Maŵerengedu 2:2 - Tonga Bible 1986

² “ŴaYisraele ŵaŵikenge mahema ghawo we yose po pe ndembera yake, pamoza ndi viziŵisku vya nyumba za uskeu; wazengenge mahema kurereskana ndi hema lakuwunganamo zingirizge.”

Maŵerengedu 2:2 Referans Kwoze

1 ŴaKorinte 14:40

Kweni vinthu vyose vichitike kwaulemu ndi kwaurusu.

1 ŴaKorinte 14:33

Chifukwa Chiuta kuti ngwa chimtimbaheka cha, kweni ngwa chimangu. Uli ndi mu maeklesiya ghose gha wakupaturika,

Yoswa 3:4

mwakuti muziŵi nthowa yo mwendengemo, pakuti mu charu ichi mulivi kwendamo kali kweni pakaŵanga mukhanju pakati paku imwe ndi yilo, utali wa mukhanju wo ukaŵanga akhumba mikono vikwi viŵi (2,000) munganderenga kufupi kwaku lo cha.”

Maŵerengedu 10:25

Sono wa ugoŵi wa ŵina Dani ŵangusoka, ŵangwenda kuvuli kwa ma ugoŵi ghose, ndi ndembera yawo liŵanja ndi liŵanja, wakutufuliya chiliŵanja cho wenga Ahiezere mwana waku Amishadai.

Maŵerengedu 10:22

Ndipo ŵa ugoŵi wa ŵina Efraimu ŵangusoka ndi ndembera yawo liŵanja ndi liŵanja; wakutufuliya chilaŵanja wenga Elishama mwana waku Amihudu.

Maŵerengedu 1:50

kweni utondonge, ŵaLevi kuŵa ŵakusunga chihema chachisimikizgu, ndi viyaŵi vyake vyose, ndi vyose vyakuŵamo, ndiwo ŵakapinganga chihema cho ndi vyakutataliya vyake vyose, ndiwo ŵakachiphwerenga, ndipo ŵakamikanga mahema ghawo kuchizingirizga cho.

ŴaKolose 2:19

ŵambura kukoreska pa Mutu wo, pakuti kutuwa ku Mutu wo liŵavu ndi viŵaru vyose pakumangika pamoza vironde kovyeka kwawo, viyo pakurangizgika pamoza vikuwa kwakulingana ndi khumbo laku Chiuta.

ŴaFilipi 1:27

Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

Zekariya 9:16

Ndipo mu zuŵa lo, Ambuya Chiuta wawo waŵataskenge chifukwa ndi mskambu wa ŵanthu ŵake; nge ndi mya yakuzirwa ya mphumphu wakang'animanga mu charu chake.

Ezekiele 43:7

wakuti, “Mwana wa munthu, yagha ndigho malo gha chitengo changu ndi gha chitambaliro cha marundi ghangu, mwenimo nkhajanga mukati mu ŵaYisraele muyaya. Ndipo ŵaYisraele kuti ŵakafipiskanga so zina langu lituŵa cha, iwo, nanga ndi mafumu ghawo, chifukwa cha maubendezi ghawo, ndipo ndi viŵanda vya ŵakaronga ŵawo,

Yesaya 18:3

Imwe mose mwa ŵakuja mu charu chapasi, imwe ŵakuja pa charu, asani mbendera yakwezgeka pa mapiri, lereskani! Asani mbata yambika, vwani!

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Sumu 76:11

Paskani Ambuya Chiuta winu cho mungupangana nayo; mose mwa mitundu yapafupi, paskani vya wanangwa kwaku iyo, kwakumweniyo ngwakwenere kopeka;

Maŵerengedu 10:18

Ndipo ŵamu ugoŵi wa ŵina Rubene ŵangusoka ndi ndembera yawo liŵanja ndi liŵanja ndipo wakutufuliya chiliŵanja cho ndi Elizuru mwana waku Shedeuru.

Maŵerengedu 10:14

Ŵakudanga kusoka ulendo ŵenga ŵandembera ya ugoŵi ŵa ŵina Yuda mu maliŵanja ghawo ndipo wakutufuliya chiliŵanja chose wenga Nashoni mwana waku Aminadaba.

Maŵerengedu 2:10

“Kuchiri ku malaŵi ŵina Rubene ŵakamikanga ndembera ya ugoŵi wawo liŵanja, murongozgi wa ŵina Rubene ndi Elizuru mwana waku Shedeuru,

Maŵerengedu 2:3

Kuchiri ku vuma kumatuli gha dazi ndiko ŵamikenge mahema ŵandembera yaku Yuda mu maliŵanja ghawo, Ahishoni mwana waku Aminadaba warongozgenge ŵina Yuda,

Maŵerengedu 2:1

Ambuya angurongoro kwaku Mosese ndi Aroni,

Maŵerengedu 24:2

Balamu wanguyinuska maso ghake, wanguwona kuti Yisraele wagoŵa fuko ndi fuko pakulija. Ndipo mzimu waku Chiuta unguza paku iyo,

Sumu 74:4

Ŵakupindikana ŵinu ŵakoroma mukati, mu malo ghinu ghatuŵa; ŵamika visimikizgu vyawo pa visimikizgu.