Mika 6:8 - Tonga Bible 1986

⁸ Iyo wakurongo wa munthu, cho nchamampha, ndi cho Ambuya akhumbiya iwe, kweni kuchita urunji, ndi kwanja ulemu, ndi kwenda kwakujiyuyuwa ndi Chiuta wako?

Mika 6:8 Referans Kwoze

Nthanthi 21:3

Kuchita urunji ndi cheruzgu chirunji vyamarondeka ku Ambuya kwakuruska mipasku.

ŴaKolose 3:12

Viyo vwarani, uli mbakusankhika ŵaku Chiuta, ŵakupaturika ndiŵakwanjiwa, chitima cha lisungu, ulemu, kujiyuyuwa, upovu, chilekerezga;

Yeremiya 22:3

Viyo atiti Ambuya: Chitani cheruzgu chirunji ndi ukongorekwa, taskani ŵakuskoŵeka mu janja la wakumusuzga yo. Ndipo rekani kunangiya pamwenga ku chitiya phuzu mlendo, wambura awiske, ndi choko, chingana nkhudira ndopa zambura kalema mu malo yagha.

Hoseya 6:6

Chifukwa ndikhumba lisungu, sembe cha; kumuziŵa Chiuta kwakuruska sembe zakocha.

1 Samuele 15:22

Samuele wanguti, “Kumbi Ambuya ŵendi likondwa likuru mu mipasku yakocha ndi zisembe, nge ndimo aliri nalo mu kuvwiya mazu ghawo? Ehe, kuvwiya nkhwamampha kuruska sembe, kutegherezga kuruska mafuta gha viphongo.

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

1 Petro 3:8

Ndipo pakumariya, mose muŵe ŵakuyana mumtima, ŵakuvwiyapo pamoza, ŵakwanja ŵabali, ŵa chitima chamampha, ŵa mitima yakujiyuyuwa;

Luka 6:36

Muŵe ŵalisungu, ulaka nge mba Uskemwe mbalisingu.

Luka 11:42

“Kweni owe kwaku imwe, mwaŵaFarisi! Pakuti mupereka vyachichumi, nthenderu ndi vyema ndi sungwi yose, ndipo mujumpha cheruzgu ndi chanju vyaku Chiuta: kweni kungwenere kuchita vyenivi, ndi viya kuvireka cha.

Amosi 5:24

Kweni rekani uneneska wendi nge ndi maji, ndi urunji nge ndi msinji wakupopoma mazuŵa ghose.

Mateyu 5:7

“Mbakutumbikika ŵalisunga: pakuti iwo wachitikiyenge lisungu.

ŴaEfeso 4:32

kweni muŵenge ŵaulemu yumoza ku munyake, ŵachitima, ŵakugowokerana uli ndimo Chiuta nayo mwaku Kristu wagowoke imwe.

Chiyambo 18:19

Awa, pakuti ndamusankha, kuti warunguchizge ŵana ŵake ndi mbumba yake ya pavuli pake kusunga nthowa ya Ambuya pakuchita ukongorekwa ndi urunji: alinga kuti Ambuya ŵatole kwaku Abrahamu chenicho ŵapangana nayo.”

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

Hoseya 12:6

“Viyo iwe, ndi chivyo chaku Chiuta wako, were vuli; sungiska lisungu ndi cheruzgu ndipo rutiriya kulindizga Chiuta wako.”

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Mateyu 5:3

“Mbakutumbikika ŵasauchi mu mzimu, pakuti ngwawo ufumu wo wa kuchanya.

Zefaniya 2:3

Penjani Ambuya, mose mwa ŵakuzika ŵamu charu, imwe mwachita malangulu ghake; penjani urunji, penjani kuzika; pamwenga mungabisika mu zuŵa la ukari wa Ambuya.

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Sumu 37:26

Nyengo zose ngwawezi ndi wakuteuliska, ndipo ŵana ŵake mbakutumbikika.

Nehemiya 9:13

Mungusikiya pa phiri la Sinai, ndi kurongoro nawo kutuliya kuchanya ndi munguŵapaska malangulu ghakwenere ndi marangu ndi vyeruzgu ndi malamulu,

Sumu 112:4

Ku ŵanthu ŵamampha ukweru uŵala mu mdima, kwakuŵeniwo mbawezi, ŵalisungu, ndi wakurunjika.

Chitenje 3:26

Nkhwamampha kuti munthu walindizgenge utaski wa Ambuya, chisisi.

Sumu 112:9

Wapaska kwa wanangwa ku ŵasauchi, ndipo wezi wake ngwa muyaya; wakaŵanga ndi mazaza ndi kutumbikika.

Sumu 73:28

Kweni kwaku ine, awa, naku nkhuzirwa kuŵa pafupi ndi Chiuta: Mwa Ambuya Chiuta ndisaniya kuvikirika, alinga kuti nditaule nchitu zinu zose.

2 Mikoka 34:27

chifukwa mtima wako ngwakoloŵa ndipo wajipepuwa paurongo paku Chiuta unguti wavwa mazu kususka malo yagha ndi ŵanthu ŵake, ndipo sono wa jipepuwa paurongo pangu ndi kuparuwa vyakuvwara vyake ndi kutenje paurongo pangu, ine nane ndakuvwa, atiti Ambuya.

Yakobe 2:20

Kweni unkhumba kuziŵa ati, wamunthu we wambughuya, kuti chivwanu pade pa milimu nchaŵaka?

