Mateyu 9:13 - Tonga Bible 1986

¹³ Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Mateyu 9:13 Referans Kwoze

Marko 2:17

Ndipo wachivwa Yesu wanguŵanene, “Wo ŵe umampha kuti ŵapenja ng'anga cha, kweni ŵarwali ndiwo; kuti ndinguza kwazidana ŵarunji cha, kweni ŵakulakwa.”

Luka 19:10

Chifukwa Mwana wa munthu wakuziya kwachipenja ndi kwachitaska chakutayika cho.”

Hoseya 6:6

Chifukwa ndikhumba lisungu, sembe cha; kumuziŵa Chiuta kwakuruska sembe zakocha.

Luka 5:32

Kuti ndikuziya cha kwachidana ŵarunji, kweni ŵakulakwa ku chipe.”

Mateyu 12:7

Kweni asani munguziŵa mo chiriri chenichi, ‘Lisungu ndikhumba, ndi chisopu cha,’ mphanyi kuti mwaŵasuska cha wo mbambura kalema.

Nthanthi 21:3

Kuchita urunji ndi cheruzgu chirunji vyamarondeka ku Ambuya kwakuruska mipasku.

2 Petro 3:9

Mbuya walive kuziulika pa phanganu lake, uli ndimo ŵanyake ŵapimiya chiziu; kweni ngwakulekerezga kuchiri kwaku imwe, wambura kukhumba kuti yumoza wanangike, kweni kuti wose ŵazichipe.

Machitidu gha Ŵakutumika 3:19

Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya:

Machitidu gha Ŵakutumika 11:18

Ndipo ŵachivwa vyenivi, ŵanguchetama, ndipo ŵangumkankhuska Chiuta ŵakuti, “Ndipo ku ŵaMitundu nawo Chiuta wapaska ching'anamuka cha mu mtima ku umoyo.”

Mateyu 3:2

“Ng'anamukani; chifukwa waŵandika ufumu wa kuchanya.”

Machitidu gha Ŵakutumika 5:31

Mweniyo Chiuta wamkwezge ku marghe ghake, Chirongozgi ndi Mtaski, kwachipaska Yisraele chipe ndi chireke cha vilakwa.

Luka 24:47

ndi kuti ching'anamuka ndi chireke cha vilakwa vimemezeke mu zina lake ku mitundu yose, kwanda ku Yerusalemu.

Mateyu 4:17

Kutuwa pa nyengo yeniyiya Yesu wangwamba kutaula ndi kukamba, “Ng'anamukani; chifukwa waŵandika ufumu wa kuchanya.”

Machitidu gha Ŵakutumika 2:38

Ndipo Petro wanguti kwaku wo, “Ng'anamukani, ndipo munthu yose waku imwe wabatizikiye mu zina laku Yesu Kristu ku chireke cha vilakwa vinu; ndipo mukarondanga mpasku wa Mzimu Wakupaturika.

Mateyu 3:8

Viyo pasani vipasi vyakwenere ching'anamuka,

Machitidu gha Ŵakutumika 20:21

wakusimikizgiya ŵaYuda ndi so ŵaGriki ching'anamuka kwaku Chiuta, ndi chivwanu kuchiri ku Ambuyafwe Yesu Kristu.

Mateyu 21:42

Yesu watiti kwaku wo, “Kumbi kali kose mundaŵerenge mu malembo: ‘Mwa wo ŵakuzenga nyumba ŵanguwukana, weniwo waŵa mutu wa nyondu: ichi ndi nchitu ya Ambuya. Ndipo nchakuziziswa mu maso ghidu?’

Mateyu 12:3

Ndipo iyo wanguti kwaku wo, “Asi mwaŵerenga cho wanguchita Davidi, po wanguvwa nja, ndi wo ŵapamoza nayo;

Marko 12:26

Kweni nge nkhu ŵakufwa, kuti ŵayuskika, asi mwaŵerenga mu buku laku Mosese, pa chivwati cho, mo Chiuta wangumnene, kuti, ‘Ndine Chiuta waku Abrahamu, ndi Chiuta waku Yisaki, ndi Chiuta waku Yakobe’?

Yohane 10:34

Yesu wangwamuka, “Asi kwalembeka mu langulu linu, ‘Ndinguti, mwe ŵaChiuta’?

Mateyu 19:4

Kweni wakumuka wanguti, “Asi mwaŵerenga kuti kutuwa ku mtendeku chata wanguŵachita munthurumi ndi munthukazi.

Mateyu 12:5

Pamwenga asi mwaŵerenga mu langulu lo kuti pa Sabata ŵazukuru mu kasopi ŵananga Sabata, ndipo mbazirakalema?

Luka 10:26

Ndipo iyo wanguti kwaku yo, “Mu langulu lo chalembeka chine? Uteska uli?”

Marko 12:33

ndipo kumwanja iyo ndi mtima wose, ndi ndi uteska wose, ndi ndi nthazi yose, ndi kumwanja mwanase wako nge ndiwe wamweni, nkhwakuruska vyakocha vizirima ndi visopu.”

Luka 5:31

Ndipo wakwamuka Yesu wanguti kwaku wo, “Azima ŵalive usiwa wa ng'anga, kweni ŵakutama ndiwo.