Mateyu 5:8 - Tonga Bible 1986

⁸ “Mbakutumbikika ŵakutowa mu mtima: pakuti iwo ŵawonenge Chiuta.

Mateyu 5:8 Referans Kwoze

Sumu 24:4

Yo wendi manja ghakuphotoka ndi mtima wakutowa, yo kuti wayinuskiya ku utesi mzimu wake cha; ndipo kuti warapa kwakupusika cha.

Sumu 51:10

Mtima wakutowa mundilenge, A Chiuta, ŵikani mukati mwangu mzimu ufya ndi wakunyoroka.

ŴaHebere 10:22

tiŵandikiye ndi mtima weneko mu uzali wa chivwanu, ŵakumijirika kuchiri ku mitima yidu kutuwa ku njuŵi yiheni, ndi ŵakusambiskika kuchiri ku liŵavu lidu ndi maji ghakutowa,

ŴaHebere 12:14

Rondoni chimangu kuchiri kwaku wose, ndi utozi nawo, wambura weniwo paŵengevi yumoza wamuwona Mbuya.

Nthanthi 22:11

Mweniyo watanja utozi wa mtima, ndi mweniyo kurongoro nkhwawezi, ndi wakaŵanga ndi karonga uli ndi bwezi lake.

Yakobe 4:8

Ndereni kufupi kwaku Chiuta, ndipo wanderenge kufupi kwinu. Photoni manja, mwaŵalakwi; ndipo tozgani mitima, mwaŵamitimapaŵi.

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

Tito 1:15

Ku ŵakuphotoka vyose viphotoka: kweni ku ŵakukazuzgika ndi ŵambura kuvwana kulive kamoza kakuphotoka; kweni chinjeru chawo nacho ndi njuŵi so vikazuzgika.

Sumu 15:2

Wakwenda kwambura kalema, ndi wakuchita cho mburunji, wakurongoro uneneska mu mtima wake;

Machitidu gha Ŵakutumika 15:9

ndipo kuti wangupambaniska kanthu cha pakati paku ifwe ndi iwo, mu kutozga mitima yawo ndichivwanu.

Sumu 73:1

Nadi Chiuta ngwamampha kwaku Yisraele, kwaku wo mbakutowa mu mtima.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

Sumu 18:26

ku ŵakutowa mukajirongonga akutowa; ndipo ku muchenjezi mukajirongonga akunyongoroka.

1 ŴaKorinte 13:12

Chifukwa sono tiwona kazimuzimu nge ndimo tilereske, pa chakuwonapo (galasi) kwakusachizga kweni penipa tazamuwonana chisku ku chisku, sono ndiziŵa kwamalinga; kweni penipa nkhaziŵisiskanga uli ndimo ndaziŵikwiya.

Chivumbuzi 22:4

ndipo ŵawonenge chisku chake: zina lake liŵenge pa mphumi zawo.

Chiyambo 32:30

Viyo Yakobe wangudana zina la malo gha Penuele, wanguti, “Chifukwa ndawonana ndi Chiuta maso ndi maso, kweni umoyo wangu wasungika wamoyo.”

Sumu 51:6

Ehe, imwe mukhumba uneneska wa mukati mu mtima; chifukwa ichi mundisambizge zeru mukati mwangu.

2 Samuele 22:27

ku wakutowa mtima mukajirongonga akutowa mtima, ndipo ku muchenjezi mukajirongonga akunyongoroka.