Mateyu 6:13 - Tonga Bible 1986

¹³ Ndipo mungatitole mu kesedu kweni titaskeni ku mheni yo.

Mateyu 6:13 Referans Kwoze

1 ŴaKorinte 10:13

Kuti kakuziyanipo cha kesedu kakupambana ndiko kaziya pa munthu we yose. Ndipo Chiuta ngwamagomekezgeka, mweniyo kuti wangatayirizga imwe cha kuti mweseke kwakujumpha cho mungakunthiyapo; kweni pamoza ndi kesedu ko wapaskenge so nthowa yakuposomokiyapo, alinga kuti muziŵenge kukunthiyapo.

Yohane 17:15

Kuti ndiromba cha kuti muŵatuzge mu charu, kweni kuti muŵasunge ku mheni yo.

Mateyu 26:41

Khazgani, ndi rombani, alinga mureke kusere mu kusedu, mzimu nadi ngwakukhumba kuromba, kweni liŵavu ndakutomboroka.”

Chivumbuzi 19:1

Ndipo pavuli ndinguvwa ulaka ndi mazu ghakuru gha mzinda ukuru kuchanya, ghakuti, “Aleluya, Utaski ndi unkhankhu ndi nthazi vyo vyaku Chiuta widu:

2 ŴaTesalonika 3:3

Kweni Mbuya ngwamagomekezgeka, mweniyo wamkukukhozgani, ndi wamkukusungani ku mheni yo.

Mateyu 6:10

Ufumu winu uze. Khumbu linu lichitike, panupasi nge ndiko kuchanya.

Yeremiya 15:21

Ndikakupozomoskanga ku janja la ŵaheni ndi kukuwombo mu janja la wankhaza yo.”

2 Petro 2:9

Mbuya waziŵa kutaska ŵakopa Chiuta me kesedu, ndi kuŵasungirizga ŵaheni wo ŵalindizgikiya zuŵa la cheruzgu,

1 ŴaTesalonika 1:10

ndi kwachilindizga Mwana wake wachisoromoka kuchanya, mweniyo wangumyuska ku ŵakufwa Yesu, mweniyo ngwakutitaska ku kandundu ko katuza.

Sumu 47:7

Pakuti Chiuta ndi karonga wa charu chose; mbani marumbu ndisumu!

1 Mikoka 29:11

Ukuru ngwinu, Ambuya, ndi nthazi ndi upundi, ndi unkhankhu chifukwa vyose vya kuchanya ndi vya pasi vinu; ufumu ngwinu, Ambuya, ndipo mwakwezgeka nge ndi mutu pachanya paku vyose.

Chivumbuzi 21:4

Ndipo waleskengeko sozi lose ku maso ghawo, ndi nyifwa kuti yikaŵangapo so cha; chingana nchitenje, chingana ndi nkhuta, chingana mburwirwi, kuti vikaŵangapo so cha: chifukwa vyakudanga vyo vyarutapo.”

Sumu 10:16

Chiuta ndi karonga ku muyaya ndi muyaya; ŵamitundu ŵakaparghang'ikanga mu charu chake.

Chivumbuzi 3:10

Pakuti wasungirizga mazu ghangu ghakuti, kunthiyangapo, nane so, nkhakusunganga ku ora la kesedu, lo likaziyanga pa charu chose, kwachesa wo mbakuja panupasi.

1 Yohane 3:8

Yo ngwakuchita chilakwa ngwakutuliya kwaku diabolo yo; pakuti kutuwa ku mtendeku walakwa diabolo yo. Mwana yo waku Chiuta wangurongoleke chenichi kuti wanange nchitu zo zaku diabolo.

1 Petro 5:8

Zizani, khazgani: diaboloyo, mphindikwa yinu, uli ndi nkharamu yakukoroma, wayingayinga ndi kupenja mweniyo wakamphe.

Sumu 41:13

Atumbikike Ambuya, Chiuta waku Yisraele, kutuwa ku muyaya mpaka ku muyaya! Ameni ndi Ameni.

1 Mikoka 16:36

Ŵatumbikike Ambuya, Chiuta waku Yisraele, muyaya ndi muyaya!” Ndipo ŵanthu wose ŵanguti, “Ameni!” ndi ŵangutumbika Ambuya.

1 Mikoka 4:10

Ndipo Yabezi wadananga kwaku Chiuta waku Yisraele kuti, “Munditumbike ndi kukuzga charu changu, ndi kuti janja linu liŵenge nani, mundisunge ku uheni, mwakuti ureke kundipweteka,” ndipo Chiuta wangumupaska cho wanguromba.

Marangu 8:16

Mweniyo wangukukuhiŵani mbozwa ndi mana ghenigho auskemwe ŵengavi kughaziŵa, mwakuti wamuchepeskeni ndi wamweseni, kumuchitiyani umampha pa umari.

Chituwa 15:18

Ambuya akausanga muyaya ndi muyaya.”

Chiyambo 22:1

Pavuli pa vinthu ivi, Chiuta wangwesa Abrahamu, ndi wanguti kwaku iyo, “Abrahamu!” Ndipo iyo wanguti, “Nde pano.”

