Mateyu 4:4 - Tonga Bible 1986

⁴ Kweni iyo wakwamuka wanguti, “Kwalembeka, ‘Munthu kuti wakajanga ndi umoyo ndi chiŵande pe cha, kweni ndi nenedu lose likutuwa mu mlomo waku Chiuta.’ ”

Mateyu 4:4 Referans Kwoze

Marangu 8:3

Wangumuchepeskani kumutandalikani ndi nja, ndipo wangumuhiŵani ndi mana ghenigho kuti mungughaziŵa cha, chingana mbauskemwe ŵengavi kughaziŵa. Wanguchita viyo mwakuti wamuziŵiskeni kuti munthu waja ndi umoyo ndi chiŵande pe cha, kweni munthu wajaliya wamoyo ndi mazu ghose ghakutuwa mu mlomo wa Ambuya.

Luka 4:4

Ndipo Yesu wangwamuka kwaku iyo, “Kwalembeka, kuti, ‘Munthu wajariyenge wamoyo ndi chiŵande chija pe cha.’ ”

Yohane 6:63

Mzimu ngwakupaska umoyo; liŵavu kuti litu vya kanthu cha; mazu gho ndarongoro namwe ndigho mzimu, ndipo ndigho umoyo.

ŴaRoma 15:4

Pakuti vyo vyose vingulembeke limu, vingulembeke kusambizgika kwidu, alinga kuti mu unkhunthiya ndi mu uchiska wa malembo tiŵe ndi chigomekezgu.

ŴaEfeso 6:17

Ndipo jitoleni chivekeru chaku mutu cho mbutaski, ndi so lipanga la Mzimu, lenilo ndi mazu ghaku Chiuta.

Chituwa 16:15

Penipo ŵaYisraele ŵati ŵakawona, ŵanguti yumoza kumunyake, “Nchine ichi?” Pakuti ŵengavi kuziŵa kuti chenga chine. Ndipo Mosese wanguti kwaku wo, “Nchiŵandi cho Ambuya akupaskani kurgha.

Luka 4:8

Ndipo wakwamuka Yesu wanguti kwaku iyo, “Kwalembeka, ‘Ulambiyenge Mbuya Chiuta wako, ndipo iyo pe yija umsopenge.’ ”

Chituwa 16:35

Ndipo ŵaYisraele ŵangurgha mana virimika machumi ghanayi, mpaka penipo ŵanguza ku charu cha chikhazi; ŵarghanga mana, mpaka penipo ŵanguza ku mphaka za charu cha Kanani.

Chituwa 16:8

Ndipo Mosese wanguti, “Penipo Ambuya atukupaskani nyama ndi mazulo kwachirgha ndipo ndi mlenji chiŵande cha mgutu, chifukwa Ambuya avwa madinginiku ghinu gho mudinginikiya paku iwo te kane ifwe? Madinginiku ghinu kuti ghe paku ifwe cha kweni pa Ambuya.”

Mateyu 4:10

Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

Mateyu 4:7

Yesu wanguti kwaku iyo, “Panyake so kwalembeka, ‘Ungesanga cha Ambuya Chiuta wako.’ ”

Luka 4:12

Ndipo wakwamuka Yesu wanguti kwaku iyo, “Kwaneneka, ‘Ungesanga cha Mbuya Chiuta wako.’ ”

Chituwa 23:15

Mukasunganga dghera la chiŵandi chambura mtupu, uli ndimo ndingukulanguliyani, mukarghanga chiŵandi chambura mtupu mazuŵa ghankhonde ndi ghaŵi panyengo yakutemeka mu mwezi wa Abibi, pakuti mwaku wo imwe mungutuwa mu Egipiti. Paulevi yumoza wakuzachiwoneka paurongo pangu manja ghaŵaka.

Mateyu 15:11

Chakusere mu mlomo kuti chikazuzga munthu cha, kweni chakutuwa mu mlomo ndichu chikazuzga munthu.”

Marko 7:20

Ndipo wanguti, “Cho chituwa mu munthu ndicho chikazuzga munthu.

Yohane 15:26

Kweni penipo Nkhoswi yo yitakuti yaza, yeniyo ine nkhatumanga kwaku imwe kutuwa ku Dada, Mzimu yo wa uneneska, yo watuwa ku Dada, iyo wamsimikizga vyapaku ine;