Maŵerengedu 10:10 - Tonga Bible 1986

¹⁰ Ndipo so mu zuŵa linu lalikondwa, ndi pa madghera ghakutemeka, ndi pa kwamba kwa myezi yinu, mukambanga zimbata pa mipasku yinu yakocha ndi pa sembe zinu za mipasku ya chimangu; vikuŵiyeni chikumbusku paurongo pa Ambuya: Ine ndine Ambuya Chiuta winu.”

Maŵerengedu 10:10 Referans Kwoze

Sumu 81:3

Mbani mbata pa nyengo ya dghera; pa zuŵa la mwezi ufya, ndi pa baraŵara.

1 ŴaTesalonika 4:16

Pakuti Ambuya ŵeneko ŵakasikanga kutuwa kuchanya ndi mdanu, ndi mazu gha mungelo-mura, ndi ndi mbata yaku Chiuta; ndipo ŵakufwiya mwaku Kristu ŵakayukanga danga:

Nehemiya 12:35

ndi ŵanyake ŵa ŵana ŵanthurumi ŵa ŵazukuru ndi malipenga: Zekariya mwana waku Jonafani, mwana waku Shemaya, mwana waku Matania, mwana waku Mikaya, mwana waku Zakuru, mwana waku Asafi;

Ezra 3:10

Ndipo ŵazengi ŵanguti ŵazenga chiŵanja cha kasopi wa Ambuya, ŵazukuru ŵanguvwara maraya ghawo ŵanguza ndi zimbata, ndi ŵaLevi ŵana ŵaku Asafi, ŵanguza ndi vijewere vyawo kutumbika Chiuta. Ŵangumba kwakulingana ndi lusu lakumikika ndi Davidi karonga waku Yisraele;

2 Mikoka 29:28

Wumba wose ungusopa, ndi ŵakumba ŵangumba; malipenga ghanguvwika; ivi vyose vingulutiriya mpaka penipo sembe yakocha yinguchitika.

2 Mikoka 29:26

ŴaLevi ŵanguma ndi vyakumbiya vyaku Davidi, ndipo ŵazukuru ŵanguma ndi malipenga.

Maŵerengedu 10:9

Ndipo asani muruta ku nkhondo mu charu chinu kwachirwa ndi wakupindikana winu yo watimusuzgani, po ndipo mukambanga mumemezu ndi zimbata alinga kuti mukumbukike ndi Ambuya Chiuta winu, ndi kutaskika ku ŵarwani ŵinu.

Machitidu gha Ŵakutumika 10:4

Ndipo iyo, pakumlereska dodoli, ndi pakuŵa wachitenthe, wanguti, “Nchine, Ambuya?” Ndipo wangumunene, “Maniniziku ghako ndi vyalisungu vyako vyakwera uli nchikumbusku paurongo paku Chiuta.

Mateyu 11:28

Zani kwaku ine, mose mwaŵakudinirwa ndi mwaŵakuzitiskika, ndipo ine ndikupumuzganinge;

Sumu 89:15

Ŵakukondwa mbanthu wo ŵasopa imwe ndi zisumu, wo ŵatenda mu ukweru wa chisku chinu,

2 Mikoka 7:6

Ŵazukuru ŵanguma pa malo ghawo; ŵaLevi nawo so viyo ndi vyakumbiya sumu ku Ambuya vyo karonga Davidi wanguchita vyakutumbikiya Ambuya, chifukwa nchamuyaya chifundu chawo, mo Davidi watumbikiyanga Ambuya wachitakataka; ndipo ŵazukuru ŵambanga mbata panthazi pawo, ŵaYisraele wose ŵanguma.

1 Mikoka 16:42

Hemani ndi Yedutuni ŵenga ndi malipenga ndi vidingindi vyakumbiya sumu ndi visulo vinyake vyakumbiya sumu zakupaturika, Ŵana ŵaku Yedutuni ŵangusankhikiya kuŵa ŵalinda ŵa likomo.

