Mika 3:2 - Tonga Bible 1986

² Imwe mutinkha umampha ndi kwanja uheni, mwaŵenimwe muparuwa khungu la ŵanthu ŵangu, ndi kucheka nyama kutuwa ku viwanga vyawo;

Mika 3:2 Referans Kwoze

Ezekiele 22:27

Mafumu ghawo mukati mwake ghayana ndi mphumphi zakuparuwa nyama, kudiska ndopa, kuparghang'a ma umoyo chifukwa chakupenja chanduwu chakupusika.

Nthanthi 28:4

Ŵeniwo ŵasiya dangu ŵarumba ŵamphulupulu, kweni ŵeniwo ŵasunga dangu ŵalimbana nawo.

Sumu 53:4

Kumbi ŵareka kuziŵa ŵakuchita utimbanizi, wo ŵaturgha ŵanthu ŵangu uli ndimo ŵarghiya chiŵande, ndipo kuti ŵadana Chiuta cha?

ŴaRoma 12:9

Chanju chinu chiŵe chamburafuvyu. Muŵe ŵakutinkha uheni, ndi ŵakumeremete ku umampha.

Yesaya 3:15

Mung'anamu wanji pakuphanga, ŵanthu ŵangu, pa kupera chisku cha ŵasauchi?” atiti Ambuya Chiuta wa maŵanja. Ŵanthukazi ŵaku Zioni

2 Mikoka 19:2

Kweni Yehu mwana waku Hanani muwona wanguruta kwachikumana nayo, wanguti kwaku Yehosafati, “Kumbi ukwenere kovya ŵaheni ndi kwanja wo ŵatinkha Chiuta? Pa chifukwa ichi kandundu kaku Chiuta ke paku iwe.

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

2 Timote 3:3

ŵambura matunizgika, ŵapharamulu, ŵambura kujitintha, ŵakari, ŵazira kwanja umampha,

ŴaRoma 1:32

ŵeniwo, pakuziŵa cheruzgu chaku Chiuta, chakuti ŵakuchita vyaviyo mbakwenere nyifwa, kuti ŵavichita pe cha, kweni ŵazomerezgana so ndi ŵeniwo mbakuvichita.

Yohane 18:40

Viyo wangukambura so, wakuti, “Mwenuyu cha, kweni Baraba ndiyo.” Kweni Baraba yo wenga munkhungu.

Yohane 7:7

Kuti charu chingatinkha imwe cha; kweni chitinkha ine, pakuti ine ndisimikizgiya paku cho, kuti ziheni nchitu zake.

Luka 19:14

Kweni ŵamumuzi wake ŵamtinkhanga ndipo ŵangutuma nthumi muvuli mwake, ŵakunena, ‘Kuti tikhumba uyu kuwusiya paku ifwe cha.’

Zefaniya 3:3

Nduna zake mukati mwake ze nge ndi nkharamu yakukoroma; ŵeruzgi ŵake ndi mphumphi za mazulo zo kuti zisiya kanthu cha mpaka ndi mlenji.

Ezekiele 34:3

Muturgha mafuta, mutijivwarika vyakuwolofoka, mubaya vyakututuŵa kweni kuti muliska mberere cha.

Sumu 15:4

mweniyo ngwakuyeyeka mu maso ghake ndingwakuyuyulika, kweni watumbika wo ŵatopa Ambuya; wakujirapiya ku kusuzgika kweni kuti wasintha cha;

Yesaya 57:12

Ndikokhomenge gha urunji winu ndivyenivyo muchita, kweni kuti vimovyeninge cha.

Ezekiele 11:7

Chifukwa cho Ambuya Chiuta, atiti; Ŵakubayika ŵinu wo mwagoneka Mukati mwake, ndiwo nyama, msumba uwu nchiŵiya; kweni imwe mukatuzgikanga mukati mwake.

Ezekiele 24:4

ŵikamo mathuŵi gha nyama, mathuŵi ghose ghamampha, chigha ndi mkono; uzazemo viwanga vyakusankhika.

Mika 2:8

Kweni uyukiya ŵanthu ŵangunge ndi murwani; utumuzuwa munjilira wakuzika ndiso wo ŵajumpha ndi chigomezgu, kwambura maghanaghano gha nkhondo.

Mika 7:2

Ŵarunji ŵakumara pa charu, ndipo palivi murunji mukati muŵanthu; wose ŵalindizga ndopa; ndipo yose wasaka mbali wake ndi ukondi.

Mika 7:3

Manja ghawo ghe paku chonchiheni, kuchichita ndi phamphu; ŵakaronga ndiŵeruzgi ŵapenja vinda, ndi munthu wakuziŵa wakamba khumbu liheni la mu mtima wake; viyo ŵatiuchita pamoza.

Yesaya 5:20

Soka kwaku wo ŵadana uheni kuti mbumampha ndi umampha kuti mbuheni, wo ŵaŵikapo mdima pa ukweru ndi pa ukweru mdima, wo ŵaŵikapo kuŵaŵa pa kunowa, kunowa pa kuŵaŵa!

Amosi 4:1

“Vwani mazu yagha, imwe mwa ng'ombe zinthukazi za Bashani, zo zemu phiri la Samaria, zo zikandirizga ŵakavu, ndi kupweteka ŵaranda, zo sititi ku ŵarumi ŵawo, ‘Zani nacho, timwe!’

Amosi 5:15

Tinkhani uheni, ndi yanjani umampha, ndi mumike urunji mulikomo; pamwenga Ambuya, Chiuta wa maŵanja, wangaŵa ndi lisungu, ndi ŵakujako ŵaku Yosefe.