Biblia Todo Logo
Bib sou entènèt

- Piblisite -




Mateyu 7:11 - Tonga Bible 1986

11 Viyo asani imwe chingana mwe ŵaheni, muziŵa kupaska mipasku yamampha ku ŵana ŵinu, na uli ukongwa Auskemwe ŵakuchanya ŵapaskenge vyamampha ku ŵakuŵapempha?

Gade chapit la Kopi




Mateyu 7:11
35 Referans Kwoze  

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.


Mweniyo nadi wengavi kureka Mwana waku yija, kweni wangumpereke pa chifukwa chaku tose, warekenge so uli kutipaska kwawezi vinthu vyose pamoza nayo?


Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.


Pakuti Chiuta wangwanja viyo charu, viyo kuti wangupaska Mwana wake wakuwayija, alinga kuti yose wakuvwana mwaku iyo wareke kutayika, kweni waŵe ndi umoyo wamuyaya.


“Kumbi munthukazi wangaruwa mwana wake wakonkha, kuti wareke kuŵa ndi chitima pa mwana wa chibali chake?” Inya yaŵa ŵangaruwa kweni ine kuti ndikuruwenge cha.


Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.


Mwaku chenichi mwe chanju, mwakuti ifwe tingumwanja Chiuta cha, kweni mwakuti iyo wangwanja ifwe, ndi wangutitumiya Mwana wake kuŵa mphepeska yapa vilakwa vidu.


Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.


Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.


Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.


Ambuya anguwona kuti utimbanizi wa munthu wenga ukuru mu charu ndiso mateskedu ghose gha maghanaghano gha mu mtima ghenga ghaheni pe nyengo zose.


Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.


“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’


Inya, Ambuya akatisakatiskanga, ndipo charu chidu chipaskenge usambasi wa vuna.


Kweni tiziŵa kuti vyenivyo vyose chikamba chilangulu cho, chikambiya wo ŵe pasi pa chilangulu; alinga kuti uchetamiskike mlomo wose, ndi kuti charu chose chitoleke ku cheruzgu chaku Chiuta.


Kweni lembo lo laŵajariya wose pasi pa ulakwi, alinga kuti chipanganu cho chamu chivwanu mwaku Yesu Kristu chapaskike kwaku wo mbakuvwana.


Na kwati? Kumbi tipambanapo? Cha pe, kosekose: chifukwa tapanikizga kali ŵaYuda ndi so ŵaGriki, kuti wose ŵe pasi pa ulakwi;


“Ehe, mazuŵa ghakazanga, atiti Ambuya, penipo ndazamufiska phanganu lenilo ndingupangana ndi Yisraele ndi Yuda.


Kweni ndipuuli yaka kenga kanthu kamana mu maso ghinu, A, Ambuya Chiuta; mwarongoro so ndi nyumba ya mteŵeti winu kwa nyengo yitali yo yikazanga, ndipo mwandirongo migonezi ya mukucha. A, Ambuya Chiuta.


Uwere kwa Ambuya, uze ndi mazu ukambe kwaku iwo ghakuti; “Mutuzgeko ubendezi wose; muzomerezge cho nchamampha, ndipo tiperekenge vipasi vya milomo yidu.


Mtima ngwakupusika kuruska vinthu vyose, ndipo nguheni ukongwa; njani wangauziŵa?


kwe uli ku munthu wakuchita vyaukazuzi ndi vyawaka, munthu yo watumwa kwananga nge ndi maji!


Ndikakambanga so za chanju chizirima cha Ambuya, marumbu gha Ambuya, kwakulingana ndi vyose vyo Ambuya atipaska, ndi umampha ukuru ku nyumba yaku Yisraele, weniwo apaska kwakulingana ndi lisungu lawo, kwakulingana ndi chanju chawo chizirima.


Pamwenga asani wampemphenge somba, wangampaska njoka?


Ndipo mungamtamula yumoza wiskemwe panupasi cha: chifukwa yumoza ndiyo wiskemwe, yo wakuchanya.


Swiv nou:

Piblisite


Piblisite