Mateyu 6:5 - Tonga Bible 1986

⁵ “Ndipo penipo uromba, ungaŵanga nge mbakufuvya cha; pakuti ŵatanja kuma ndi kuromba mu masinagoge ndi mu ndekanu za miseu, kuti ŵawoneke ku ŵanthu. Nadidi ndikuneniyani, ŵaronda mphotu yawo.

Mateyu 6:5 Referans Kwoze

Mateyu 6:2

“Penipo uchita wezi, ungakuŵanga mbata cha paurongo pako, uli ndimo ŵachitiya ŵakufuvya mu masinagoge ndi mu zinthowa alinga kuti ŵarumbike ndi ŵanthu. Nadidi ndikuneniyani, ŵaronde mphotu yawo.

Luka 18:13

Kweni wamsonkho yo, wakuma kutari, kuti wakhumbanga cha kuyinuskiya chingana ndi maso ghake kuchanya, kweni wapamanthanga chifuŵa chake, wakuti, ‘A Chiuta, mupepeskeke kwaku ine ndamulakwi!’

Marko 11:25

Ndipo penipo pose mutuma ndi kuromba, khururukiyani, asani mwe nako kanthu pa yumoza; kuti Auskemwe ŵakuchanya nawo akhururukiye imwe mamphuru ghinu. [

Yeremiya 29:12

Po ndipo mukandananga paku ine ndi mukazanga kuromba kwaku ine; ndipo ndikamuvwaninga.

Yesaya 1:15

Muchitambaruwa manja ghinu, ndikabisanga maso ghangu kwinu, inya chingana mungachita marombu ghanandi, kuti nditegherezgenge cha, manja ghinu ghazara ndi ndopa.

Luka 20:47

wo ŵakampha nyumba za vyoko, ndipo mu munguni ŵarombe kwathaliku; yaŵa ŵarondenge chisusa chakuruska.”

Yakobe 4:6

Kweni wapaska wezi ukuruku: viyo ŵatiti, “Chiuta wamikirana ndi wakujana, kweni wapaska wezi ku ŵakujiyuyuwa.”

Luka 18:1

Ndipo wanguŵakambiya ntharika yakuti nkhwakwenere iwo kuromba rutaruta, ndi kudembereka cha:

Danyele 6:10

Penipo Danyele wanguziŵa kuti karata wa dangu wasayindika wangusere mu nyumba yake ndi wangujura madangazi muchipinda cha muchanya ghakurazga ku Yerusalemu; wangujikama makongono ghake katatu mu zuŵa ndi wanguromba ndi kuwonga paurongo paku Chiuta wake, nge ndimo wachitiyanga pakudanga.

ŴaEfeso 6:18

Mu kuromba ndi kuninizika murombiyenge nyengo zose mu Mzimu, ndi kucherezga kwakufwiririyapo limu kuninizikiya pa chifukwa chakuwose ŵakupaturika,

Luka 11:43

Owe kwaku imwe, mwaŵaFarisi! Pakuti mutanja chitengu chachimoza mu masinagoge, ndi matauzgu mu mphara zo.

Mateyu 21:22

Ndipo vyose vyo mungapempha mu kuromba ŵakuvwana murondenge.”

Sumu 55:17

Ku mazulo, ku mlenji, ndi ku msana pakati ndidandaula ndi kutamantha, ndipo iyo wakavwanga mazu ghangu.

Sumu 5:2

Vwiskani mazu ghakudanirizga kwangu, mwa karonga wangu ndi Chiuta wangu, pakuti ndiŵeyere kwaku imwe.

1 ŴaTesalonika 5:17

rombani kwambura kulerezga;

Yohane 16:24

Kweni mpaka sono kuti mwapempha kanthu mu zina langu cha: pemphani ndipo murondenge, mwakuti chimwemwe chinu chiŵe chakuzala.

Marko 12:38

Mu chisambizgu chake wanguti, “Cheŵani ndi ŵalembi wo ŵakhumba kwendaenda mu makhanju, ndi ŵakukhumba matauzgu mu zimphara za maronda,

Mateyu 9:38

Ninizikiyani viyo Mweneko wa chivuna cho alinga watume ŵanchitu ku chivuna chake.”

Mateyu 23:13

“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [

Nthanthi 16:5

We yose mweniyo ngwakujikuzgangwa ukazuzi ku Ambuya; ziŵiska kuti warekenge kulangika cha.

Mateyu 23:6

ndipo ŵatanja chakujapo chapachanya, pa madghera, ndi vitengo vyakudanga mu masinagoge,

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Mateyu 6:16

“Ndipo penipo pose mungafunga, mungaŵanga nge mbakufuvya cha, ŵakuzimbwachisku: chifukwa ŵazimbwiska visku vyawo alinga kuti ŵawoneke ku ŵanthu kuti mbakufunga. Nadidi ndikuneniyani, ŵakuronde mphotu yawo.

Mateyu 6:1

“Cheŵani, mungachitiya urunji winu paurongo pa ŵanthu cha kwachiwoneka nawo: iku mphotu mulive ku Auskemwe ŵakuchanya.

Mateyu 23:5

Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo,

Luka 6:24

“Kweni owe kwaku imwe mwaŵasambasi! Pakuti mwarondapo sangarusku linu.