Maŵerengedu 15:3 - Tonga Bible 1986

³ ndipo mupereka ng'ombe pamwenga mberere kuŵa mpasku wapa moto pamwenga mpasku wakocha pamwenga sembe ku Ambuya, kufiska rapu pamwenga nge ndi mpasku wa wanangwa, pamwenga sembe ya panyengu zakutemeka za madghera, kuŵachitiya Ambuya fungu lamampha,

Maŵerengedu 15:3 Referans Kwoze

Chituwa 29:18

Ndi mochenge bira pa chiguŵa cha sembe, ndi mpasku wakocha ku Ambuya; ndi fungu lakukondweska, mpasku wa moto ku Ambuya.

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

Maŵerengedu 28:27

Kweni perekani mpasku wakocha wa fungu lakukondweska ku Ambuya: nkhuzi ziŵi zimana zimana; bira yumoza, ŵana ŵa mberere ŵankhonde ndi ŵaŵi ŵa chirimika chimoza;

ŴaFilipi 4:18

Kweni nde navyo vyose, ndipo ndisakata; ndazara, ndati ndaronde kwaku Epafroditu vyakutuliya kwinu, fungu la chema, chisopu chamarondeka, chakumkondweska Chiuta.

ŴaLevi 27:2

“Ukambe ku ŵaYisraele kuti, Asani munthu warapa rapu kupaska ŵanthu ku Ambuya, iwe utenere kutema mtengo wake,

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.

Mateyu 3:17

Ndipo, wonani, liu linguvwika kutuwa kuchanya, lakuti, “Mweniyo ndi Mwana wangu, nkhwanjiwa, mwaku mweniyo ndikondwere.”

Marangu 12:17

Mungarghiyanga mu mizi yinu chachichumi cha trigu winu, chingana ncha vinyo winu, chingana ncha mafuta ghinu, chingana ncha ng'ombe zinu zakudanga kupapika, chingana ncha mberere zinu zakudanga kupapika chingana ndi mpasku winu wose wamarapu gho murapa, chingana ndi sembe zinu za kupereka.

Marangu 12:11

Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.

Marangu 12:6

kweniko ndiku mukarutanga, ndipo kweniko ndiku muzenge ndi sembe yinu yakocha ndi sembe yinu yakubaya, ndi chigaŵa chinu chachichumi, mpasku wakuthamikiya, ndi mpasku wakupereka ndi marapu ghinu, ndi mpasku wakupereka, ndi ng'ombe zakudanga kupapika, ndi ŵana ŵakudanga kupapika ŵa mberere zinu.

Maŵerengedu 29:8

kweni muperekenge mpasku wakocha ku Ambuya, fungu lamampha: kankhuzi kamoza, bira yumoza, ŵana ŵa mberere ŵankhonde ndi ŵaŵi ŵa chirimika chimoza, ŵaŵenge ŵambura kalema;

ŴaLevi 10:13

Mukawurghiyanga mu malo ghakupaturika chifukwa ndi phande lako ndi la ŵana ŵako, kutuliya ku mpasku wakuperekeka wapa moto ku Ambuya pakuti viyo ndimo ndingulangulikiya.

ŴaLevi 7:16

Kweni asani sembe yake njakurapiyapo pamwenga nja wanangwa yikarghikanga mu zuŵa lenilo wayipereke, ndipo yo yajako yikarghikanga ndi mlenji unyake,

Chituwa 29:41

Ndipo kamberere kanyake mukakapaskanga ndi mazulo, ndipo mukapaskiyenge pamoza ndi mpasku wa ufwa ndi kupepeska kwake, uli ndi mlenji, kuŵa fungu lakukondweska, mpasku wapa moto ku Ambuya.

Chituwa 29:25

Pavuli mukavirondanga mu manja ghawo, ndi kuvyocha pa guŵa la sembe kusazgiyapo pa mpasku wakocha, nge nchafungu lakukondweska paurongo pa Ambuya, ndi mpasku wa moto ku Ambuya.

2 ŴaKorinte 2:15

Pakuti te chema chaku Kristu kwaku Chiuta, mu ŵakutaskika ndi mu ŵakutayika;

2 ŴaKorinte 2:16

kwaku yaŵa fungu la nyifwa ku nyifwa; ku ŵanyake wo fungu la umoyo ku umoyo. Ndipo wakukwaniya vyenivyo njani?

Sumu 54:6

Ndi mpasku wa wanangwa ndiperekenge sembe kwaku imwe; ndiwongenge zina linu, Ambuya, chifukwa ndamampha.

Maŵerengedu 6:15

sokora ya viŵande vyambura mtupu, makeki gha ufwa wamampha wakusazgika ndi mafuta, ndi tuviŵande twakupepefuka twambura mtupu twakupakika mafuta, ndi mpasku wawo wa ufwa ndi wa vyakumwa.

Ezra 7:17

Ruŵi uguri ndi ndrama izi, ng'ombe, mberere, ndi ŵana ŵa mberere, pamoza ndi sembe zawo za vyakurgha ndi vyakumwa, ndipo ukazipereke pa chiguŵa cha nyumba yaku Chiuta yo yemu Yerusalemu.