Mika 3:5 - Tonga Bible 1986

⁵ Viyo atiti Ambuya kunena ndi ŵamchimi wo ŵalandizga ŵanthu ŵangu, wo ŵadanirizga kuti, “Chimangu,” po ŵe ndi kanthu kakurgha, kweni ŵalongoso nkhondo paku yo walivi kuŵika kanthu mu milimu yawo.

Mika 3:5 Referans Kwoze

Yeremiya 6:14

Ŵachizga bala la ŵanthu ŵangu kamanavi keni, ŵatiti, ‘Chimangu chimangu’, penipo kulivi chimangu.

Yeremiya 23:32

Inya, ndimikana ndi wo ŵachima maloto ghatesi, atiti Ambuya, ndi ŵeniwo ŵati ŵanene ndi kuŵarongozge ŵanthu ŵangu kwaŵaka ndi mautesi ghawo ndi mphwayi zawo, penipo ine kuti ndinguŵatuma, chingana nkhuŵalanguliya cha; viyo kuti ŵatiŵanduliya ndi keni kamoza ŵanthu yaŵa cha, atiti Ambuya.

ŴaRoma 16:18

Chifukwa ŵaviyo kuti ŵateŵete Ambuyafwe Kristu cha, kweni linweka laku ŵija; ndipo ndimakambidu ghausarazi ndi ghakufyafyalika ŵafuvya mitima ya ŵakujiyuyuwa.

Mateyu 15:14

Warekeni: mbachirongozgi ŵachiburumutiya. Ndipo asani wachiburumutiya warongozga wachiburumutiya, wose ŵaŵi ŵawenge mu zenje.”

Mateyu 7:15

“Cheŵani ndi ŵamchimi ŵatesi, ŵeniwo ŵatuza kwaku imwe mu kavwaridu kamberere, kweni mukati ndi mphumphi zakufyonkhonyo.

Malaki 2:8

“Kweni imwe mwatuwamo mu nthowa; mwalandizga ŵanandi ndi chisambizgu chinu, mwananga phanganu laku Levi, atiti Ambuya ŵa maŵanja,

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

Mika 2:11

Asani munthu wangenda ndi mtima wakupusika ndi kukamba utesi, ndi kuti, “Nkhataulanga kwaku iwe ndiza vinyo ndiso ndi vyakumwa vyakuloŵeleska,” ndiyo wangaŵa wakutaula wa ŵanthu yaŵa!

Yeremiya 23:27

Wo ŵakhumba kuti ŵanthu ŵangu ŵaruwe zina langu chifukwa cha maloto ghawo gho ŵanenerana yumoza ndi munyake, inya nge ndimo auskeu ŵanguruwiya zina langu chifukwa chaku Bala.

Yesaya 3:12

Ŵanthu ŵangu ŵayuzgika ndi ŵana, ŵanthukazi ndiwo ŵatiŵawusa. Owe mwa ŵanthu ŵangu, ŵarongozgi ŵinu ŵakumupuruskani, ŵakutimbanizga mendedu gha nthowa zinu.

Yoele 3:9

Wandiskani ichi mu mitundu: nozgani nkhondo; yuskani vinkhara. Ŵarekeni ŵankhondo wose ŵandere pafupi; ŵarekeni ŵakwere.

Nthanthi 28:21

Kulongo kweruzgiya lwandi kuti nkhwamampha cha, kweni pa kurgha kumanavi munthu wachimwiyengepo.

Yeremiya 6:4

“Rongosoni nkhondo paku iyo; tikwere, tichite nkhondo ndi msana pakati!” “Soka kwaku ifwe, pakuti lumwi laruta, pakuti miduzi ya mazulo njitali!”

Chitenje 2:14

Ŵamachimi ŵako ŵakuwone iwe vyakuwona vyakupusika ndi vitesi; ŵalivi kuvumbuwa uheni wako, alinga kuti ŵawezge umampha wako, kweni ŵakuwone iwe vyakuwona vyakupusika ndi vyakukurandizga.

Ezekiele 13:9

Janja langu likamikananga ndi ŵamchimi wo ŵawona viwona vyawaka ndi kupereka mawula gha utesi; Kuti ŵakaŵangamo cha mu upu wa ŵanthu ŵangu, nanga nkhulembeka mu buku la nyumba yaku Yisraele cha, pamwenga nanga nkhusere mu charu cha Yisraele naku so cha; ndipo mukaziŵanga kuti ine ndine Ambuya.

Hoseya 4:5

Mukaguŵanga ndi msana, ndi mchimi nayo waguŵenge pamoza namwe ndi usiku; ndipo nkhananganga anyoko.