Mateyu 5:9 - Tonga Bible 1986

⁹ “Mbakutumbikika ŵakutata chimangu: pakuti iwo ŵazumbulikenge ŵana ŵaku Chiuta.

Mateyu 5:9 Referans Kwoze

ŴaHebere 12:14

Rondoni chimangu kuchiri kwaku wose, ndi utozi nawo, wambura weniwo paŵengevi yumoza wamuwona Mbuya.

ŴaRoma 12:18

Asani nkhwamachitika, ulindimo muziŵiya, muŵe mu chimangu ndi ŵanthu wose.

ŴaGalatia 5:22

Kweni chipasi cha Mzimu nchanju, chimwemwe, chimangu, chilekerezga, ulemu, umampha, ukongorekwa,

Sumu 120:6

Ndaja nyengo yitali ndi ŵanthu wo ŵatinkha chimangu!

ŴaRoma 8:14

chifukwa ŵeniwo wose ŵarongozgeka ndi Mzimu waku Chiuta, yiwo mbana ŵaku Chiuta.

Luka 6:35

Kweni muŵanje ŵamawongu ŵinu, ndipo ŵachitiyeni umampha ndi ŵalambiskeni kwambura kugomekezgako kanthu; ndipo mphoto yinu yiŵenge yikuru, ndipo mukaŵanga ŵana ŵa wamdengwendi: pakuti iyo ngwamampha ku ŵambura-kuwonga ndi ŵaheni.

2 ŴaKorinte 13:11

Pakumariya, mwa ŵabali, paweme! Mukongoreke: musangaruskike; mupimiye chakuyana pe; mujaririyane mu chimangu; ndipo Chiuta wa chanju ndi chimangu waŵenge pamoza namwe.

ŴaKolose 3:13

muŵe ŵakukunthiriyana ndi ŵakurekiyana, yumoza ndi munyake; asani munthu wangaŵa ndi kafukwa pa munyake uli ndimo Ambuya agowoke imwe, namwe so muchite viyo.

Sumu 34:12

Njani munthu yo ngwakunweka umoyo, wakukhumba mazuŵa ghanandi, mwakuti wawone umampha?

Mateyu 5:48

Viyo muŵenge ŵarunji imwe, nge ndimo Auskemwe ŵakuchanya ŵaliri ŵarunji.

2 ŴaKorinte 5:20

Viyo te mathenga pa chifukwa chaku Kristu, nge Chiuta waŵeyererenga mwaku ifwe: tininizikiya imwe pa chifwa chaku Kristu, mwanjaniskikiye kwaku Chiuta.

Machitidu gha Ŵakutumika 7:26

Ndipo la mawa wanguburika paku wo ŵalimbananga, ndipo wangwesa kuŵawojere ku chimangu, wakuti, ‘Mwaŵanthu, mwe ŵabali pe, chifukwa chine mubudirana?’

Mateyu 5:45

alinga kuti muŵenge ŵana ŵa Auskemwe ŵakuchanya: pakuti atuzgiya dazi lawo pa ŵaheni ndi ŵamampha, ndipo ang'iskiya vuwa pa ŵarunji ndipa ŵaziraurunji.

1 Mikoka 12:17

Davidi wanguruta kukumana nawo, ndipo wanguti kwaku wo, “Asani mwaza mu chimangu kundovya, mtima wangu ubatikanenge namwe, kweni asani mwaziya kundipereka ku ŵarwani ŵangu, chingana mulivi kaheni mu manja ghangu Chiuta wa ŵambuyafwe wawone ndi kumususkani.”

1 ŴaKorinte 6:6

Kweni awonani mbali watole mbali ku mphara, paurongo pa ŵazira chivwanu!

ŴaFilipi 4:2

Ndichichizga Euodia, ndipo ndichichizga Suntuke, kuti ŵaŵa ŵakuvwanana mu Mbuya.

Luka 20:36

chifukwa chingana nkhuti ŵaziŵa kufwa so cha; chifukwa ŵe nge mbangelo; ndipo mbana ŵaku Chiuta, pakuŵa ŵana ŵa chiyuka.

ŴaEfeso 4:1

Viyo ine, ndamagoŵa mu Mbuya, ndikuŵeyereni kwenda kwakwenere mdanu wo mwadanikiya,

ŴaRoma 8:16

Mzimu iyo wasimikizgana ndi mzimu widu, kuti te ŵana ŵaku Chiuta:

ŴaRoma 8:19

Pakuti chilereze chakunweka cha ulengi chilindizga kuvumbulika kwa ŵana ŵaku Chiuta.