Mateyu 6:19 - Tonga Bible 1986

¹⁹ “Mungajiŵikiya mbiku panupasi cha, penipo nyenji ndi murozu vitananga, ndi penipo ŵankhungu ŵabukutuwa ndipo ŵatuba.

Mateyu 6:19 Referans Kwoze

ŴaHebere 13:5

Nkharu yinu yingaŵanga yakwanja ndrama cha; mukhorwe ndi vyo mwe navyo; chifukwa wanguti mweneko, “Kuti ndamleka iwe cha, chingana nkhuti ndamsiya iwe cha kosekose.”

Luka 12:21

Viyo ndimo waliri wakujiŵikiya mbiku, ndi kuti ndi mromba cha kuchiri kwaku Chiuta.”

Nthanthi 16:16

Kusaniya zeru nkhwamampha kwakuruska golide kusaniya kuwamo nkhwamampha kwakuruska siliva.

Nthanthi 11:4

Mauromba kuti ghatanduwa cha mu zuŵa la ukari, kweni urunji upozomoska ku nyifwa.

Luka 18:22

Ndipo wachivwa Yesu wanguti kwaku iyo, “Chimoza chechekupereŵe kwako: vyose vyenivyo we navyo saskanga, ndi paskanga ku ŵakavu, ndipo uŵenge ndi mbiku kuchanya: ndipo zanga, rondo ine.”

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

Luka 12:33

Saskani vyo mwe navyo, ndi paskani chawezi. Jichitiyeni vikwama vyambura kuguga, mbiku yambura kupere mu machanya, kweniko munkhungu kuti wandere kufupi cha, chingana ndi chipupuruzu kuti chitananga cha.

Zefaniya 1:18

Chingana ndi siliva pamwenga golide wawo kuti viŵenge ndi nthazi cha kuŵataska mu zuŵa la ukari wa Ambuya. Mu moto wa ukari wa sanji yawo, charu chose chifyenge; ndipo amarizgenge ruŵiruŵi wose wo ŵaja mu charu.

Luka 18:24

Ndipo Yesu pakumuwona wanguti, “Kwaunononu ŵaserenge mu ufumu waku Chiuta wo mbakuŵa ndi vyuma.

Sumu 62:10

Rekani kuŵika chigomezgu chinu mu vyakuskoŵa; rekani kugomekezga muusambasi wakuchita kuphanga; asani usambasi ungandana, ungaŵikangako mtima wako cha.

Sumu 39:6

Nadidi munthu watenda nge nchiduzi! Kwakuneneska wakweŵeka kwawaka; munthu waunjika, kweni kuti waziŵa cha yo wakaronganga!

Mateyu 19:21

Wangumnene Yesu. “Asani unkhumba kuŵa wakukongora, kanga, kasaske vyo we navyo, paska ku ŵakavu, ndipo uŵenge ndi mbiku kuchanya; ndipo zanga, rondo ine!”

Jobu 31:24

“Asani ndaŵika chigomezgu changu mu golide, pamwenga golide lakwenga kuti liŵe chigomezgu changu,

Wakutaula 2:26

Chifukwa ku munthu yo watimukondweska, Chiuta wapaska vinjeru, kuwamo, ndi chimwemwe; kweni ku mulakwi wapaska suzgu ya kuwunjika ndi kuyereka, mwakuti wapereke kwaku mweniyo Chiuta wakondwa nayo. Ichi nachu so nchawaka ndi suzgu ya mtima.

Chituwa 22:2

Asani nyama yakubika yasanirika yamoyo we nayo ndiyo, manyi ndi ng'ombe, pamwenga mbunda, pamwenga mberere wakalipanga ziŵi.

Jobu 24:16

Mu mdima ŵakumba ndi kutoro nyumba; zo ŵazipachiya ndi msana; ukweru kuti ŵatiuziŵa cha.

Mateyu 6:20

Kweni mujiŵikiye mbiku kuchanya, kweniko nyenji chingana ndi murozu kuti vitananga cha, kweniko ŵankhungu kuti ŵabukutuwa chingana nkhuba cha,

Luka 12:39

Kweni ziŵani chenichi, kuti asani wanguziŵa mweninyumba ora lakuti munkhungu yo waziyenge, mphanyi wangukhazga, ndi mphanyi kuti wangureka nyumba yake kubukutulika cha.