1 Mikoka 15:28

Viyo ŵaYisraele wose ŵanguto bokosi la phanganu la Ambuya ndi kukambura ndi kumba kwa mbata ndi malipenga, ndi vimbumbuli ndi ŵangumba ukongwa ndi ŵazeze ndi ŵabangwe.

1 Mikoka 15:24

Shebaniya, Yoshafati, Netanele, Amasai, Zekariya, Benai, ndi Eliezere, ŵazukuru ŵatenere kumba mbata paurongo pa bokosi laku Chiuta. Obededomu, ndi Yehiya nawo so ŵenga ŵalinda likomo ku bokosi.

Yoswa 4:7

Sono mukaŵaneniyanga kuti maji gha Yordane ghangudumulika paurongo pa bokosi la phanganu la Ambuya; po lambukanga pa Yordane, maji ghangugaŵikana. Rekani mya iyi yikaŵanga chikumbusku cha muyaya ku ŵaYisraele.”

Maŵerengedu 29:1

“Pa zuŵa lakudanga la mwezi wa chinkhonde ndi chiŵi mukaŵanga ndi unganu wakupaturika; mureke kuchita nchitu ya mazuŵa ghose. Ndi zuŵa lakumbiya zimbata,

ŴaLevi 23:24

“Kamba ku ŵaYisraele kuti, mu mwezi wa chinkhonde ndi chiŵi pa zuŵa lakudanga la mwezi mukasunganga zuŵa la chipumulu chakupaturika; chikumbusku chakumemezeka ndi chizozo cha zimbata kuwungana ndi kusopa.

Chituwa 28:29

Viyo Aroni wakapinganga mazina gha ŵana ŵanthurumi ŵaku Yisraele mu chapachifuŵa cha cheruzgu pa mtima wake, wachisere mu malo ghakupaturika, kuza nagho ku chikumbusku chakukiyakiya paurongo pa Ambuya.

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

1 ŴaTesalonika 4:18

Viyonthu sangaruskanani ndi mazu yegha.

1 ŴaKorinte 15:52

mu ka nyengo kamanavi mu kukupiya kwa jiso, pa mbata yakumariya. Chifukwa mbata yamkumba, ndipo ŵakufwa ŵamyuskika ŵambura-chivuzi, ndipo ifwe tamsanduskika.

Yesaya 27:13

Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.

Sumu 150:3

Murumbeni ndi chizozu cha mbata! Murumbeni ndi bangwe ndi kaligu!

Chituwa 30:16

Ndipo mukarondanga ndrama za mphepeska ku ŵaYisraele ndipo mukazichitiyanga mlimu wa hema lakuwunganamo; alinga ziŵakumbuskenge ŵaYisraele paurongo pa Ambuya, kuti mujichitiyenge mphepeska.”

Maŵerengedu 28:11

“Pakwamba kwa myezi, mukaperekanga mipasku yinu yakocha ku Ambuya: nkhuzi ziŵi zimana zimana, bira yumoza, ŵana ŵamberere ŵankhonde ndi ŵaŵi ŵa chirimika chimoza wambura kalema;

1 Samuele 20:5

Davidi wanguti kwaku Jonafani, “Awona, mawa ndi mwezi ufya, ndipo ine nditenere kwachija pa gome pamoza ndi karonga; zomera ndirute, ndamubisama kudondo mpaka ku mazulo gha zuŵa la chitatu.

2 ŴaKaronga 4:23

Ndipo iyo wanguti, “Chifukwa nchine chakurutiya kwake msana wale? Kuti mphaliŵali pamwenga pa sabata cha.” Iyo wanguti, “Kukaŵanga kwamampha.”

Yoswa 6:4

Ndipo ŵazukuru ŵankhonde ndi ŵaŵi ŵapingenge mbata zinkhonde ndi ziŵi za masengwe gha ŵabira paurongo pa bokosi la phanganu; ndipo pa zuŵa la chinkhonde ndi chiŵi mukendanga kuzunguliya msumba kankhonde ndi kaŵi, ŵazukuru ŵakambanga mbata zo.

Sumu 81:4

Ili ndi dangu mu Yisraele, ndi langulu laku Chiuta waku Yakobe.