Mika 7:4 - Tonga Bible 1986

⁴ Wamampha waku wo walingana ndi chatata, wakunyoroka ukongwa waku iwo walingana ndi lisitu la minga. Zuŵa la ŵalonda ŵawo, ndi la chilangu chawo; laza sono, kutimbanyika kwa vinjeru vyawo kwafika.

Mika 7:4 Referans Kwoze

Yesaya 22:5

Chifukwa Ambuya Chiuta ŵa maŵanja ŵendi zuŵa la chiwawa ndi lakupwatiya ndi kutimbanizga, mu dambo la chiwona, kubwanganduliya pasi amlinga ndi kukambula mu mapiri.

Ezekiele 2:6

Ndipo iwe, mwana wa munthu, ungaŵawopanga cha, nanga nkhopa mazu ghawo, nanga mukwakwazu ndi minga vye paku iwe ndipo uja pasi pa vipiliri; kopa mazu ghawo cha, pamwenga kulakatuka ndi kalereskero kawo, chifukwa ndiwo nyumba yakugaruka.

Yesaya 10:3

Mukachitanganje mu zuŵa la chilangu, mu lirondo lo likatuwanga kutali? Nkhwakuyani ko mukachimbiriyanga kusaniya chovyo ndipo usambasi winu ukasiyikanga pani?

ŴaHebere 6:8

kweni cho nchakume minga ndi ŵakankhandi, nchakupatika ndipo che pafupi kutembeka; kamaridu kaku chenicho nkhocheka.

Luka 21:25

“Ndipo muŵenge visimikizgu mu dazi ndi mwezi ndi zinyenyezi: ndipo panupasi mtundu yose yikaŵanga yakuzizikika, ndi yakopa kuuruma kwa nyanja ndi maŵiriŵiri;

Nahumu 1:10

Nge ndi minga yakuhoma ŵanyekenge, nge nchivwati chakumira.

Amosi 8:2

ndipo wanguti, “Amosi, uwonanji?” Ndipo ndinguti, “Sokora ya vipasi vya chihanya.” Viyo Ambuya anguti kwaku ine, “Umari wafika pa ŵanthu ŵangu ŵa Yisraele; kuti ndiŵajumphenge so cha.

Yeremiya 10:15

Mbaŵakaŵaka, ndi nchitu yakufuvya; panyengo ya kulangika kwawo ŵakamaranga.

Yeremiya 8:12

Kumbi ŵanguchita soni penipo wanguchita ukazuzi? Awa, kuti ŵanguchita soni ndi keni kamana cha; ŵengavi kuziŵa kuzimbwa. Chifukwa cho ŵakawanga mukati mu ŵakuwa, penipo ndikaŵalanganga ŵakathereskekanga, atiti Ambuya.

Yesaya 55:13

Mu malo mwa minga mukamenga ming'ona; mu malo mwa kankhande mukatuwanga mulombwa; ndipo chikaŵanga chikumbusku ku Ambuya, chiziŵisku cha muyaya cho kuti chikadumulikanga cha.”

Yeremiya 11:23

ndipo palivi yumoza waku wo wakasiyikanga. Pakuti ndikatolenga chiheni pa ŵanthu ŵaku Anatoti, chirimika cha kulangika kwawo.”

Yeremiya 46:21

Chingana mba nkhondo ŵake, ŵakulembereka mukati mwake ŵe nge ndi mathole ghakututuŵa; inya ŵang'anamukako, ŵathaŵiya wose pamoza, ŵalivi kuma; pakuti zuŵa la soka lawo laza pakuwo, nyengo ya kulangika kwawo.

Ezekiele 28:24

“Ndipo pa nyumba yaku Yisraele kuti pakaŵanga so kankhandi wakulasa pamwenga munga wakuŵapweteka cha mukati muŵa kuzengezgana ŵawo wose wo ŵanguŵayuyuwa. Penipo ndipo ŵakaziŵanga kuti ndine Ambuya.