Mateyu 4:22 - Tonga Bible 1986

²² Ndipo iwo sosonukweni ŵangusiya ngaraŵa yo ndi auskeu, ŵangumrondo.

Mateyu 4:22 Referans Kwoze

Mateyu 10:37

Yo ngwakwanja wiske pamwenga nyina kwakuruska ine kuti ngwakwenere ine cha; ndipo yo ngwakwanja mwana munthurumi pamwenga mwana munthukazi kwakuruska ine, kuti ngwakwenere ine cha.

Luka 14:26

“Asani yumoza watuza kwaku ine, ndi kuti watinkha cha wiske waku yija, ndi nyina, ndi muwoli, ndi ŵana, ndi ŵabali, ndi ŵazichi, ndi so umoyo waku yija nawo, kuti wangaziŵa cha kuŵa msambizi wangu.

Marko 1:20

Ndipo sosonukweni wanguŵadana: ndipo ŵangumusiya uskeu Zebediya mu ngaraŵa, pamoza ndi ŵanchitu ŵamphotu ndipo ŵangumurondo.

2 ŴaKorinte 5:16

Viyo na, ifwe kutuwa ku sono kuti tiziŵa yumoza uli nkhu liŵavu cha: chingana napo tamziŵa Kristu uli nkhu liŵavu, ndikweni sono kuti timziŵa viyo so cha.

Luka 14:33

Viyo ndimo yose mwaku imwe yo wareka kujipatiya vyose vyo wenavyo, kuti wangaziŵa cha kuŵa msambizi wangu.

Mateyu 4:21

Ndipo wakwendapo wanguwona ŵabali ŵanyake ŵaŵi, Yakobe mwana waku Zebediya, ndi Yohane mhurwa wake, mu ngaraŵa pamoza ndi Zebediya uskeu ŵatandanga mikwau yawo; ndipo wanguŵadana.

Mateyu 4:23

Ndipo Yesu wazunguliyanga Galile yose, wakusambizga mu masinagoge ghawo, ndi wakumemeza evangeli wa ufumu wo, wakuchizga nthenda yose ndi unthomboru wose mukati mu ŵanthu.

Luka 5:11

Ndipo ŵanguti ŵakwezga vyombo ku mtunda, ŵangusiya vyose, ndipo ŵangumrondo.