Maŵerengedu 12:3 - Tonga Bible 1986

³ Mosese wenga wakuzika kwakuruska ŵanthu wose mu charu chapasi.

Maŵerengedu 12:3 Referans Kwoze

Mateyu 11:29

jitoleni pinu goŵa langu, ndi sambirani kwaku ine; pakuti ndine mpovu ndi wakujiyuyuwa mu mtima: ndipo musaniyenge chipumulu ku mizimu yinu.

Yakobe 3:13

Njani wazeru ndi wakuwamo mwakuimwe? Warongole ndi kajaridu kake kakutowa milimu yake mu upovu wa zeru.

2 ŴaKorinte 12:11

Ndaŵa mzereza; ndimwe mwandikakamizga; chifukwa ndingwenere ine kuchichizgika ndi imwe: chifukwa kuti ndapereŵeko kanthu cha ku ŵakutumika ŵara limu wo, chingana kuti nde kanthu cha.

2 ŴaKorinte 11:5

Chifukwa nditijipimiya wambura kupereŵeko kanthu ku wakutumika wapachanya limu.

Mateyu 5:5

“Mbakutumbikika ŵakuzika: pakuti iwo ŵaharenge panupasi.

1 Petro 3:4

kweni munthu yo wakubisama mu mtima, watenere kadghoŵedu kambura kuwo, ka mzimu upovu ndi wachisisi, wo pa maso ghaku Chiuta ngwakuzirwa ukongwa.

1 ŴaTesalonika 2:7

Kweni tinguŵa ŵapovu mukati mwinu, nge ndimo mlezi wapakati ya ŵana ŵapa mtima wake.

2 ŴaKorinte 10:1

Kweni mu ukhovu ndi mu umampha waku Kristu ndikuŵeyereni ine, nda Paulo, ndawakujiyuyuwa pa maso pinu, kweni pakuŵa kunyake nda wakujitunthwa paku imwe;

Mateyu 21:5

“Ŵaneniyeni ŵanthu ŵaku Zioni, Awonani, Karonga winu watukuziyani, mpovu, ndi wakugara pa mbunda, ndi pa kambunda, mwana wa mbunda.”

Sumu 149:4

Ambuya akondwere ndi ŵanthu ŵawo; atumbika ŵakujiyuyuwa ndi upundi.

Sumu 147:6

Akwezga akujiyuyuwa, kweni asiskiya pasi ŵaheni.

Maŵerengedu 12:4

Ndipo mwa mabuchibuchi Ambuya angurongoro kwaku Mosese, Aroni ndi Miriamu, anguti, “Imwe mwa ŵatatu, mutuwe, muze ku hema lakuwunganamo.” Ndipo wose ŵatatu ŵangutuliyako.