Mateyu 9:2 - Tonga Bible 1986

² Ndipo, awonani, ŵangumtole wavinjenje wakura pa mphasa; ndipo Yesu wachiwona chivwanu chawo, wanguti ku wavinjenje yo, “Zika mtima, wamwana we, vyagowokereke iwe vyakulakwa vyako.”

Mateyu 9:2 Referans Kwoze

Mateyu 9:22

Kweni Yesu, wakung'anamuka ndi wakumuwona, wanguti, “Chintha mtima, mwana munthukazi, chivwanu chako chakuchizga.” Ndipo munthukazi yo kutuwa pa ora lenilo wanguchizgika.

Yakobe 2:18

Kweni wakambenge yumoza, “Iwe wenacho chivwanu, ndipo ine nde nayo milimu”; ndirongo chivwanu chako pade pa milimu yako, ndipo ine mu milimu ndikurongonge chivwanu changu.

Machitidu gha Ŵakutumika 19:12

viyo kuti saru zakuleske kutuwa ku liŵavu lake pamwenga zo mpangu zingutoreke ku ŵarwali nthenda zinguŵataya, ndipo so mizimu yiheni yingutuwamo.

Yohane 21:5

Yesu wangunena nawo, “Mwaŵana, kumbi mwe ndi somba?” Ŵangumwamuka, “Awa.”

Mateyu 8:10

Ndipo pa kumuvwa, Yesu wanguzizwa, ndipo wanguti ku ŵakumrondo, “Inyadi ndikuneniyani chingana ndi mu Yisraele kuti ndasaniya cha, chivwanu chikuru chaviyo.

Mateyu 4:24

Ndipo thenthe lake linguwanda mu Siriya yose, ndipo ŵangumtole wose ŵakutama ŵakukoreka ndi nthenda zamitundumitundu ndi maurwirwi, ŵademone ndi ŵakufuntha ndi ŵavinjenje; ndipo wose wanguŵachizga.

ŴaRoma 5:11

Viyo pe cha, kweni so titumbwiya mwaku Chiuta mu Ambuyafwe Yesu Kristu, mwaku mweniyo tarondere sono muwoju wo.

Machitidu gha Ŵakutumika 14:9

Yo wavwanga Paulo wachikamba: yo pakumlereska dodoli ndi kuwona kuti wenga ndi chivwanu kuchizgika,

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

Mateyu 9:6

Kweni alinga kuti muziŵe kuti Mwana wa munthu we nayo nthazi panupasi kwachireke vyakulakwa,” sono watiti ku wavinjenje yo, “Soka, to mphasa zako, ndi rutanga ku nyumba yako.”

Mateyu 8:16

Kweni kwati kwaŵa mazuro, ŵangumtole ŵanandi ŵakukoreka ndi ŵademone: ndipo wangutuzga mizimu yo ndi mazu, ndi wose ŵakutama wanguŵachizga.

Yesaya 44:22

Ndapeya mautimbanizi ghako uli ndi mtambo, ndi uheni wako uli ndi munkhorwe; were kwaku ine, pakuti ndakuwombo.

Yohane 2:25

chifukwa iyo wanguziŵa wose, ndipo kuti wangukavuka cha kuti yumoza wasimikizge pa munthu; chifukwa mwenecho waziŵanga cho chenga mu munthu.

Marko 5:34

Yesu wanguti kwaku iyo, “Mwana munthukazi we, chivwanu chako chakutaska; kanga mu chimangu, uchizgike ku nthenda yako.”

Marko 1:32

Ndipo ku mazuro, pakusere kwa dazi, ŵangumtole wose ŵakuŵa ndi matenda ndi ŵa ŵademone.

Wakutaula 9:7

Rutanga, karghenge kurgha kwako ndi likondwa, ndi kumwa vinyo wako mu chimwemwe cha mtima; pakuti Chiuta wakuzomerezga kale nchitu zako.

Mateyu 6:12

Ndipo tirekiyeni mateu ghidu. Nge ndimo nafwe so taŵarekea mateu ŵidu.

Mateyu 9:5

Chifukwa chiyuyu nichi, kunena, ‘Vyagowokereka vyakulakwa vyako’; pamwe kunena, ‘Soka, ndi endanga?’

Mateyu 14:27

Kweni ruŵi Yesu wangurongoro nawo, wakuti, “Chinthani mtima; ndine; mungopanga cha.”

Marko 6:50

chifukwa wose ŵangumuwona, ndipo ŵangumbwambwanthiya. Kweni wangurongoro nawo, wanguti, “Chinthani mtima; ndine; mungopanga.”

Marko 10:49

Ndipo wati wama Yesu, wanguti, “Mdaneni.” Ndipo ŵangumdana wachiburumutiya yo, wakumunene, “Chintha mtima: soka, watukudana.”

Machitidu gha Ŵakutumika 23:11

Ndipo ndi usiku wapavuli Mbuya pakumiya pake, wanguti, “Khwima mtima: chifukwa uli ndimo wasimikizgiya vyapaku ine mu Yerusalemu, viyo kukhumbikwa kuti ukasimikizge mu Roma so.”