Mateyu 5:45 - Tonga Bible 1986

⁴⁵ alinga kuti muŵenge ŵana ŵa Auskemwe ŵakuchanya: pakuti atuzgiya dazi lawo pa ŵaheni ndi ŵamampha, ndipo ang'iskiya vuwa pa ŵarunji ndipa ŵaziraurunji.

Mateyu 5:45 Referans Kwoze

Sumu 145:9

Ambuya mbamampha kwaku wose, ndi achitima paku vyose vyo akulenga.

Luka 6:35

Kweni muŵanje ŵamawongu ŵinu, ndipo ŵachitiyeni umampha ndi ŵalambiskeni kwambura kugomekezgako kanthu; ndipo mphoto yinu yiŵenge yikuru, ndipo mukaŵanga ŵana ŵa wamdengwendi: pakuti iyo ngwamampha ku ŵambura-kuwonga ndi ŵaheni.

Machitidu gha Ŵakutumika 14:17

Ndikweni kuti wajireka ŵaka cha wambura chisimisimi, mwakuti wanguchita umampha, pakupaska imwe kutuwa kuchanya vuwa ndi nyengo zakupasiya, ndi pakugutiska mitima yinu ndi vyakurgha ndi likondwa.”

Jobu 25:3

Kumbi maliŵanja gha ŵankhondo ŵake ghaŵerengeka mphakuyani po ukweru wake ureka kuŵara?

ŴaEfeso 5:1

Viyo muŵe ŵakumwezga Chiuta, uli mbana ŵakwanjiwa;

Mateyu 5:9

“Mbakutumbikika ŵakutata chimangu: pakuti iwo ŵazumbulikenge ŵana ŵaku Chiuta.

Yohane 13:35

Mwaku ichi ŵanthu wose ŵaziŵenge kuti mwe ŵasambizi ŵangu, asani mwe ndi chanju yumoza ku munyake.”

1 Yohane 3:9

Munthu yose yo wapapika kwaku Chiuta kuti wachita chilakwa cha, pakuti mbeu yake yijaririya mwaku iyo: ndipo kuti waziŵa kulakwa cha, pakuti wapapika kwaku Chiuta.

Yeremiya 5:24

Kuti ŵakamba cha mu mitima yawo, ‘Tiyeni topenge Ambuya Chiuta widu, mweniyo wapaska vuwa mu nyengo yake, vuwa yamtumbuku ndi ya chipwepwe, ndipo watitiŵikiya ŵasabata ŵakupaturikiya kuvuna.’

ŴaFilipi 2:15

alinga kuti muŵe ŵambura masumulika ndi ŵazizimu, ŵana ŵaku Chiuta ŵambura kalema mukati mu mgonezi wakunyongoroka ndi wakupuruska, mwaku wo muwoneka ulaka ndi vyenje me charu,