Mika 4:11 - Tonga Bible 1986

¹¹ Sono mitundu yawunjikanakumikana namwe, kuti, “Rekani ŵakazuzgike, ndi maso ghidu ghalereske pa Zioni.”

Mika 4:11 Referans Kwoze

Obadiya 1:12

Kweni iwe, mphanyi ungwene ndi zuŵa la mbali wako, zuŵa la soka lake; kuti mphanyi wakondwa cha ndi ŵanthu ŵaku Yuda mu zuŵa la pharghaniko lawo; kuti mphanyi wajikuzga cha, mu zuŵa la suzgu.

Mika 7:10

Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.

Yeremiya 52:4

Ndipo mu chirimika cha chinkhonde ndi chinayi cha muwusu wake, mwezi wa chumi, pa zuŵa la chumi la mwezi, Nebukadanezara karonga wa Babiloni wanguza ndi nkhondo yake yose pa Yerusalemu, wanguwuzinga ndipo wanguzenga vyakuwuzingiya kwakuzunguliya.

Sumu 129:5

Wose ŵakutinkha Zioni, ŵathereskeka ndi ŵawezgeke kuvuli!

Yesaya 10:7

Kweni kuti ndimu wakhumbiya cha, ndipo mtima wake kuti ughanaghana viyo cha, cho che mu mtima nkhuparghang'a, ndi kutuzgapo mitundu yinandi,

Yesaya 17:12

A! Mugundu wa ŵanthu ŵanandi, ŵawuruma uli, nkhuwuruma kwa nyanja! A! Kukoroma kwa mitundu, yikoroma uli nkhukoroma kwa maji ghanandi.

Yesaya 29:7

Ndipo mzinda wa mitundu yose yo yiturwa ndi Ariele, wose wo ŵaturwa ndi iyo ndi linga lake, ndi kumusuzga, ŵakaŵanga nge ndi loto, chiwona cha usiku.

Ezekiele 26:3

chifukwa cho Ambuya Chiuta atiti: Ehe, ndimikana nawe, owe Turo, ndikatoriyanga paku iwe mitundu yinandi, nge ndimo nyanja yitore mayigha ghake.

Sumu 83:5

Inya, ŵanozga chiŵembo ndi mtima umoza, ŵapangana phanganu kumikana namwe;

Ezekiele 38:17

“Viyo atiti Ambuya Chiuta: Kumbi ndiwe paku mweniyo mu ŵateŵeti ŵangu ŵa mchimi ŵaku Yisraele ndakambiyangapo mu mazuŵa gha mwaka, ŵeniwo mu mazuŵa ghenigha ŵanguchima kwa virimika vinandi kuti ndikatonga iwe kumikana nawo?

Zekariya 12:3

Mu zuŵa lo ndichitenge Yerusalemu kuŵa mwa uzitu ku ŵanthu wose; wo ŵaunyamuwenge ŵakajitekenyuwanga; ndipo mitundu yose ya charu chapasi yiwunganenge kumikana ndi Yerusalemu.