Mateyu 6:33 - Tonga Bible 1986

³³ Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Mateyu 6:33 Referans Kwoze

Luka 12:31

Kweni penjani ufumu wake, ndipo vikuskikiyengeko ivi kwaku imwe.

Mateyu 5:6

“Mbakutumbikika ŵakuvwa nja ndi nyota vya urunji: pakuti iwo ŵagutenge.

Yohane 6:27

Mungatakatakiya chaukurgha cho chitanangika cha, kweni chaukurgha cho nchakujaririya ku umoyo wamuyaya, chenicho Mwana wa munthu wakupaskeninge: chifukwa Chiuta Dada waŵika chizighiri chake paku iyo.”

ŴaRoma 14:17

Chifukwa ufumu waku Chiuta kuti mbunkharghi ndi unkhamwi cha, kweni urunji ndi chimangu ndi chimwemwe mu Mzimu Wakupaturika.

Sumu 37:25

Ndenga muhurwa, ndipo sono ndakota; kweni ndilivi kuwona kuti murunji wasiyika pamwenga ŵana ŵake kupempha kurgha.

Sumu 37:3

Gomekezga mu Ambuya, chita umampha; viyo ukajanga mu charu, ndi kukondwa umamphavi.

Mateyu 19:29

Ndipo yose yo wasiya zinyumba, pamwenga ŵabali, ŵazichi, wiske, nyina, ŵana pamwenga vyaru, pa chifukwa cha zina langu, wamronde mbwerezga ya machumi pe chumi, ndipo waharenge umoyo wamuyaya.

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

1 Timote 4:8

chifukwa kujilimbiska ko kwaliŵavu nkhwakwanduliya kumanavi; kweni uwopa Chiuta ngwakwanduliya vyose, pakuŵa nacho chipanganu cha umoyo wasono ndi chaku wo utakuzanga.

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

ŴaRoma 1:17

Chifukwa mwenimo uvumbulikiya urunji waku Chiuta, wakutuliya ku chivwanu ndi wakuyiya ku chivwanu: ndimo kwalembeke, “Murunji iyo wajariyenge wamoyo ndi chivwanu.”

ŴaFilipi 3:9

ndipo kuti ndisanirike mwaku iyo, pakuŵa ndi urunji wangu wamu chilangulu cha, kweni wo we mu chivwanu cha mwaku Kristu, urunji wakutuwa kwaku Chiuta wo uyegeme, pa chivwanu icho,

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

Mateyu 4:17

Kutuwa pa nyengo yeniyiya Yesu wangwamba kutaula ndi kukamba, “Ng'anamukani; chifukwa waŵandika ufumu wa kuchanya.”

Mateyu 3:2

“Ng'anamukani; chifukwa waŵandika ufumu wa kuchanya.”

2 ŴaTesalonika 1:5

Ivi nchirongoleru cha cheruzgu chirunji chaku Chiuta, alinga kuti mwenereskeke ufumu waku Chiuta, weniwo musuzgikiyapo,

ŴaRoma 10:3

Chifukwa pakureka kuwamo mu urunji waku Chiuta, ndi pakulembe kumiska urunji waku ŵija, ŵengavi kujithereske ku urunji waku Chiuta.

Machitidu gha Ŵakutumika 28:31

wakumemeza Ufumu wo waku Chiuta, ndi wakusambizga vyapa Ambuya Yesu Kristu, ndi chiganga chose kwambura kukanizgika.

2 Petro 1:11

chifukwa viyo kakuskikiyengeko kwaku imwe kwakusambasa kasereredu kamu ufumu wamuyaya wa Ambuyafwe ndi mtaski Yesu Kristu.

1 ŴaKaronga 17:13

Ndipo Eliya wanguti kwaku cho, “Ureke kopa; rutanga kachite nge ndimo wakambiya, kweni udange chandichitiya ine kachiŵande kamanavi kaufwa wo uzi nako kunu kwangu, ndipo pavuli ujinozge iwe ndi mwana wako.

2 Petro 1:1

Kalata wakutuwa kwaku Simoni Petro, muŵanda ndi wakutumika waku Yesu Kristu, kwaku ŵeniwo ŵaronde chivwanu chakuzirwa chakuyana ndi chidu mu urunji wa ku Chiuta widu ndi wa Mtaski Yesu Kristu:

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Yeremiya 23:6

Mu mazuŵa ghake Yuda wakataskikanga, Yisraele wakajanga umamphavi ndipo ili ndilo zina wakadanikanga nalo: ‘Ambuya mburunji widu.’

Yesaya 45:24

“Mu Ambuya pe, ŵakakambanga gha paku ine, mburunji ndi nthazi; kwaku iyo wakazanga ndi kulengeskeka, wose ŵeniwo ŵangumuyukiya.

1 ŴaKorinte 3:22

manyi ndi Paulo, pamwe Apolo, pamwenga Kefa, pamwenga charu, pamwenga umoyo, pamwenga nyifwa, pamwenga vyasono, pamwenga vyamkucha; vyose vye vinu:

Machitidu gha Ŵakutumika 20:25

Ndipo sono, onani, ndiziŵa ine kuti imwe mose mwamuwona so chachisku changu, mwaku imwe ndendi yanga kwachimemeza ufumu waku Chiuta.

Sumu 112:3

Mbumba yake yikaŵanga yisambasi ndi yakusakata, ndipo wakaŵanga ndi vya uzali mazuŵa ghose.

Nthanthi 8:18

Vyuma ndi ulemu vyendi ine, ulemelelo wakukiyakiya ndi kusakata.

Nthanthi 10:3

Ambuya kuti azomerezga kufwa ndi nja cha, kweni aziŵanizga kunweka kwa wamphulupulu.

Nthanthi 28:10

Mweniyo walandizgiya murunji munthowa ya uheni, wakawanga muzenje la mweneko, kweni wambura kalema wakaŵanga ndi chihara chamampha.

Wakutaula 10:2

Mtima wa munthu wavinjeru ukaniriya ku janja lake la marghe, kweni mtima wa wakupusa ukaniriya ku la maze.

Yesaya 26:9

Mzimu wangu unweka imwe ndi usiku, mzimu mukati mwangu upenja imwe ndi linweka. Pakuti asani vyeruzgu vinu vye mu charu chapasi, ŵakuja mu charu ŵasambira urunji.

Yesaya 33:6

ndipo akaŵanga mzati pa nyengo zinu; akuzara utaski, zeru, ndi kuziŵa; kopa Ambuya ndicho chuma chake.

Mateyu 19:28

Yesu wanguŵanene, “Nadidi ndikuneniyani, kuti imwe mwaŵakundirondo, mu charu chifya cho penipo Mwana wa munthu wajenge pa chitengo cha unkhankhu wake, namwe so mwazamuja pa vitengo chumi ndi viŵi, ŵakweruzga mafuku chumi ndi ghaŵi ghaku Yisraele.

Yohane 5:4

pakuti mungelo wazanga kaŵikaŵi kwazivunduwa maji. Ndipo maji ghati ghavunduka yo yose wangudanga kubiramo wanguchizigika ku nthenda yose yo wenga nayo.]