Maŵerengedu 27:3 - Tonga Bible 1986

³ “Uskefwe wakufwiya mu bozwa; ndipo kuti ŵenga pamoza ndi wumba waku ŵa ŵanguwungana pamoza kumikana ndi Ambuya mu mpingu waku Kora cha, iyo wakufwiya uheni waku yija; ndipo ŵana ŵanthurumi ŵengavi.

Maŵerengedu 27:3 Referans Kwoze

Ezekiele 18:4

Awonani, mizimu yose njangu; mzimu wa wiske ndi mzimu wa mwana ngwangu: kweni mzimu wo ulakwa ukafwanga.

Maŵerengedu 14:35

Ine Ambuya, ndakamba; kwakuneneska ndikachitangadi ichi ku mpingu wose uheni uwu, ŵanthu ŵeniwo ŵawungana pamoza kumikana nane; mu bozwa ili ndimu ŵakamaliyanga, ndipo ndimu ŵakafwiyanga.”

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

ŴaRoma 5:21

alinga kuti, uli ndimo ulakwi wo unguwusiya ku nyifwa, viyo so wezi wo unguwusiya mu urunji ku umoyo wamuyaya mwaku Yesu Kristu Ambuyafwe.

ŴaRoma 5:12

Viyo, uli ndimo mwa munthu yumoza ulakwi unguserere mu charu, ndi nyifwa pa chifukwa cha ulakwi wo, ndi viyo nyifwa yambukiya pa ŵanthu wose, pakuti wose ŵangulakwa,

Yohane 8:24

Ndingukuneniyani kuti mufwenge mu vilakwa vinu: chifukwa asani mureka kuvwana kuti ine ndine iyo, mufwenge mu vilakwa vino.”

Yohane 8:21

Wanguŵanene so, “Ine ndiruta, ndipo mundilembenge, mufwenge mu ulakwi winu: kweniko ndita, kuti muziŵa kuzako imwe cha.”

Maŵerengedu 26:33

Kweni Zolofehada mwana waku Hefere wengavi ŵana ŵanthurumi, wenga ndi ŵanthukazi pe, mazina ghawo ghenga yagha! Mahala, Nowa, Hogola, Milka ndi Tirza.

Maŵerengedu 16:49

Sono wo ŵangufwa ndi nthenda wenga vikwi chumi ndi vinayi pachanya machumi pe chumi ghankhonde ndi ghaŵi, (14,700) yaŵa mba pade paku wo ŵangufwa chifukwa cha mrandu waku Kora.

Maŵerengedu 16:19

Penipo Kora wanguwungang'a wumba wose kumikana nawo pa khomo la hema lakuwunganamo. Sono unkhankhu wa Ambuya unguwoneke wumba wose.

Maŵerengedu 27:2

Ndipo wanguma pauronga paku Mosese, ndi Eleazara mzukuru ndi paurongo pa ŵara ndi wumba wose, pa khomo la hema lakuwunganamo, ŵanguti,

Maŵerengedu 27:4

Chifukwa nchine likatuzgikangamo zina la uskefwe mu mbumba yake, kumbi chifukwa nchakuti po wengavi mwana munthurumi? Tipaskeni chihara mukati mu ŵabali ŵa auskefwe.”