Maŵerengedu 23:1 - Tonga Bible 1986

¹ Ndipo Balamu wanguti kwaku Balaki, “Mundizenge panu majochero ghankhonde ndi ghaŵi, ndipo mundipaske nkhuzi zinkhonde ndi ziŵi ndi ŵabira ŵankhonde ndi ŵaŵi.”

Maŵerengedu 23:1 Referans Kwoze

Maŵerengedu 23:29

Ndipo Balamu wangunena ndi Balaki, “Undizenge panu majochero ghankhonde ndi ghaŵi, ndipo undipaske nkhuzi zinkhonde ndi ziŵi ndi ŵabira ŵankhonde ndi ŵaŵi.”

Yuda 1:11

Owe wo nawo! Pakuti ŵangukiya mu nthowa yaku Kaine, ndipo ŵangutunthwiya ku urandizgi waku Balamu chifukwa cha mphotu, ndipo ŵayowe mu chigaruka uli nchaku Kora.

Mateyu 23:13

“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [

Ezekiele 45:23

Ndipo pa zuŵa la chinkhonde ndi chiŵi la dghera, wakaperekanga nkhuzi nkhonde ndi ziŵi zampupuka zambura kalema, ndi ŵabira ŵankhonde ndi ŵaŵi ŵambura kalema, zuŵa ndi zuŵa mu mazuŵa ghankhonde ndi ghaŵi, nge ndi mpasku wakocha ku Ambuya; ndi chiphongo chimoza zuŵa ndi zuŵa nge ndi mpasku wapa ulakwi.

Ezekiele 33:31

Ŵatuza kwaku iwe nge ndimo ŵanthu ŵaziya, ndipo ŵaja paurongo pako nge mbanthu wangu, ŵatuvwa vyo iwe ukamba, kweni kuti ŵakavichitanga cha; pakuti ndi milomo yawo ŵarongo chanju chikuru, kweni mitima yawo yikukho mu chanduwu chawo.

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Jobu 42:8

Sono muchifukwa ichi toni nkhuzi zinkhonde ndi ziŵi, ndi mberere zinthurumi nazo zinkhonde ndi ziŵi, ndi rutani ku mteŵeti wangu Jobu, ndipo kajiperekiyeni sembe yakocha yakumaŵeni, ndipo Jobu mteŵeti wangu wakakurombiyaninga. Nkharondiyanga rombo lake chifukwa kuti ndikhumba kuchita namwe kwakuyana ndi uheni winu cha, pakuti mulive kukamba chinthu chamampha cha paku ine nge ndimo mteŵeti wangu Jobu wachitiya.”

2 Mikoka 29:21

Wanguza ndi nkhuzi zinkhonde ndi ziŵi, ŵana ŵa mberere ŵankhonde ndi ŵaŵi, ndi mberere zinkhonde ndi ziŵi, ndi ŵaphongu ŵankhonde ndi ŵaŵi kuŵa sembe za pa uheni wa ufumu wose, ndi malo ghakupaturika, ndi Yuda. Ndipo wangulanguliya ŵazukuru, ŵana ŵaku Aroni kuvipereka pa jochero la Ambuya.

1 Mikoka 15:26

Ndipo pa chifukwa chakuti Ambuya angovwa ŵaLevi wo ŵapinganga bokosi la phanganu la Ambuya, ŵangupereka sembe za nkhuzi zinkhonde ndi ziŵi, ndi ŵana ŵa mberere ŵankhonde ndi ŵaŵi.

2 ŴaKaronga 18:22

Kweni asani unenenge kwaku ine, “Ifwe tiyegeme, pa Ambuya Chiuta widu,” asi ndi mweniyo malo ghake gha pachanya ndi majochero gha sembe Hezekiya wakutuzgamo ndi kukamba kwaku Yuda ndi Yerusalemu kuti, “Mukasopanga paurongo pa jochero ili mu Yerusalemu?”

1 Samuele 15:22

Samuele wanguti, “Kumbi Ambuya ŵendi likondwa likuru mu mipasku yakocha ndi zisembe, nge ndimo aliri nalo mu kuvwiya mazu ghawo? Ehe, kuvwiya nkhwamampha kuruska sembe, kutegherezga kuruska mafuta gha viphongo.

Maŵerengedu 29:32

“Pa zuŵa la chinkhonde ndi chiŵi, nkhuzi zinkhonde ndi ziŵi, ŵabira ŵaŵi, mberere chumi ndi zinayi za umoyo wa chirimika chimoza, zambura kalema,

Chituwa 20:24

Mukandizengiyanga ine jochero lakusopiyapo la dongo ndipo muperekenge paku lo mpasku winu wakocha ndi mpasku winu wa chimangu, mberere zinu ndi ng'ombe zinu; mu malo ghose mo ndikachitiskanga chikumbusku cha zina langu ndikazanga kwinu ndi kukutumbikani.

Maŵerengedu 22:41

Ndipo ndi mlenji Balaki wanguto Balamu wangukwere nayo ku Bamoto-Bala; penipo Balamu wanguwona ŵaYisraele umampha.

Maŵerengedu 23:2

Balaki wanguchita nge ndi mo Balamu wangumunene; Balaki ndi Balamu ŵangupereka pa jochero le lose nkhuni yimoza ndi bira yumoza.

Maŵerengedu 23:30

Balaki wanguchita nge ndimo Balamu wangunene, wangupereka nkhuzi yimoza ndi bira yumoza pa jochero le lose.