Mika 7:11 - Tonga Bible 1986

¹¹ Zuŵa lakuzenge malinga ghako! Mu zuŵa liya mphaka yikatandaulikanga ukongwa.

Mika 7:11 Referans Kwoze

Nehemiya 2:8

ndi kalata kwaku Asafi msungi wa lusuwa la miti la karonga kuti wakandipaske miti yakuchitiya mphanjizgu za malikomo gha linga la kasopi ndi za nyumba yo ndamujamo.” Ndipo karonga wangundipaska vyenivyo ndingupempha pakuti janja lawezi laku Chiuta wangu lenga paku ine.

Yesaya 54:11

“Iwe wakuyuzgika, wakuyungwiskika ndi lirondo, wambura kusangaruskika, ehe, ndikamikanga mya yako mu maŵanga ghamanimani ndi kujalika viŵanja vyako ndi mya ya sangarawe.

Nehemiya 4:6

Viyo tinguzenga linga, ndipo linga lose lingugumanizgika kuŵa limoza kwachifika pa msinkhu wake wa pakatikati. Pakuti ŵanthu ŵenga waphamphu kuchita nchitu.

Nehemiya 4:3

Tobiya mwina Amoni wenga nayo pamoza, ndipo iyo wanguti, “Inya chenicho ŵazenga asani kambwe wakwerapo wakabwanganduwanga linga lo la mya!”

Nehemiya 2:17

Pavuli ndinguti kwaku wo, “Muwona suzgo yo tilimu, mo Yerusalemu walili ngwakuphwanyika ndi malikomo ghake ghakufya. Zaninga tizenge linga la Yerusalemu, alinga tireke kuwereka ndi lilengu.”

Danyele 9:25

Viyo uziŵi ndi uwemu, kwamba kutuwa kwa mazu ghakuwezga ndi kuzenga so Yerusalemu, kufika kukuza kwa wakupakika yo karonga, kuŵenge ŵasabata ŵankhonde ndi ŵaŵi. Viyo wazengekenge so ndi zinthowa ndi linga mu ŵasabata machumi ghankhonde ndi limoza pachanya ŵaŵi (62) kweni munyengo ya suzgu.

Yesaya 54:2

Kuzga malo gha hema lako, ndipo zitambaruskike saru za kuchinga za mwakujamo mwako; ungarekanga cha, tambaluwa vingwe vyako ndi limbiska mphandu zako.

Yesaya 58:12

Ndipo mapopa ghinu ghamwaka ghakazengekanga so, mukayuskanga viŵanja vya migonezi yinandi; mukadanikanga ŵakuzinda viliŵa vyakusweka, ŵakuwerezgamo zinyumba mu mapopa.

Yesaya 61:4

Ŵakazenganga so mapopa gha mwaka, ŵakayuskanga so maphasulu gha kali; ŵakarongosonga misumba ya kuphwanyika, masara gha migonezi yinandi.