Mika 6:16 - Tonga Bible 1986

¹⁶ Chifukwa mwasunga vilayizgu vyaku Omri, ndi vyakuchita vyose vya nyumba yaku Ahabu; ndi mwayenda mufundu zawo; ndi mupasuweninge, ndi ŵakujamo ŵinu wakafyonyekanga; viyo mukayeyekanga ndi ŵanthu.”

Mika 6:16 Referans Kwoze

Yeremiya 51:51

‘Ifwe talengeskeka, pakuti tavwa gha chilengesku; soni zavimba chisku chidu, pakuti ŵalendo ŵazamu malo ghakupaturika gha nyumba ya Ambuya.’

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Yeremiya 19:8

Ndipo ndikasanduskanga msumba uwu kuŵa wakofya, chinthu chakunyozeka; yose wakudumuwapo wakazizwanga ndipo wakafyonyanga mufyonyo chifukwa cha masoka ghake.

Yesaya 25:8

Akameziyanga limu nyifwa muyaya, ndipo Ambuya Chiuta wakaleskanga masozi ku visku vyose, ndipo soni ya ŵanthu ŵake wakatuzgangamo mu charu chose chapasi; pakuti Ambuya ndiwo akamba.

Sumu 44:13

Mwatisanduska chitozeru ku ŵakuzengezgana nafwe, kawerere ndi kayeyedu ku ŵakutizunguliya.

Chivumbuzi 2:20

Kweni nde nako kakukususka iwe, kakuti utumulereska ŵaka munthukazi yo Yezebelu mweniyo watijitamula mchimi-munthukazi; ndipo wasambizga ndi warandizga ŵateŵeti ŵangu, kuti wachitenge ureŵi ndi kurgha vinthu vyakubayikiya vyangoza.

Hoseya 5:11

Efraimu wasuzgika ndi kupwetekeka mu cheruzgu, chifukwa wanguŵika mtima wake pa vyaŵakaŵaka.

Danyele 9:16

Ambuya kwakulingana ndi nchitu zinu za urunji, zomerani kuti ukari winu ndi kandundu kinu vituwepo pa msumba winu Yerusalemu, phiri linu lakupaturika; chifukwa cha maulakwi ghidu ndi uchikana marangu wa auskefwe, Yerusalemu ndi ŵanthu ŵinu ŵaŵa chitozeru kwaku wose ŵakutizingirizga.

Ezekiele 39:26

Ŵaruwenge soni zawo, ndi utimbanizi wose wo ŵachitiya ine, penipo ŵaja kwakudekha mu charu chawo kwambura nanga njumoza wakuŵatenthemeska,

Chitenje 5:1

Kumbukani, Ambuya cho chatiwiya; teskani, ndi wonani kulengeskeka kwidu!

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yesaya 9:16

pakuti wo ŵarongozga yaŵa ŵanthu ŵati ŵapuruska, ndipo wo ŵarongozgeka ndi iwo ŵamezeka.

Sumu 1:1

Wakutumbikika ndi munthu yo kuti watenda mu fundu ya ŵaheni cha, ndi mu nthowa ya ŵakunanga kuti watuma cha, nanga ndimukuteka kwa ŵakuyeya kuti wajamo cha.

2 Mikoka 34:25

Chifukwa ŵandijowo ine, ndi kocha vya chema ku ŵachiuta ŵanyake kundisosomoleine ku kandundu ndi nchitu zose zo maja ghawo, pa chifukwa ichi kandundu kangu kapungulikiyenge pa malo yagha ndipo kuti kazimwikenge cha.

2 ŴaKaronga 21:3

Pakuti wanguzenga so malo gha pachanya gho awiske Hezekiya ŵangubwanganduwa, ndipo wanguzenga majochero ghaku Bala ndi wangupanga Ashera, uli ndimo wanguchitiya Ahabu karonga wa waYisraele, ndipo wangusopa maŵanja ghose gha kuchanya, ndi kughateŵete.

2 ŴaKaronga 16:3

kweni wangwenda mu nthowa ya ŵakaronga ŵaku Yisraele. Ndipo wangocha chingana ndi mwana wake kupereka mpasku, kwakuyana ndi unyakazi wakuchitika ndi mitundu yo Ambuya angudikiska paurongo pa waYisraele.

1 ŴaKaronga 18:4

ndipo penipo Yezebelu wangubaya ŵa mchimi ŵa Ambuya, Obadiya wanguto ŵa mchimi machumi pe chumi (100) wanguŵabisa machumi ghankhonde ghankhonde mu mphanji, ndipo wanguŵapaska kurgha ndi maji.)

1 ŴaKaronga 9:8

Ndipo nyumba iyi yikaŵanga ndundu ya vyakunangika, yose wakudumuwapo yikaŵanga chakuzizwiska, wakajumanga, ndipo ŵakafumbanga, ‘Chifukwa chine Ambuya achita viyo ku charu ichi ndi ku nyumba iyi?’

Yeremiya 25:18

Yerusalemu ndi mizi yose yaku Yuda; ŵakaronga ŵake ndi mafumu ghake, kuŵasanduska phasulu ndi chakunyozeka, chakusekeka ndi chakutembeka, nge ndimo ŵaliri zuŵa lino.

Yeremiya 29:18

Ndikaŵandondoloskanga ndi lipanga, chilala ndi chideru, ndipo ndikaŵawoneskanga nge nchakunyozeka mu maso mwa maufumu ghose gha charu chapasi, kuwa chakutembeka, chakofya, chakuyeyeka, ndi chakusekeka mu mitundu yose mwaku yo ndikuŵadikiskiyamo,

Hoseya 12:14

Efraimu wangumukaripiska ukongwa; viyo Ambuya ŵake asiyenge mlando wa ndopa paku iyo, ndipo Ambuya awezgiyenge paku iyo chilengesko.

Mika 2:6

“Rekani kutaula,” viyo ŵataula, “munthu kuti watenere kutaula ndi vinthu vya viyo cha; soni kuti zikatikonga cha ifwe.”

Mika 6:13

Chifukwa ichi ndayamba kumupumani, kumupa suwani chifukwa cha maulakwi ghinu.

2 Mikoka 22:4

Wanguchita uheni pa maso ghaku Chiuta nge mba nyumba yaku Ahabu; chifukwa ndiwo ŵenga ŵaupu wake pavuli ŵati ŵafwa awiske kufikiya kupharghaniko lake.

Sumu 44:14

Mwatisanduska kuŵa nthanthi mu mitundu, ŵakusekeka mukati mu makhamu.