Maŵerengedu 3:10 - Tonga Bible 1986

¹⁰ Mika, Aroni ndi ŵana ŵake, kuti ŵasungenge uteŵeti wawo wa uzukuru, kweni asani munthu wamwenga wandere kufupi, wakabayikanga.”

Maŵerengedu 3:10 Referans Kwoze

Maŵerengedu 1:51

Asani ŵarutenge nacho chihema, wo ŵakachijinthuwanga mbaLevi; ndipo asani chikamikikanga chihema cho, wo ŵakachimikanga mbaLevi. Ndipo asani waŵengepo munyake wakundere kufupi, wakabayikanga.

Maŵerengedu 3:38

Ndipo wo ŵakagoŵanga ku maso kwa chihema kuchiri ku vuma pa maso pa hema lakuwunganamo kumatuli gha dazi, ndi Mosese ndi Aroni ndi ŵana ŵake, kutufuliya chisopa mu malo ghakupaturika chose chakukhumbikwa kwachichitikiya mu ŵaYisraele; ndipo munthu yose wanderenge kufupi wabayike.

ŴaRoma 12:7

pamwenga uteŵeti, titakatakiye mu uteŵeti widu, pamwenga wakusambizga, mu usambizgi wake;

Maŵerengedu 18:7

Kweni iwe pamoza ndi ŵana ŵako mukalereskanga ku mlimu winu wa uzukuru pa vinthu vyose vya jochero ndi vya mukati mwa saru yakuchinga, ndi vyo mukateŵetanga. Ndakupaskani nchitu yinu ya uzukuru nge nchawanangwa, ndipo we yose yo wanderenge kufupi wakabayikanga.”

ŴaHebere 8:4

Ndipo asani wenga panupasi, mphanyi kuti wanguŵa mzukuru kose cha, po ŵalipo ŵakupereka mipasku mwa dangu.

ŴaEfeso 2:19

Viyo na kuti mweche ŵalendo so cha ndi ŵakutandara, kweni mwe ŵaufumu, ŵanase ŵa ŵakupaturika wo,

Ezekiele 44:8

Vinthu vyangu vyakupaturika kuti mwavisunga umampha cha; kweni imwe mwamika ŵalendo kuŵa ŵakusunga malo ghangu ghatuŵa.

Maŵerengedu 18:3

Wakalerezenga paku iwe ndi pa milimu yose ya hema; kweni ŵareke kuza kufupi ku viwaŵi vyamu malo ghakupaturika pamwenga ku jochero, vinu iwo, ndi iwe, mungafwa.

Maŵerengedu 16:40

zenga chikumbuska ku ŵaYisraele; kuti paulevi munthu mweniyo kuti ndi mzukuru cha, yo kuti ngwa mphapu yaku Aroni cha, wanderenge kufupi kwazisunkhizga paurongo pa Ambuya, vinu wangaŵa ulaka ndi Kora ndi mpingu wake. Ivi Ambuya angumunene Eliazara mwaku Mosese.

Maŵerengedu 16:35

Ndipo moto wakutuwa ku Ambuya, unguŵamara ŵanthu machumi pe chumi ghaŵi pachanya machumi ghankhonde (250) wo ŵangupereka vyakusunkhizga.

Chituwa 29:9

ndipo uzukuru ukaŵanga wawo mwadangu lambura kumara lakulembeka. Viyo ndimo mukaŵamikiyanga Aroni ndi ŵana ŵake ŵanthurumi.

1 Mikoka 6:32

Ŵanguteŵeta ndi kumba paurongo pa chihema chakuwunganamo, mpaka po Solomoni wanguzenga nyumba ya Ambuya mu Yerusalemu; ndipo ŵanguchita nchitu yawo kwakuyana ndimo muluriku unguŵiya.

2 Samuele 6:7

Ndipo Ambuya angukalipa ndi Uza; Chiuta wangumukoso penipa chifukwa wangusoske janja lake pa Bokosi la Ambuya; ndipo wangufwiya musina mu Bokosi laku Chiuta.

1 Samuele 6:19

Kweni ŵana ŵaku Yekoniya kuti ŵangukondwere pamoza ndi ŵanyawo ŵamu Beteshemeshe cha pakuza kwa bokosi la Ambuya, ndipo angukoso ŵanthu machumi ghankhonde ndi ghaŵi (70). Ŵanthu ŵangutenje chifukwa Ambuya angukoso ŵanthu ŵanandi mukati mwawo,

ŴaLevi 22:10

“Munthu ŵaka wangarghangapo cha chinthu chakupaturika. Mlendo wakutandara wa mzukuru pamwenga wanchitu wa mphoto wangarghangapo cha chinthu chakupaturika;

Maŵerengedu 3:11

Ambuya angunena ndi Mosese,

Maŵerengedu 16:10

Kuti akutoreni imwe kufupi kwawo, ndi ŵabali ŵinu wose ŵaLevi pamoza namwe: Kumbi mupenja so ndi uzukuru?

Ŵeruzgi 17:5

Mika wenga ndi kavuŵa; ndipo wanguchita chivwaru chapachifuŵa cha mzukuru ndi twangoza, ndipo so wangumika yumoza wa ŵana ŵake yo wanguŵa mzukuru wake.

Marangu 18:5

Pakuti Ambuya Chiuta winu wakumusankha Levi pakati pa mitundu yinu yose, kuma ndi kuteŵeta mu zina la Ambuya, iyo ndi ŵana ŵake ŵanthurumi muyaya.

1 ŴaKaronga 12:31

Ŵanguzenga so zinyumba mu malo ghakusopiyamo, wangutondo ŵazukuru mukati mu ŵanthu, wo kuti ŵenga ŵaLevi cha.

Nehemiya 6:11

Kweni ine ndinguti, “Kumbi munthu wakuŵa nge ndine wangwenere kuthaŵa? Ndipo munthu njani wakuŵa nge ndine wangaruta mu Kasopi ndipo wangaŵa wamoyo? Kuti ndamuseremo cha.”