ŴaGalatia 1:4

yo wangujipereka pa chifukwa cha vilakwa vidu, mwakuti watitaske ku mgonezi uwu uheni, kwakulingana ndi khumbu laku Chiuta widu, Auskefwe;

2 ŴaKorinte 1:20

Chifukwa mapanganu ghose ghaku Chiuta, ghasaniya inya wawo mwaku iyo, muchifukwa ichi tikamba, Ameni, mwaku iyo, tichikambiya ku unkhankhu waku Chiuta.

Sumu 47:2

Pakuti Ambuya, Apachanya limu, mbakofya, ndi karonga mukuru pa charu chose chapasi.

Maŵerengedu 5:22

maji yagha gho ghasiska thembo ghasere mu matumbo ghako kukutupiska mbulu ndi kuvundiska chigha chako.’ Ndipo munthukazi wakambenge, ‘Ameni, Ameni.’

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

Chivumbuzi 1:18

ndi yo ngwamoyo; ndinguŵa wakufwa, ndi onani, nde Wamoyo ku muyaya ndi muyaya, ndipo nde nayo mijuriru ya Nyifwa ndi Hadesi.

Mateyu 5:37

Kweni mazu ghinu pakurongoro ghaŵe, ‘Inya,’ pamwenga, ‘Awa’; ndipo ghakutaruliya kwaku yagha ngakutuwa ku mheni yo.

Danyele 4:25

kuti mukadikiskikanga kutuwa ku ŵanthu, ndi mukajanga ndi nyama zamu dondo; mukarghanga nge ndi ng'ombe ndi mukazumbwanga ndi dungwi la kuchanya, mpaka nyengo zinkhonde ndi ziŵi zimujumpheni, ndi mpaka muziŵi kuti Wapachanya Limu ndiyo wausa pa ufumu wa ŵanthu, ndi kuwupaska kwaku yose yo Iyo wakhumba.

Nthanthi 30:8

Ndelezge kutali ndi ine urghargha ndi kunama; reka kundipaska ukavu pamwenga uromba, undihiŵe ndi kurgha kweniko kukhumbikwa kwangu,

Marangu 8:2

Ndipo mukumbukenge nthowa yose yo Ambuya Chiuta wangumurongozgani virimika ivi machumi ghanayi (40) mu bozwa, ku muchepeskani ndi kumwesani; kuti waziŵe cho chenga mu mtima winu, vinu musungenge marangu pamwenga cha.

1 ŴaKorinte 14:16

Ipu napo, asani utumbika ndi mzimu, yo ngwambura kuwamo wanenenge uli “Ameni” pa chiwonga chako, penipo walive kuziŵa cho urongoro?

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Danyele 7:18

Kweni ŵatuŵa ŵa Wapachanya Limu ndiwo ŵakatonga ufumu ndi kuja nawo muyaya.’

Sumu 106:48

Atumbikike Ambuya, Chiuta waku Yisraele, kutuwa ku muyaya mpaka ku muyaya! Ndipo ŵanthu wose ŵakambe, “Ameni!” Rumbani Ambuya!

Sumu 89:52

Tiyeni titumbike Ambuya muyaya! Ameni! ndi Ameni!

Sumu 72:19

Litumbikike zina lake la unkhankhu muyaya; unkhankhu wake uzaze mu charu chose, Ameni! Ameni!

1 ŴaKaronga 1:36

Ndipo Benaya mwana waku Yehoyada wangwamika karonga, “Ameni! Kuŵedi kuti Ambuya, Chiuta wa mbuyangu karonga, wakamba viyo

Chivumbuzi 19:4

Ndipo ŵanguwa pasi ŵara wo machumi ghaŵi ndi ŵanayi, ndi vyamoyo vyo vinayi, ŵangumlambiya Chiuta mweniyo waja pa chitengu-chaufumu cho, kuti, “Ameni! Aleluya!”

Chivumbuzi 5:13

Ndipo chilengeka chose cho che kuchanya, ndi panupasi, ndi kusi kwa charu, ndi mu nyanja, ndi vyose vya mwenimo, ndinguvivwa vyakuti, “Kwaku mweniyo waja pa chitengu-chaufumu cho, ndi ku Mwana-mberere, kuŵiye thumbiku, ndi rumbu, ndi unkhankhu, ndi mazaza ku muyaya muyaya!”

Chivumbuzi 3:14

“Ku mungelo yo wa mpingu wamu Laodikea lembapo: ‘Vyenivi watiti Ameni yo, kaboni wamogomekezgeka ndi wakuneneska, Chandu wa ulengi waku Chiuta.

ŴaHebere 11:36

Ndipo ŵanyake ŵangweseka ndi matozu ndi malikhwechu, nadidi so, ndi magoŵa ndi ulinda.

1 Timote 1:17

Kweni ku Karonga wamuyaya, mziramawoleka, wambura mawonekeka, Chiuta wayijayija, kuŵiye thamu ndi unkhankhu muyaya-muyaya. Ameni.

Yeremiya 28:6

wanguti, “Ameni! Ambuya ŵachitedi viyo; Ambuya ŵachite kuti mazu gho wachima ghaŵe ghakuneneska, ndipo awezge kuno viyaŵi vya nyumba ya Ambuya, ndi ŵamikoli wose kutuwa ku Babiloni.

Sumu 22:28

Pakuti ufumu ngwa Ambuya, ndipo ausa pa mitundu.