Mika 7:8 - Tonga Bible 1986

⁸ Mungasekeriyanga paku ine cha, mwa ŵarwani ŵangu, ndichiwa, nkhayukanga; ndichija mu mdima, Ambuya akaŵanga ukweru kwaku ine.

Mika 7:8 Referans Kwoze

Yohane 8:12

Viyo Yesu wangurongoro so nawo, wakuti, “Ine ndine Kungweruka kwa charu: wakurondo ine kuti wakendanga mu mdima cha, kweni waŵenge ndi kungweruka kwa umoyo.”

Yesaya 9:2

Ŵanthu wo ŵangwenda mu mdima ŵawona kungweruka kukuru; wo ŵanguja mu charu cha mdima wakofya, ukweru waŵaŵaliya.

Sumu 112:4

Ku ŵanthu ŵamampha ukweru uŵala mu mdima, kwakuŵeniwo mbawezi, ŵalisungu, ndi wakurunjika.

Sumu 27:1

Ambuya nkhungweruka kwangu ndi chipozomosko changu; ndopenge yani? Ambuya ndi linga la umoyo wangu kumbi nditenthemenge yani?

Obadiya 1:12

Kweni iwe, mphanyi ungwene ndi zuŵa la mbali wako, zuŵa la soka lake; kuti mphanyi wakondwa cha ndi ŵanthu ŵaku Yuda mu zuŵa la pharghaniko lawo; kuti mphanyi wajikuzga cha, mu zuŵa la suzgu.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Sumu 38:16

Ndiromba kuti, “Chondi ŵareke kukondwere paku ine, wo ŵatijikuzga asani rundi langu lateremuka.”

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Jobu 31:29

“Asani ndakondwere ndi soka laku yo wangunditinkha, pamwenga kujitukumuwa po wangusanirika ndi uheni

Sumu 97:11

Ukweru uŵaliya pa ŵakurunjika, chimwemwe che pa ŵakutowa mu mtima.

Ezekiele 35:15

Nge ndimo iwe ungukondwe pa chihara cha nyumba yaku Yisraele, po yinguŵa phasulu, viyo ndimu ndikachitiyanga nawe; ukaŵanga phasulu, phiri la Seiri, ndi Edomu yose, yose teteti. Penipo ndipo ŵakaziŵanga kuti ine ndine Ambuya.”

Sumu 35:19

Kuti ŵakondwe paku ine cha, wo mbamawongo ŵangu kwambura kafukwa, ŵareke kuphaniya jiso ŵakunditinkha kwawaka.

Yohane 16:20

Nadidi ndikuneneskiyani, muliyenge ndi mutenjenge imwe, kweni charu chikondwenge: muchitenge chisungu imwe, kweni chisungu chinu, chisandukenge chimwemwe.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Mika 7:10

Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.

Ezekiele 25:6

Pakuti viyo atiti Ambuya Chiuta: Chifukwa wachitanga kumba manja, kuthiniska pasi marundi ghako, kwangara ndi kunyoza kose ko kwenga mwaku iwe pa charu chaku Yisraele,

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

Amosi 9:11

“Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;

Mateyu 4:16

Khamu lakuja mu mdima lawona kungweruka kukuru, ndi kuŵakuja mu charu ndi mduzi wa nyifwa, ukweru waŵaŵaliya.”

Yeremiya 50:11

Chingana mukondwa, chingana mutijikuzga, imwe mwakukwamphuwa charu changu, chingana mwangare nge ndi thokazi pa uteka, ndi kubongo nge ndi kavalo,

Yesaya 49:9

kunene wamagoŵa, ‘Tuwani!’ Kwaku wo ŵe mu mdima, ‘Wonekani!’ Iwo wakarghanga mu nthowa zose, pa mitunthu yose yambura kanthu pakaŵanga chipozwa chawo,

Yesaya 2:5

Wa nyumba yaku Yakobe we, zanga, tiye tendenge mu ukweru wa Ambuya.

Sumu 37:24

nanga wangawa pasi, kuti wakawiyangapo limu cha, pakuti Ambuya atimukorere ndi janja lawo.

Sumu 37:21

Muheni wakongora, ndipo kuti wawezga cha, kweni wakurunjika ngwa chifundu ndipo wapaska.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

2 ŴaKorinte 4:9

te ŵakuŵembeka, kweni ŵakujowoleka cha, te ŵakutesulika, kweni ŵakujowoleka cha, te ŵakutesulika, kwani ŵakwanangika cha;

Sumu 20:8

Iwo ŵabwanthuskikenge ndi kuwa pasi; kweni ifwe tikayukanga ndi kuma chiliri.

Yeremiya 8:4

“Ukakambanga kwaku wo, Viyo atiti Ambuya: Asani ŵanthu ŵawa asi ŵayuka so? Asani yumoza wapatukiya kunyake asi wawe so?

Yeremiya 48:27

Asi Yisraele wenga chakusekeka kwaku iwe? Kumbi wangusanirika mukati mu ŵankhungu, pakuti pose po ŵakambanga zaku iyo wapukung'anga mutu wako?

Ezekiele 36:5

chifukwa cho Ambuya Chiuta atiti: Mu kufya kwa sanji yangu ndirongoro, kumikana ndi ŵakujako ŵa ŵamitundu ndi Edomu yose, wo ŵangujipaska charu changu nge nchihara mu likondwa lose ndi mtima wakuyuyuwa, mwakuti chiŵi chihara chawo ndi kuchiskowa.

Mika 4:10

Kunkhurukani pasi ndi kutamantha, mwa ŵanthu ŵaku Zioni, nge ndi munthukazi yo wabala; pakuti sono mukatuwanga mu msumba ndi kuja mu dondo; mukarutanga ku Babiloni. Kweniko mwamutaskika ndi kweniko Ambuya amkukuwomboni, mu janja la ŵarwani.

Zekariya 12:8

Mu zuŵa lo Ambuya avikiriyenge ŵakuja mu Yerusalemu, viyo kuti yo ngwakuvuka ukongwa mukati mwawo pa zuŵa lo waŵenge nge ndi Davidi, ndipo nyumba yaku Davidi yiŵenge nge ndi Chiuta, nge ndi mungelo wa Ambuya panthazi pawo.

Sumu 143:3

Murwani wandizingizga, waphwatiya pasi umoyo wangu; wandiŵika mu mdima, ulaka ndiwo ŵakufwa kale.