Maŵerengedu 12:2 - Tonga Bible 1986

² Ŵanguti, “Kumbi nadi Ambuya arongorore mwaku Mosese pe? Kuti arongorore so ndi mwaku ifwe cha?” Ambuya anguvwa ichi.

Maŵerengedu 12:2 Referans Kwoze

Maŵerengedu 16:3

ŵanguwungana pamoza kumikana ndi Mosese ndi Aroni, ŵangunena nawo, “Mwajikuzga kwakuruska! Kweni mpingu wose ngutuŵa, we yose waku iwo, ndipo Ambuya ŵe mukati mwawo; nchifukwa uli imwe mutijikwezga kwakuruska wumba wa Ambuya?”

ŴaFilipi 2:14

Chitani vinthu vyose kwambura madinginiku ndi masuskanu,

ŴaFilipi 2:3

Kuchita kanthu kose kwandeu cha, pamwenga kwathamu laŵaka cha, kweni kwakujiyuyuwa mu mtima; mose mupime ŵanyinu kuŵa ŵakuruska imwe.

Mika 6:4

Pakuti ndamutuzgani mu charu cha Egipiti, ndi kumuwomboni mu nyumba ya uŵanda; ndipo ndingukutumiyani panthazi pinu Mosese, Aroni ndi Miriamu ŵarongozge.

Yesaya 37:4

Panyake kokuli Ambuya Chiuta wako wakuvwa mazu gha muthenga yuwa, yo Ambuya ŵake, karonga wa Asiriya watuma kutoza Chiuta wamoyo, ndipo wakachenyanga mazu gho Ambuya Chiuta wako wavwa; chifukwa chenichi soska rombu lako chifukwa chaku ŵa ŵajako ŵakulekeka.’ ”

ŴaRoma 12:10

Mu chanju chaubali mwanjani.

2 ŴaKaronga 19:4

Kokuli Ambuya Chiuta wako wavwa ghose gha nduna ya ŵeruzgi, mweniyo mbuyake karonga wa Asiriya watuma kuzachitombozga Chiuta wamoyo, ndipo wakasuskanga vyo iwo Ambuya Chiuta wako wavwa; chifukwa cho soska rombu lako kurombe ŵakujapo wo ŵasiyaka.’ ”

Maŵerengedu 11:1

Ndipo Ambuya anguvwa po ŵanthu ŵadinginikanga gha soka lawo; ndipo pakuvwa, ukari wawo ungukole, moto wa Ambuya ungunyeka mu ugoŵi wawo, kupirizga wo ŵenga mu mphepete mwa ugoŵi.

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

2 Samuele 11:27

Kunguti kwamara kutenje, Davidi wangutuma ndipo ŵangumutore ku nyumba yake, wanguŵa muwoli wake, ndipo wangumupapiya mwana munthurumi; kweni chinthu cho Davidi wanguchita kuti chingukondweska Ambuya cha.

Maŵerengedu 11:29

Kweni Mosese wanguti kwaku iyo, “Kumbi wendi sanji chifukwa chaku ine? Khumbu ndakuti mphanyi ŵanthu ŵa Ambuya wose ŵenga ŵamchimi, ndi kuti Ambuya mphanyi anguŵapaska mzimu wawo.”

ŴaRoma 12:3

Chifukwa, ku wezi wakupaskika kwaku ine, ndimunene munthu yose wamwaku imwe, wareke kujipima kwakuruska po watenere kupimiya; kweni kupima kwakuziza, nge ndimo Chiuta wagaŵiya yose, yumoza ndi yumoza, chigaŵa cha chivwanu.

Nthanthi 13:10

Ndi mutafu wambura kuphwere wachita ndeu, kweni ŵeniwo wazomera kuŵapanga fundu ndi zeru.

Chituwa 7:10

Viyo Mosese ndi Aroni wanguruta kwaku Farao ndi ŵanguchita uli ndimo Ambuya angulanguliya; Aroni wangupong'a pasi ndodo paurongo paku Farao ndi ŵaŵanda ŵake, ndipo yingusanduka njoka.

Chituwa 5:1

Pavuli Mosese ndi Aroni ŵanguruta kwaku Farao, ndi ŵanguti, “Atiti viyo Ambuya, Chiuta waku Yisraele, ‘Zomerezga ŵanthu ŵangu kuti ŵarute alinga ŵandichitiye dghera mu bozwa.’ ”

Chiyambo 29:33

Wanguzuwuka so ndi wangupapa mwana munthurumi ndi wanguti, “Chifukwa Ambuya avwa kuti nditinkhika, andipaska uyu mwana munthurumi so”; ndipo wangudana zina lake Simeoni.

Chituwa 4:30

Ndipo Aroni wangukamba mazu ghose Ambuya angukambiya Mosese, ndi wanguchita visimikizgu pa maso pa ŵanthu.

Maŵerengedu 12:3

Mosese wenga wakuzika kwakuruska ŵanthu wose mu charu chapasi.

Chituwa 4:14

Sono Ambuya angumukalipiya Mosese ndi anguti, “Kumbi waliko cha Aroni mwana munyako, muLevi? Ndiziŵa kuti wangakamba umampha; ndipo awona watuza kuzachikumana nawe, ndipo wachikuwona wakakondwanga mu mtima.