Maŵerengedu 7:10 - Tonga Bible 1986

¹⁰ Ndipo ŵarongozgi ŵangupereka mipasku yakupatuliya jochero la sembe pa zuŵa lo lingupakikiya; ŵangupereka mpasku wawo paurongo pa jochero la sembe.

Maŵerengedu 7:10 Referans Kwoze

2 Mikoka 7:9

Ndipo pazuŵa la chinkhonde ndi chitatu ŵanguchita ungano wakujariya; chifukwa ŵanguŵa ndi ungano wakupaturiya jochero kwa mazuŵa ghankhonde ndi ghaŵi, ndi mazuŵa ghankhonde ndi ghaŵi gha dghera.

Nehemiya 12:27

Pa nyengo yakupaturiya linga la Yerusalemu ŵangupenja ŵaLevi mu malo ghawo ghose, kuŵatole ku Yerusalemu kuzachichita kapaturidu ka linea ndi likondwa ndi viwongu ndi kumba, ndi malipenga gha mkuŵa, ŵazeze ndi ŵakaligu.

2 Mikoka 7:5

Karonga Solomoni wangupereka sembe za ng'ombe vikwi machumi ghaŵi ndi viŵi (22,000) ndi mberere vikwi machumi pe chumi ndi machumi ghaŵi (120,000). Viyo ndimo karonga ndi ŵanthu wose ŵangupaturiya nyumba yaku Chiuta.

1 ŴaKaronga 8:63

Solomoni wangupereka nge ndi sembe ya chimangu ku Ambuya ng'ombe vikwi machumi ghaŵi ndi ŵivi (22,000) ndi mberere vikwi machumi pe chumi ndi machumi ghaŵi (120,000). Viyo karonga ndi khamu lose la Yisraele ŵangupatuwa nyumba ya Ambuya.

Marangu 20:5

Sono ŵarongozgi ŵakakambanga ku ŵanthu kuti, ‘Munthu njani yo wakuzenga nyumba yifwa ndipo walivi kuyipatuwa? Wa viyo wawere ku nyumba yake, vinu wangafwa mu nkhondo ndipo munyake ndiyo wayipatuwenge.

Sumu 30:1

Nditumphuskenge imwe, Ambuya chifukwa mwandisoske pachanya, ndipo mwachetamiska ŵamawongo ŵangu kukondwere paku ine.

Nehemiya 12:43

Ndipo ŵangupereka sembe zikuru zuŵa leniliya ndi ŵangukondwere, pakuti Chiuta wanguŵakondweska ndi likondwa likuru; ŵanthukazi ndi ŵana nawo ŵangukondwere. Ndipo likondwa la Yerusalemu linguvwika kutari ukongwa.

Maŵerengedu 7:1

Ndipo kunguŵa pa zuŵa lo Mosese wangumaliya kumika chihema chakuwunganamo, ndi kuchitoweska ndi kuchipatuwa pamoza ndi vyakutataliyamo vyake, ndipo so wati watoweska ndi kupatuwa jochero la sembe ndi viyaŵi vyake vyose,

Maŵerengedu 7:11

Ndipo Ambuya anguti kwaku Mosese, “Wakaperekanga mipasku yawo, murongozgi we yose pa zuŵa laku Yija pa kupatuliya guŵa la sembe.”

Maŵerengedu 7:84

Murongozgi wa ŵaYisraele wangupereka ivi pakupatuwa jochero la sembe, pa zuŵa lo lingupaskika; viŵiya vya siliva chumi ndi viŵi, mbali za siliva chumi ndiziŵi, mbali za golide chumi ndi ziŵi,

Maŵerengedu 7:88

ndipo ng'ombe zose za sembe ya mipasku ya chimangu zenga machumi ghaŵi pachanya zinayi (24), ŵabira machumi ghankhonde ndi limoza (60), ŵaphongo machumi ghankhonde ndi limoza (60), tumberere twa chirimika chimoza machumi ghankhonde ndi limoza (60). Ivi vyenga sembe ya kupatuliya jochero la sembe, po ŵangulipaka.