Maŵerengedu 3:7 - Tonga Bible 1986

⁷ Wachitenge mwalangulu lake ndi kuteŵete mpingu wose paurongo pa hema lakuwunganamo, mo ŵateŵete mu chihema chakupaturika;

Maŵerengedu 3:7 Referans Kwoze

Maŵerengedu 1:50

kweni utondonge, ŵaLevi kuŵa ŵakusunga chihema chachisimikizgu, ndi viyaŵi vyake vyose, ndi vyose vyakuŵamo, ndiwo ŵakapinganga chihema cho ndi vyakutataliya vyake vyose, ndiwo ŵakachiphwerenga, ndipo ŵakamikanga mahema ghawo kuchizingirizga cho.

Maŵerengedu 8:15

Ndipo pavuli paku cho ŵaLevi ŵakaserenga kwachiteŵete mu hema lakuwunganamo, pavuli pakutozgeka ndi kuperekeka kwawo ndi iwe nge ndi mpasku wakuzungung'a.

Maŵerengedu 8:11

ndipo Aroni wakaperekanga ŵaLevi paurongo pa Ambuya nge ndi mpasku wakuzungung'a wakuperekeka ndi ŵaYisraele, alinga kuti kuŵi kwaku iwo kuteŵete Ambuya.

1 Mikoka 26:26

Uyo Shelmoti ndi ŵabali ŵake ŵenga ŵakusunga vyuma vyakupaturika vyose vyo karonga Davidi ndi ŵara ŵanyumba za auskeu ndi ŵarongozgi ŵa vikwi, ndi machumi pe chumi, ndi ŵakulamula ŵa nkhondo ŵanguvipatuwa.

1 Mikoka 26:22

Ŵana ŵaku Yehieli, Zetamu, ndi Yoeli mbali wake ŵenga ŵasungi ŵa vyuma vyamu nyumba ya Ambuya.

1 Mikoka 26:20

Mu ŵaLevi, Ahija wanguŵa wakusunga vyuma vya nyumba yaku Chiuta, ndi vyuma vyawanangwa vyakupaturika.

Maŵerengedu 31:30

Ndipo ku nusu ya ŵaYisraele, mukatongako chimoza cha vigaŵa machumi ghankhonde pa ŵanthu, pa ng'ombe, pa mbunda, ndi pa miskambu ndi vyakuŵeta vyose, mupaske ku ŵaLevi wo mbamazaza pa chihema chakuwunganamo cha Ambuya.”

Maŵerengedu 3:32

Ndipo Eleazara mwana waku Aroni mzukuru ndiyo wakaŵanga mura kutufuliya ŵarongozgi ŵa ŵina Levi, kuŵalereska wo ŵatakataka milimu yamu malo ghakupaturika.

ŴaLevi 8:35

Mukajanga msana ndi usiku pa khomo la hema lakuwunganamo mazuŵa ghankhonde ndi ghaŵi kufiska vyo Ambuya alangula, vinu mungafwa; pakuti viyo ndimo ndalangulikiya.”

Maŵerengedu 3:8

ndipo ŵakasunganga viyaŵi vyose vya hema lakuwunganamo, ndi vyakulangulikiya ŵaYisraele pakutataliya chihema chakupaturika.

Maŵerengedu 1:53

kweni ŵaLevi ŵakagoŵanga kwakuzunguliya chihema chachisimikizgu mwakuti paulevi kusikiyakandundu pa mpingu wa ŵaYisraele; ndipo ŵaLevi ŵakatufuliyanga chihema chachisimikizgu.”