Mateyu 4:17 - Tonga Bible 1986

¹⁷ Kutuwa pa nyengo yeniyiya Yesu wangwamba kutaula ndi kukamba, “Ng'anamukani; chifukwa waŵandika ufumu wa kuchanya.”

Mateyu 4:17 Referans Kwoze

Mateyu 3:2

“Ng'anamukani; chifukwa waŵandika ufumu wa kuchanya.”

Machitidu gha Ŵakutumika 2:38

Ndipo Petro wanguti kwaku wo, “Ng'anamukani, ndipo munthu yose waku imwe wabatizikiye mu zina laku Yesu Kristu ku chireke cha vilakwa vinu; ndipo mukarondanga mpasku wa Mzimu Wakupaturika.

Luka 5:32

Kuti ndikuziya cha kwachidana ŵarunji, kweni ŵakulakwa ku chipe.”

Luka 24:47

ndi kuti ching'anamuka ndi chireke cha vilakwa vimemezeke mu zina lake ku mitundu yose, kwanda ku Yerusalemu.

Machitidu gha Ŵakutumika 17:30

Viyo nadi Chiuta wangujumphiskiya maso pa nyengo zo za ujira; kweni sono walanguliya ŵanthu wose kosekose kung'anamuka:

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Machitidu gha Ŵakutumika 26:20

kweni ku ŵamu Damasko danga, ndi so ku ŵamu Yerusalemu, ndimu charu chose chaku Yuda, ndi ku mitundu, ndingugozga evangeli, kuti ŵang'anamuke mu mtima, ndi ŵang'anamukiye kwaku Chiuta, ndi kuteŵeta milimu yo njakwenere ching'anamuka.

Luka 15:7

Ndikuneniyani, kuti viyo ndimo kuŵiyenge chimwemwe kuchanya pa mlakwe yumoza waking'anamuka, kwakuruska pa ŵarunji machumi ghankhonde ndi ghanayi pachanya ŵankhonde ndi ŵanayi, ŵeniwo ŵalivi msowu wa chipe.

Machitidu gha Ŵakutumika 3:19

Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya:

Luka 15:10

Viyo ndimo, ndikuneniyani, kutuŵa chimwemwe pa maso gha ŵangelo ŵaku Chiuta pa mlakwi yumoza wakung'anamuka.”

Machitidu gha Ŵakutumika 20:21

wakusimikizgiya ŵaYuda ndi so ŵaGriki ching'anamuka kwaku Chiuta, ndi chivwanu kuchiri ku Ambuyafwe Yesu Kristu.

ŴaHebere 6:1

Viyo pakusiya mazu ghakutendeka gho ghaku Kristu, titinthimikiye ku mfisku wo; kujarika so cha chiŵanja cha chipe cha kutuwako ku nchitu zakufwa, ndi cha chivwanu chamwaku Chiuta,

Machitidu gha Ŵakutumika 11:18

Ndipo ŵachivwa vyenivi, ŵanguchetama, ndipo ŵangumkankhuska Chiuta ŵakuti, “Ndipo ku ŵaMitundu nawo Chiuta wapaska ching'anamuka cha mu mtima ku umoyo.”

Mateyu 25:1

“Penipo ufumu wa kuchanya ulinganizgikenge ku mbeta chumi, zenizo zinguti zato nyali zawo, zingutuwa kwachikumana ndi mweni-nthengwa.

Mateyu 13:47

“Panyake, ufumu wakuchanya ukozgana ndi mukwau wakupong'eka mu nyanja, ndi wakuzinga za mtundu we wose,

Mateyu 10:7

Ndipo muchiruta memezani, ŵakuti, ‘Waŵandika ufumu wakuchanya.’

Luka 9:2

Ndipo wanguŵatuma kwachimemeza ufumu waku Chiuta, ndi kuchizga ŵakutama.

Mateyu 11:12

Ndipo kutuwa ku mazuŵa ghaku Yohane Mbatizi mpaka ku sono ufumu wakuchanya wakomwa ndi masuzgu, ndipo ŵanthu ŵa viwawa ŵati wupoka ndi nthazi.

Mateyu 13:24

Ntharika yinyake wanguŵakambiya, wakuti, “Ufumu wakuchanya ukozgana ndi munthu wakumija mbeu yamampha mu munda wake;

Mateyu 13:9

Wakuŵa ndi makutu yo, wavwe.”

Mateyu 13:11

Ndipo iyo wakwamuka wanguti kwaku wo, “Kwaku imwe kwapaskika kuziŵa mangari gha ufumu wakuchanya, kweni kwaku ŵa kuti kwapasikika cha.

Mateyu 6:10

Ufumu winu uze. Khumbu linu lichitike, panupasi nge ndiko kuchanya.

Luka 3:23

Ndipo Yesu mweneko wenga akhumba wa virimika machumi ghatatu wachanda kusambizga, wakuŵa mwana (viyo kwapimikanga) waku Yosefe, mwana waku Heli,