Mika 4:9 - Tonga Bible 1986

⁹ Sono uliliyanje ukongwa? Kumbi mulivi karonga mwaku iwe? Kumbi nchifukwa waupu wako wafwa po urwirwi wakuko nge ndi munthukazi yo wabala?

Mika 4:9 Referans Kwoze

Yeremiya 8:19

Avwani, kuliya kwa ŵanthu ŵangu, kutuliya mu utali ndi mu usani wa charu: “Kumbi Ambuya mulivi mu Zioni? Kumbi karonga wake kuti we mwake cha?” “Chifukwa nchine ŵandisosomole ku kukwiya ndi ŵangoza ŵawo ŵakusemeka, ndipo ndi ŵangoza ŵawo ŵachilendo?”

Hoseya 10:3

Chifukwa sono ŵakatinge: “Tilive karonga, chifukwa tiŵawopa cha Ambuya, ndipo karonga watichitiyenge kanthu uli?”

Hoseya 3:4

Chifukwa ŵana ŵaku Yisraele ŵakajanga mazuŵa ghanandi kwambura karonga pamwenga fumu, kwambura sembe pamwenga mzati, kwambura mphenduzga pamwenga ŵakaboni.

Chitenje 4:20

Muvuchi wamu mphunu zidu ifwe tawakupakika wa Ambuya, ungutoleka mu mazenje ghako, iyo mweniyo tingumukamba, “Pasi pa chiduzi chake tikawanga wamoyo mu wamitundu.”

Yeremiya 50:43

“Karonga wa Babiloni wanguvwa mbiri yawo, ndipo manja ghanguwa kwambura chovyu; suzgu yingumuzinga, ndi urwirwi nge ngwa munthukazi wakupapa.

Yeremiya 22:23

Iwe wakuja mu Lebanoni, wakuja mu zimphako za milanji, ukatamanthanga po ukavwanga maurwirwi, kuŵaŵa nge nkhwa munthukazi wachipapa.”

Yeremiya 4:21

Mpaka zuŵanji ndikawonanga mbendera, ndi kuvwa kuliya kwa mbata?

Yesaya 26:17

Uli ndi munthukazi wa paluŵavu, yo wagadabuka-gadabuka ndi kuliya mu urwirwi wake, po waŵandika ku nyengo yake, viyo ndimu tinguŵiya ifwe chifukwa chinu, Ambuya,

Yesaya 21:3

Chifukwa cho chiunu changu chazazika ndi suzgu; urwirwi wandikwetere, uli mburwirwi wa munthukazi yo wapapa; ndakotama pasi viyo kuti nditondeka kuvwa, ndagongowa viyo kuti nditondeka kulereska.

Yesaya 13:8

ndipo ŵakazizwanga. Kulasa ndi urwirwi vikaŵakonga, ŵakaŵanga mu suzgu ulaka ndi munthukazi wakupapa. Ŵakawonekanga nge mbazereza pakulereskana; visku vyawo vikalipukanga ndi moto.

Yohane 16:21

Munthukazi wachipapa we ndi chisungu, pakuti laza ora lake; kweni watakuti wapapa mwana, kuti wakumbuka so cha suzgu yake, chifukwa cha chimwemwe chakuti munthu wapapikiya mu charu.

Chivumbuzi 12:2

Ndipo pakuŵa ndi nthumbo, wangubongo wachivwa urwirwi ndi kuŵaŵa kwa kupapa.

Yeremiya 48:41

misumba yikatolekanga, malinga ghakakolekanga. Mtima wa wankhondo wa Moabu mu zuŵa liya ukaŵanga nge ndi mtima wa munthukazi mu maurwirwi ghake;

Hoseya 13:13

Urwirwi wa pakubara mwana umuziyenge, kweni ndi mwana wambura zeru, chifukwa sono kuti wajirongo cha pa mlomo wa nthumbu.

Mika 5:3

Viyo wakaŵajowonga mpaka yize nyengu kuti yo we pafupi kubara wabare; penipo ndipo ŵakujako ŵa ŵabali ŵake ŵakawerenga ku ŵanthu ŵaku Yisraele.

Yeremiya 4:31

Pakuti ndavwa kuliya uli nkhwa munthukazi yo we mukupapa, kuŵaŵa nge nkhwaku yo wapapa mwana wake wa umwali, kuliya kwa ŵanthu ŵaku Zioni ŵayatuka, ŵatambaruwa manja ghawo, ŵatiti, “Owe ifwe tiyatuka paurongo pa ŵakubaya.”

Yeremiya 30:10

Viyo reka kopa, Yakobe we, mteŵeti wangu, atiti Ambuya, chingana nkhufipa mtima, Yisraele we; pakuti ehe, ndikakutaskanga kutuwa kutali, ndi mbeu yako kutuwa ku charu cha uŵanda wawo. Yakobe wakawenga ndi kuja mu chisisi ndi kufwasa, ndipo kukaŵangavi wakumofya.