Maŵerengedu 24:1 - Tonga Bible 1986

¹ Ndipo penipo Balamu wanguwona kuti kungukondweska Chiuta kutumbika Yisraele, kuti wanguruta cha, nge mpha nyengo zinyake, kwachombeza, kweni wangulazga chisku chake ku bozwa.

Maŵerengedu 24:1 Referans Kwoze

Maŵerengedu 23:23

Pakuti kulivi nyanga yakumikana ndi Yakobe, kulivi kombeza kwakumikana ndi Yisraele; sono kukambikenge paku Yakobe ndi Yisraele, ‘Ehe cho Chiuta wachita!’

Maŵerengedu 23:3

Ndipo Balamu wanguti kwaku Balaki, “Wume pafupi ndi mpasku wako wakocha, ine ndikarutanga; vinu Ambuya akazanga kukumana nane; ndipo chose cho akandirongonga ndikukambiyenge.” Ndipo wanguruta pachanya pa muteteti.

Chivumbuzi 2:14

Kweni nde navyo vyawida kukususka iwe pakuti we nawo kweniko ŵanyake wo ŵakoreska chisambizgu cho chaku Balamu, yo wangusambizga Balaki kupong'a chiguŵisku paurongo pa ŵana ŵaku Yisraele, kurgha vinthu vyakubayikiya vyangoza, ndi kuchita ureŵi.

Maŵerengedu 31:16

Yaŵa ndiwo ŵangulakwiska ŵaYisraele, pa chifukwa chaku Balamu, kumuchitiya uheni Chiuta pa makani ghaku Peoro, chifukwa ichi rekani chideru chingusere mukati mu khamu la Ambuya.

Maŵerengedu 23:28

Viyo Balaki wangutole Balamu pachanya pa Peoro po palereskana ndi bozwa.

Maŵerengedu 23:20

Ehe, ndaronde langulu la kutumbika: iyo watumbika, ndipo ine kuti ndingasintha cha.

Maŵerengedu 23:15

Balamu wanguti kwaku Balaki, “Wume pano pafupi ndi sembe yako yakocha, po ine ndiruta kwachikumana ndi Ambuya kuwa.”

Maŵerengedu 22:13

Sono ndi mlenji Balamu wangusoka, ndipo wangurongoro ndi mathenga ghaku Balaki kuti, “Rutaninga kwinu; chifukwa Ambuya andikanizga kuti ndirutenge namwe.”

1 Samuele 26:25

Sono Sauli wangunena ndi Davidi, “Utumbikike mwana wangu Davidi! Ukachitanga vinthu vinandi ndipo mwaku vyose ukaruskanga.” Viyo Davidi wanguruta mu nthowa yake, Sauli wanguwere ku muzi wake.

1 Samuele 26:2

Sono Sauli wangusoka ndipo wangusikiya ku bozwa la Zifi pamoza nayo ŵanthu vikwi vitatu (3,000) ŵakusankhika ŵaku Yisraele kwachipenja Davidi mu bozwa laku Zifi.

1 Samuele 24:20

Ndipo sono, awona, ndipanikizga kuti ukaŵanga karonga ndikuti ufumu wa ŵaYisraele ukakuzgikangamu janja lako.

Maŵerengedu 22:7

Viyo ŵara ŵaMoabu ndi ŵaMidiani ŵanguruta pamoza ndi mphoto ya kwachiwombeze; ŵangufika kwaku Balamu, ŵangumukonkhome uthenga waku Balaki.

Maŵerengedu 23:30

Balaki wanguchita nge ndimo Balamu wangunene, wangupereka nkhuzi yimoza ndi bira yumoza pa jochero le lose.