Mika 7:7 - Tonga Bible 1986

⁷ Kweni ine, ndilereskenge kwa Ambuya, ndilindizgenge Chiuta yo ndi mtaski wangu; Chiuta wangu wakandivwanga.

Mika 7:7 Referans Kwoze

Sumu 37:7

Uje chisisi paurongo pa Ambuya, uŵalindizge kwakuzika; reka kujikweŵeska chifukwa cha wakusakata mu nthowa yake, chifukwa cha munthu wakuchita viheni!

Yesaya 45:22

“Weneni kwangu ndi mutaskike, vigoti vyose vya charu chapasi! Pakuti ndine Chiuta, ndipo palivi so munyake.

Yesaya 25:9

Kukanenekanga mu zuŵa leniliya, “Ehe, uyu ndi Chiuta widu, tamulindizganga, mwakuti watitaske, Yaŵa mba Mbuya; taŵalindizganga, tiyeni tikondwe ndi kusekere muutaksi wawo.”

Sumu 25:5

Mundirongozge mu uneneska winu, ndipo ndisambizgeni, pakuti imwe ndimwe Chiuta wa chipozomosko changu; kwaku imwe ndilindizga zuŵa lose.

Sumu 130:5

Ndilindizga Ambuya, mzimu wangu ulindizga, mu mazu ghawo ndigomekezga.

Sumu 109:4

Ŵatindisuska, nanga ndipenipo ine ndituŵanja, ndipo ndituŵarombe.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Sumu 65:2

chifukwa mutamuka marombo. Ŵanthu wose ŵakazanga kwaku imwe

Chiyambo 49:18

Ndilindizga utaski winu, Ambuya.

Sumu 38:15

Kweni kwaku imwe, Ambuya, ndikundilindizga; Ambuya, Chiuta wangu, imwe ndimwe mukamukanga.

Yesaya 8:17

Ndikarindizganga Ambuya, wo abisa chisku chawo ku nyumba yaku Yakobe, ndipo ndikagomekezganga mwaku iwo.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Yesaya 17:7

Mu zuŵa liya ŵanthu ŵazamuphwere mlengi wawo ndipo maso ghaŵo ghazamulereska ku Mtuŵa yo Yumoza waku Yisraele,

Danyele 3:17

Asani kungaŵa viyo, Chiuta widu mweniyo titeŵete waziŵa kutitaska ku kocha kwa ng'anjo ya moto, ndipo wakatitaskanga ku janja linu karonga.

Hoseya 12:6

“Viyo iwe, ndi chivyo chaku Chiuta wako, were vuli; sungiska lisungu ndi cheruzgu ndipo rutiriya kulindizga Chiuta wako.”

Yoele 1:19

Ambuya, ndililiya imwe. Chifukwa moto wawocha vipozwa mu dondo, ndi mlipu wawocha miti yose mu dondo.

Habakuku 2:1

Ndimenge pa ulinda wangu kulonda, ndijenge pa chitanthali, ndi kukhazga kuti ndiwone cho wandikambiyenge, ndi cho ndimukenge pa madinginiku ghangu.

Maŵerengedu 5:28

kweni asani munthukazi walivi kukazuzgika, ngwakuphotoka, wakapozomokanga ndipo wakapapanga ŵana.

Sumu 85:5

Kumbi mukatundiyanga paku ifwe muyaya? Kumbi ukari winu ukarutiliyanga ku migonezi yose?

Chitenje 3:24

Mtima wangu utiti, “Ambuya nchigaŵa changu, chifukwa cho ndigomekezgenge mwaku iwo.”

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.