Mateyu 9:26 - Tonga Bible 1986

²⁶ Ndipo thenthe lake linguwanda mu charu chiya chose.

Mateyu 9:26 Referans Kwoze

Mateyu 4:24

Ndipo thenthe lake linguwanda mu Siriya yose, ndipo ŵangumtole wose ŵakutama ŵakukoreka ndi nthenda zamitundumitundu ndi maurwirwi, ŵademone ndi ŵakufuntha ndi ŵavinjenje; ndipo wose wanguŵachizga.

Marko 1:45

Kweni wachituwa iyo, wangwamba kumemeza ukongwa ndi kubuska makani gho, viyo Yesu kuti wanguziŵa so cha kusere pakweru mu muzi, kweni wajanga kubwaro mu malo gha bozwa: ndipo ŵanthu ŵamziyanga kutuwa kosekose.

Machitidu gha Ŵakutumika 26:26

Chifukwa wativiziŵa vyenivi karonga, kwaku mweniyo ndikamba ine kwawanangwa; chifukwa ndichichizgika kuti palive kanthu kakuvyenivi kabisika kwake; chifukwa chenichi chengavi kuchitika mu chingodya.

Marko 6:14

Herode karonga wanguvwa vyenivyo; chifukwa zina lake linguŵa lakuvwika. Ŵanyake ŵanguti, “Yohane Mbatizi yo wayuka ku ŵakufwa, ndipo chifukwa chenicho vyanthazi vyo vitataliya mwake.”

Mateyu 9:31

Kweni yiwo ŵanguruta, ndipo ŵangumuwandiska mu charu chiya chose.

Marko 1:28

Ndipo sosonukweni thenthe lake lingutuliya kosekose mu charu chose chakuzunguliya Galile.

Luka 4:14

Ndipo Yesu wanguwere mu Galile mu nthazi ya Mzimu Wakupaturika: ndipo mbiri yapaku iyo yinguwanda mu charu chose chakuzunguliya.

Luka 4:37

Ndipo mbiri yapaku iyo yawandiyanga mu malo ghose gha charu chakuzunguliya.

Luka 5:15

Kweni ukongwaku thenthe lawandiyanga paku iyo: ndipo mizinda yikuru yaungirananga kuvwa ndi kuchizgika matenda ghawo.

Luka 7:17

Ndipo mbiri yeniyi paku iyo yingutuliya mu Yuda yose, ndi mu charu chose chakuzunguliya.