Mika 2:13 - Tonga Bible 1986

¹³ Yo wajura dangazi waruta panthazi pawo; wakatoronga ndi kuporota pa likomo, kutuliya kubwalo paku lo. Karonga wawo ndiyo wamudanjiya panthazi pawo, Ambuya akuŵalongozga.

Mika 2:13 Referans Kwoze

Yesaya 52:12

Pakuti, kuti mukarutanga ndi fulumira cha, ndipo kuti mukathaŵanga cha pakuruta, chifukwa Ambuya akakudanjiliyaninga, ndipo Chiuta waku Yisraele wakaŵanga wakumuvikiriyani kuvuli.

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Chivumbuzi 7:17

Chifukwa Mwana-mberere yo, mweniyo we mukatimu chitengu-chaufumu cho waŵaliskenge, ndipo waŵarongozgiyenge ku visima vya maji gha umoyo: ndipo Chiuta iyo waleskengeko sozi lose ku maso ghawo.”

ŴaHebere 6:20

mwenimo uli ndi mdanjizgi waserere pa chifwa chaku ifwe Yesu, yo waŵiya ku muyaya Mzukuru Mura mwa ndondomeku yaku Melkizedeke.

Zekariya 10:12

Ndipo ndiŵakhozgenge mu Ambuya ndipo ŵakakankhuskikanga mu zina lake,” atiti Ambuya.

Hoseya 1:11

ŴaYuda ndi ŵaYisraele ŵamuwunjikika pamoza, ndi kujisankhiya murongozgi yumoza; ndipo ŵamukwera kutuwa mu charu, chifukwa zuŵa laku Yezerele likaŵanga likuru.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Yesaya 55:4

Ehe, ndingumuchita kuŵa kaboni ku ŵanthu, murongozgi ndi wakulamula, wa ŵanthu.

Yesaya 42:7

kujura maso gha ŵachiburumutiya, kutuzga ŵamagoŵa mu chizenje, mu nyumba ya magoŵa wo ŵaja mu mdima.

Hoseya 13:14

Kumbi nkhaŵawombonga ku nthazi ya muunda? Kumbi nkhaŵawombonga ku nyifwa? Wa nyifwa we, urwirwi wako we pani? Wa muunda we, kuparghang'a kwako kwe pani? Lisingu labisika ku maso ghangu.

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Yesaya 51:12

“Ine, ndine ndisangaruska iwe; ndiwe yani iwe po utopa munthu mweniyo watufwa, mwana wa munthu yo wakulengeka uli mbuteka,

Mika 2:12

Nkhamuwunjikaninga mose, A! Yakobe, nkhawunjikanga ŵakujako ŵaYisraele; ndiŵaŵikenge pamoza nge ndi mberere mu khola, nge ndimberere mu uliska wake, mpingu wa ŵanthu ŵa chiwawa.

Mika 3:1

Ndipo ndinguti: Vwani, imwe mwaŵarongozgi waku Yakobe, ndi mafumu gha nyumba yaku Yisraele! Kumbi kuti nkhwaku imwe cha kuziŵa weruzgi?

Chituwa 14:19

Sono mungelo waku Chiuta yo wendanga paurongo pa liŵanja la ŵaYisraele wangundere ndi wanguja kuvuli kwawo; ndipo chiguŵa cha mtambo chingutuwako kuurongo kwawo ndi chinguma kuvuli kwawo.

Yoswa 3:6

Yoswa wanguti ku ŵazukuru, “Nyamuwani bokosi la phanganu ndipo jumphani paurongo pa ŵanthu.” Ŵangunyamuwa bokosi la phanganu lo.

Hoseya 2:2

“Mususkani ndi nyinamwe, suskani chifukwa ndi muwoli wangu cha, nane kuti ndi murumi wake cha. Kuti watuzgepo ureŵi pa maso pake, ndi ureŵi pakati pa maŵe ghake.

Mika 4:7

ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.