Maŵerengedu 19:3 - Tonga Bible 1986

³ Muyipereke kwaku Eleazara mzukuru, ndipo yikatorekiyanga ku bwalo kwa ugoŵi yibayikiye pa maso pake;

Maŵerengedu 19:3 Referans Kwoze

ŴaLevi 4:12

nkhuzi yose wakapinganga kiyituzgiya kubwaro kwa ugoŵi, kuya nayo pa malo ghakutowa, penipo padirika choto, yikawochekanga pa moto wa nkhuni po wadira choto ndipo yochekenge penipo.

ŴaLevi 4:21

Wakatoliyanga kankhuzi kubwaro kwa ugoŵi ndi kukawocha uli ndimo wanguwoche nkhuzi yakudanga, ndi mpasku wapa ulakwi wa mpingu.

Maŵerengedu 15:36

Ndipo mpingu wose wungumutole kubwalo kwa ugoŵi, ŵangumudina ndi mya wangufwa, kwakulingana ndimo Ambuya angulanguliya Mosese.

Maŵerengedu 5:2

“Ŵalanguliye ŵaYisraele kuti ŵatuzgemo wamakhate yose mu ogiŵi, ndi yose wakuŵa ndi nthenda ya kusuluwa, ndi yose yo wakazuzgika pa kukwaska chakufwa;

Maŵerengedu 3:4

Kweni Nadabu ndi Abihu ŵangufwa paurongo pa Ambuya penipo ŵangupereka moto ŵambura kulangulika paurongo pa Ambuya mu bozwa la Sinai, ndipo iwo ŵengavi ŵana. Sono Eleazara ndi Itamara ŵanguchita milimu ya uzukuru mu mazaŵa ghaku Aroni uskeu.

ŴaLevi 24:14

“Mutuzgeni mu ugoŵi yo wangutemba; ndipo wose wo ŵangumuvwa ŵaŵike manja ghawo pa mutu wake, ndipo ŵanthu wose wa mpingu wo ŵamudine ndi mya.

ŴaLevi 16:27

Nkhuzi ya sembe yapa ulakwi ndi mbuzi ya sembe yapa ulakwi vyo ndopa zawo wangusere nazo kwachipepeske mu malo ghakupaturika, vikanyamulikiyanga kubwalo kwa ugoŵi, vikopa vyawo ndi nyama zawo ndi busu lawo vyochekekenge ndi moto.

ŴaLevi 4:11

Kweni chikopa cha nkhuzi ndi nyama yake yose pamoza ndi mutu wake, marundi ghake, matumbo ghake, ndi mavi ghake,

Maŵerengedu 19:9

Ndipo munthu yo ngwakuphotoka wakawunjikanga vyoto vya ng'ombe, ndipo wakavidiranga ku bwalo kwa ugoŵi pa malo ghakutowa; vikasungikiyanga wumba wa ŵaYisraele, viŵenge vya maji ghakuphotole kutuzgapo ulakwi.