Mika 1:2 - Tonga Bible 1986

² Vwani imwe mwa ŵanthu mose; tegherezga wa charu ndi vyose vyo vye mwenimo; rekani Ambuya Chiuta waŵenge kaboni wakususka imwe, Ambuya mu kasopi wawo wakupaturika.

Mika 1:2 Referans Kwoze

Yesaya 1:2

Vwani, mwa machanya mwe, tegherezga gutu, wa charu chapasi; pakuti Ambuya akamba: “Ŵana wo ndahiŵa ndi kuŵakuzga, kweni ŵandigarukiya.

Sumu 11:4

Ambuya ŵemu nyumba yawo yakupaturika, chitengu cha Ambuya che mu machanya; maso ghawo ghalereska, vikope vyawo vitesa ŵana ŵa ŵanthu.

Chivumbuzi 3:22

Mweniyo we ndi gutu, wavwenge cho Mzimu ukamba ku mipingu.’ ”

Chivumbuzi 3:13

Mweniyo we ndi gutu, wavwenge cho Mzimu ukamba ku mipingu.’

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Habakuku 2:20

Kweni Ambuya ŵemu kasopi wawo wakupaturika; charu chose chije chisisi paurongo pawo.

Yona 2:7

Penipo mzimu wangu ungufundamiya mukati mwangu, ndingukumbuka Ambuya; ndipo rombo langu lingufika kwaku imwe, ku kasopi winu wakupaturika.

Yeremiya 22:29

Owe wa charu, charu, charu, ivwa mazu gha Ambuya.

Sumu 50:7

“Avwani, mwa ŵanthu ŵangu, ndipo ndikambenge, wa Yisraele, ndipanikizgiyenge paku iwe. Ine ndine Chiuta, Chiuta wako.

Chivumbuzi 3:6

Mweniyo we ndi gutu, wavwenge cho Mzimu ukamba ku mipingu.’

Chivumbuzi 2:29

Mweniyo we ndi gutu, wavwenge cho Mzimu ukamba ku mipingu.’

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’

Chivumbuzi 2:11

Mweniyo we ndi gutu, wavwenge cho Mzimu ukamba ku mipingu. Yo wapunda kuti wakapwetekekanga kose cha ndi nyifwa yo yachiŵi.’

Malaki 2:14

Mufumba kuti, “Warekiyanji?” Chifukwa Ambuya ŵenga ŵakaboni ŵa phanganu pakati pako ndi muwoli wa uhurwa wako, kwaku mweniyo kuti waŵa wamagomekezgeka cha, chingana ndi bwezi lako lakusungana nalo, ndiso muwoli wako wa phanganu.

Yeremiya 29:23

Chifukwa ŵachita chakupusa mu Yisraele, ŵachita ureŵi ndi ŵawoli ŵa ŵanasi ŵawo, ndipo ŵarongoro mu zina langu mazu gha utesi gho ndengavi kuŵalanguliya. Ine ndine ndiziŵa, ndipo nde kaboni, atiti Ambuya.’ ”

Yeremiya 6:19

Yivwa, wa charu chapasi we; ndikazanga ndi chiheni pa ŵanthu yaŵa, chipasi cha vipangu vyawo! Chifukwa walivi kuphwere mazu ghangu: ndipo nge ndi dangu langu ŵalikana.

Sumu 50:12

“Asani ndenga ndi nja, kuti ndatinge ndikuneniyengecha; chifukwa charu ndi uzari wake vyose vyangu.

Sumu 50:1

Wanthazi zose, Chiuta Ambuya, warongoro wadana charu chapasi kutuwa ku utuli wa lumwi mpaka ku kuselere kwake.

Sumu 28:2

Vwani mazu gha kuŵeyere kwangu, ndichikutiya chovyo kwaku imwe, po ndisoske manja ghangu kulazga ku malo ghinu, ghakupaturika kwakuruska.

Sumu 24:1

Nchaku Chiuta charu chapasi ndi uzari wake, charu ndi wo ŵajamo;

Marangu 32:1

“Tegherezgani gutu, mwa machanya mwe, ndipo ndikakambanga; charu chapasi chivwe mazu ghamu mlomo wangu.

Ŵeruzgi 11:10

Ŵaraŵara ŵamu Gileada ŵanguti kwaku Jefta, “Ambuya akaŵanga kaboni pakati pidu; tikachitanga nge ndimo ukambiya.”

1 ŴaKaronga 22:28

Ndipo Mikaya wanguti, “Asani wamuwe mu chimangu, iku Ambuya kuti angukambiya mwangu cha.” Ndipo iyo wanguti, “Avwani, mwa ŵanthu!”

2 Mikoka 18:27

Ndipo Mikaya wanguti, “Asani nadi uwenge mu chimangu ipu Chiuta walivi kukamba ndi ine.” Iyo wanguti, “Avwani, mwa ŵanthu mose!”

Yesaya 18:3

Imwe mose mwa ŵakuja mu charu chapasi, imwe ŵakuja pa charu, asani mbendera yakwezgeka pa mapiri, lereskani! Asani mbata yambika, vwani!

Yesaya 50:7

Pakuti Ambuya Chiuta atindovya; chifukwa chenichi kuti ndatimbanizgika cha; chifukwa cho ndamika chisku changu uli ndi mwa, ndipo ndiziŵa kuti, kuti ndikalengeskekanga cha;

Yeremiya 42:5

Sono iwo ŵanguti kwaku Yeremiya, “Ambuya aŵe kaboni mumeneska ndi wamagomekezgeka paku ifwe asani tirekenge kuchita kwakuyana ndi mazu ghose gho Ambuya Chiuta wako watukutuma kwaku ifwe.

Nthanthi 8:4

“Ndidana kwaku imwe mwaŵanthurumi mwe ndipo kuliya kwangu nkhwaku ŵana ŵanthurumi ŵa ŵanthu.

Yona 2:8

Wo ŵaphwere vyangoza vya utesi, ŵataya kujithereska kwawo kwakuneneska.