: Ndine Ambuya.

Yesaya 10:16

Viyo Ambuya, Ambuya ŵa maŵanja akatumanga urwali wakondeska mukati mu ŵankhondo ŵawo ŵakututuŵa, ndipo pasi pa unkhankhu wawo kukole kukakozgekanga, uli nkhukole kwa moto.