ŴaRoma 7:16

Kweni asani cho ndirive kukhumba, ndicho ndichita, ndizomerezgana ndi chilangulu cho kuti nchamampha.

2 Mikoka 32:26

Kweni Hezekiya wanguti wajithereska, iyo ndi ŵamu Yerusalemu kandundu kaku chiuta kangureka mu mazuŵa ghose ghaku Hezekiya.

1 Samuele 12:23

Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.

ŴaRoma 9:20

Awa na, wamunthu we, ndiwe yani wakuŵiringuliya Chiuta? Kumbi chakuwumbika cho chinenenge ku muumbi wake, “Chifukwa chine wandiumba viyo?”

Luka 10:42

kweni kwe msowu wa chimoza: ndipo Mariya watondo chigaŵa chamampha cho, chenicho kuti chituzgikengeko kwaku iyo cha.”

Ezekiele 16:63

mwakuti ukumbukenge ndi kuchita soni, ndipo kuti ukajuranga so mlomo wako cha chifukwa cha kulengeskeka kwako, penipo nditikugowoke paku vyose vyo wachita, atiti Ambuya Chiuta.”

2 Mikoka 33:23

Kweni kuti wangujiyuyuwa cha pa maso ghaku Chiuta nge ndimo Manase awiske ŵangujiyuyuliya, kweni Amoni wanangiyanga-nangiyanga.

2 ŴaTesalonika 2:16

Ndipo Ambuyafwe Yesu Kristu mweneko, ndi Chiuta Auskefwe, yo wangutanja ndi wangutipaska chisangurusku cha muyaya ndi chigomekezgu chamampha mu wezi,

Chiyambo 5:22

Enoke wangwenda ndi Chiuta pavuli pa kawi kaku Metusele virimika machumi pe chumi ghatatu (300) ndipo wenga ndi ŵana ŵanthurumi ŵanyake ndi ŵana ŵanthukazi.

ŴaLevi 26:41

viyo kuti nane so ndingwenda kwakupambana nawo, ndi kuŵatole mu charu cha ŵamawongo ŵawo, asani mtima wawo wambura kuchinjika ukajiyuyuwanga ndi kuchita umampha mu malo gha uheni wawo;

2 Mikoka 33:19

Kuromba kwake naku so, ndi mo Chiuta wanguŵeyereke ndi iyo, ndi maulakwi ghake ghose ndi ubendezi wake, ndi malo mo wanguzenga malo gha pachanya, ndi kuŵika Ashera, ndi vikozgo vya kusema, wenga wandape; ehe, vikulembeka mukati mu Makani gha Ŵamchimi.

1 ŴaKorinte 7:16

Chifukwa uziŵa uli wamunthukazi we, kuti vinu panyake umtaskenge mrumi wako? Pamwenga uziŵa uli wamunthurumi we, kuti vinu panyake umtaskenge muwoli wako?

2 Mikoka 30:11

Kweni ŵanthu ŵamanavi ŵaku Ashere, ŵaku Manase, ndi ŵaku Zebuluni ndiwo ŵangujiyuyuwa ndi ŵanguza ku Yerusalemu.

Luka 12:14

Kweni iyo wanguti kwaku iyo, “Wamunthu, njani wangumika ine mweruzgi ndi mgaŵi paku imwe?”

Marangu 30:15

“Awonani, ndaŵika paurongo pinu msana wale umoyo ndi umampha, ndi nyifwa ndi uheni.

Yesaya 56:1

Viyo atiti Ambuya: “Sungani cheruzgu chirunji, chitani, ukongorekwa, chifukwa utaski wangu ukazanga ruŵi, ndipo uwombozi wangu ukavumbulikanga.

Ezekiele 33:14

Ndipo so, nanga ndingakamba ku muheni, ‘Nadi ukafwanga,’ Kweni ndipuuli asani waweko ku uheni wake ndi wachita cho nchakwenere ndi chakurunjika,

Mika 6:9

Mazu gha Ambuya ghadanirizga ku msumba ndipo ndi vinjeru vyamampha kopa zina linu: “Vwani, mwa fuku ndi mwakuwungana mu msumba!

Zekariya 7:9

“Viyo atiti Ambuya ŵa maŵanja, yeruzgani cheruzgu chakuneneska, rongoni ulemu ndi chisungusungu munthu yose ku munyake,

Marangu 27:10

Chifukwa cho mukavwiyanga mazu gha Ambuya Chiuta winu, musungenge marangu ghake ndi malangulu ghake, ghenigho ndakulanguliyani msana wale.”

Yoswa 24:14

“Viyo sono wopani Ambuya, ndipo mteŵetiyeni mu uneneska ndi mu kugomezgeka; tayani ŵachiuta wo auskemwe ŵangutataliya kusirgha ku Msinji, ndi mu Egipiti, teŵetiyani Ambuya.

Sumu 101:1

Ndimbiyenge vya chifundu ndi cheruzgu; kwaku imwe, Ambuya, ndimbiyenge.

Yeremiya 9:23

Viyo atiti Ambuya, “Munthu wazeru wareke kutumbwiya mu zeru zake, wakulimba wareke kutumbwiya mu kulimba kwake, musambasi wareke kutumbwiya mu usambasi wake;

Yeremiya 22:16

Ŵangweruzga mlando wa wakusauka ndi wakusuzgika, viyo kwenga umampha. Pakuchita viyo asi nkhundiziŵa ine? atiti Ambuya.