Mateyu 6:25 - Tonga Bible 1986

²⁵ “Chifukwa chenichi ndikuneniyani, mungakweŵekiyanga umoyo winu cha, cho mungargha pamwenga cho mungamwa; chingana nkhu liŵavu linu, cho mungavwara. Asi umoyo ngukuru ku chaukurgha, ndi liŵavu ndikuru ku chakuvwara?

Mateyu 6:25 Referans Kwoze

ŴaFilipi 4:6

Mungakweŵeke kose cha; kweni mu kanthu kose, mu rombu ndi mu niniziku pamoza ndi kuwonga, mapemphu ghinu ghaziŵikwe kwaku Chiuta.

1 Petro 5:7

pakupong'a paku iyo kweŵeku linu lose, pakuti waphwere imwe.

ŴaRoma 8:32

Mweniyo nadi wengavi kureka Mwana waku yija, kweni wangumpereke pa chifukwa chaku tose, warekenge so uli kutipaska kwawezi vinthu vyose pamoza nayo?

Sumu 55:22

Taya pa Ambuya mphingu yako, ndipo iwo akakuchirikizganga; kuti azomerezgenge nanga nkhamana cha kuti wakurunjika wawo wasukuniskike.

Mateyu 6:31

Viyo mungakweŵekanga, kuti, ‘Tirghengenji?’ Pamwenga, ‘Timwengenji?’ Pamwe, ‘Tivwalengenji?’

Marko 4:19

Kweni chifukwa cha maghanaghano gha mgonezi wo, ndi fuvyu la usambasi, ndi makhumbiro gha vinthu vinyake ghakuseremu, sono vighafinyirizga mazu, ndipo ghatuwa ghazira vipasi.

Mateyu 10:19

Kweni penipo ŵamukumweruzgani, mungakweŵeka ndi mo mungakambiya pamwenga cho murongoronge cha, chifukwa kupaskikenge kwaku imwe mu ora lenilo chenicho murongoronge.

1 ŴaKorinte 7:32

Kweni ndikhumba muŵevi malikweŵeka. Yo ngwambura kuto wakweŵeke vya Ambuya, mo wangakondweske Ambuya;

Mateyu 6:34

“Viyo mungakweŵekiyanga la mawa cha: chifukwa la mawa lijikweŵekiyenge lija. Ngwakukwaniya zuŵa lo uheni wake.

2 Timote 2:4

Palive wankhondo yo wapota homwa wajiwizga mu milimu ya umoyo wuno, pakuti fundu yake, njakuti wakhorweske wakumlemba.

Luka 8:14

Ndipo yo yakuwa mukati mu minga, mbeniwo ŵavwa, ndipo ŵachiruta ŵafinyirizgika ndi malikweŵeska ndi mausambasi ndi malikondwa gha umoyo, ndi kuti ŵafiska cha.

Mateyu 13:22

Ndipo yo yingumijika mu minga uyu ndi mweniyo watuvwa mazu; ndipo phuruputiro la mgonezi uwu ndi fuvyu la usambasi vifinyirizga mazu, ndipo watuŵa wambura vipasi.

Luka 12:11

Ndipo penipo ŵakutoliyeninge ku masinagoge gho, ndi ku ŵara, ndi ku mitufu, mungakweŵeka cha chenicho muŵamukenge, chingana nchenicho mukambenge:

Marko 13:11

Ndipo penipo ŵamkukugumizgani kwachikukomboni, mungakweŵekanga ndi cho mwamurongoro cha: kweni chose cho chingapskika kwaku imwe mu ora leniliya, chenicho rongoroni. Chifukwa kuti ndimwe cha mwamurongoro, kweni Mzimu Wakupaturika ndiyo.

Yeremiya 45:5

Ndipo kumbi utijipenje vinthu vikuru? Reka kuvipenja; pakuti, ehe, nditole chiheni pa vyamoyo vyose, atiti Ambuya: kweni ndikakupaskanga iwe umoyo wako nge ndi mphoto ya nkhondo mu malo ghose kweniko ungaya.”